48
Pathian Cu Hmailam Caan Ih Bawipa A Si
1 Maw Israel mi pawl, hihi ngai hnik uh!
Judah tesinfa pawl, òha tein ngai uh!
Bawipa ih hmin salin thu na kam ih,
Israel ih Pathian ka biak, na ti.
Asinan na òongmi cu na hmurka lawngin a si;
Na thinlung ah zianghman a um lo.
2 Cui tlunah hngal zet in,
“Kei cu khua thianghlim sungih
um mi ka si;
Israel ih Pathian ka rinsan a si;
A hmin cu
Cungnungbik Bawipa a si,” na ti.
3 Bawipa in Israel hnenah,
“Khuahlanlai ihsin thil a cang dingmi
ka rak sim cia zo;
Cule hmakhat teah ka kimter.
4 Na thinlung cu thir le daar bangih ruh zet in
A um ding tihi ka rak thei cia zo!
5 ‘Ka khawvang pawl ih cangter mi le,
Ka milem pawl ih sim cia mi a si,’
na ti theilonak dingah,
thil a cang hlan ihsin ka rak sim cia zo;
Hlanlaipi ihsin ka rak sim cia zo a si.
6 “Ka rak sim cia mi hmuahhmuah
an kim òheh zo;
Ka rak simmi an hman a si,
tiih na pom a òul a si.
Atu ah a ra thleng dingmi
thilthar ka lo sim ding;
A hlanih ka phuan dah lomi
thil pawl cu.
7 Atu lawngah ka cangter ding,
Hibangtuk cu dunglam ah
a cang dah lomi thil an si.
A rak cang dah zo a si ahcun
ka theih cia mi a si na ti ding.
8 Na suahthlak ihsin mi dodaltu na si ih,
Rinsan ding na si lo,
ti cu ka thei òheh a si.
Curuangah a si, hi thu hi na theih dah lonak le
òong kamkhat hman na hna ih
9 “Mi in ka hmin an thangòhatnak dingah
Ka thinhennak cu ka sup a si;
Ka thin ka nemtersal ih
ka lo siatsuah lo ding.
10 Ngun cu somei sungih
an thianfaiter bangin,
Tuarnak meisa sungah ka lo hniksak a si.
Asinan man nei lo na si cu
fiang tein ka thei.
11 Curuangah thil ka tuahmi hi
ka hmin hrang lawngah ka tuah;
Ka hmin cu thangsia in ka umter thei lo;
Sunlawinak khal keimah ih ta lawng a si ih
Zohman in an co lo ding,” tiah a ti.
Bawipa Ih Hrilmi Sairas
12 Bawipa in Israel hnenah,
“Maw Israel, ka kawhmi pawl,
i ngai hnik uh;
Keimah cu Pathian ka si;
Hmaisabik ka si, netabik khal ka si.Ref 48.12 Isa 44:6; Thup 1:17; 22:13;
Keimah lawng hi Pathian ka si.
13 Leilung ih hramòohnak cu
ka kut ih tuahmi a si;
Van tla khi ka kut ih pharhmi an si.
Lei le van ka ko tikah,
Hmakhat teah ka hmaiah an ra ding a si.
14 “Nan zate in pumkhawm uhla ngai hnik uh!
Ka hrilmi pa in Babilon a do ding, tiah
Khui khawvang hman in
a phuang cia theilo a si.
Ka tuahter duhmi cu a tuah ding a si.
15 A hnenah a òongtu le a kotu cu
keimah ka si;
Ka hruai suakih hlawhtlinnak ka pek.
16 I ra naih uhla ka simmi hi thei hnik uh!
A hramthok ihsin nan hnenah
zianghman thup lo in ka sim;
Ka simmi thu cu a kim ringring a si,” a ti.
(Atu ah Cungnungbik Bawipa in
huham i pekih i thlah.)
Bawipa In A Minung Pawl Hrangih Tumtahnak
17 Israel ih Pathian thianghlim,
a lo runtu Bawipa in,
“Keimah cu Bawipa nan Pathian ka si;
Nan òhatnak dingah a lo zirhtu le
Nan fehnak ding lamzin ah
a lo hruaitu ka si.
18 Ka thupekmi rak ngai uh cila maw!
Nan parah hin thluasuah malsawmnak cu
ziangtik hman ih a kang dah lomi
tiva bangin a luang ding nan!
Nan hnenah nehnak cu,
Tifinriat kapih tilet a thlen cingcing bangin
a thleng ding nan!
19 Nan tesinfa pawl cu tipikap ih
vunnel zat an si dingih leilungtlun ahhin
a hloral mi nan si lo ding nan!” tiah a ti.
20 Babilon ihsin suak uh!
Nan luat a si feh uh!
Cui thu cu lungawi in tlang au uh!
Khuazakip ah than uhla:
“ Bawipa in a siahhlawh,
Israel a run zo a si!” tiah au ciamco uh.Ref 48.20 Thup 18:4;
21 Bawipa in a minung pawl cu
a car le a sa zetmi nelrawn lak ihsin
a hruai tikah tihalnak
zianghman an tuar lo.
An hrangah lungpi sungin tidai a puutter.
Lungpi cu a kuaiter ih tidai a luang zurzo.
22 “Misual hrangah cun himnak a um lo,” tiah
Bawipa in a ti.Ref 48.22 Isa 57:21;