44
Bawipa Lawng Hi Pathian A Si
Bawipa in,
“Maw Israel, ka siahhlawh,
Ka hrilmi, Jakob tefa pawl, ngai hnik uh.
Keimah hi a lo semsuahtu Bawipa ka si.
Na nunnak a sem ve tein
ka rak lo bawm zo.
Zianghman òih hlah;
i riantu ka siahhlawh na si.
Ka hrilmi, ka duhdawt mi na si.
 
“Tidai a haalmi ram ah tidai ka pe ding;
Nelrawn ah tiva ka luanter ding.
Nan faate pawl parah
ka thlarau ka burh dingih
Nan tesinfa par khalah
ka malsawmnak ka burh ding.
Òha zet ih tidai a ngahmi hrampi bangin
an òhang dingih,
Tivakap ih partiam kung bangin
an hniing ding.
 
“Pakhat hnu pakhat mi in,
‘Kei khal Bawipa ih mi ka si,’
an ti ding.
Israel mi pawl an ra fin vivo ding.
An baan parah Bawipa ih hmin
an ngan fingfing dingih,
Pathian ih minung ah an siar aw ding,” a ti.
 
Israel a uktu le a humtu Bawipa,
Cungnungbik Bawipa cun,
“Keimah cu hmaisabik le netabik ka si;
Keimah siar lo Pathian dang a um lo.Ref 44.6 Isa 48:12; Thup 1:17; 22:13;
Ka tuahmi a tuah theitu zotal an um maw?
Caan a rak thoktir ihsin a netnak tiang,
Thil a cang ding hmuahhmuah
a sim cia theitu an um maw?
Ka minung pawl, zianghman òih hlah uh!
Khuahlanlai ihsin tuih san tiang
a cang ding hmuahhmuah a hlankhan in
ka rak sim cia zo;
Cui thu cu nan thei ih
Keimah ih thutheih pitu nan si.
A cakmi Pathian dang zotal an um maw?
Ka theih dah lomi teh an um maw?”
tiah a ti.
Milem Biaknak Ziang Siar Lonak
Milem a tuahtu minung pawl cu zianghman an si lo; cule an uar zetmi le an sunloih zetmi an khawvang pawl khal cu santlailo hlir an si. Hi khawvang a betu le a upattu cu mi-aa le mitcaw pawl an si ih ningzahnak an tong ding. 10 Biak dingah thir in khawvang tuah cu zianghman a òhahnem lo. 11 Cui khawvang a betu hmuahhmuah cu an ning a zak leh ding. Milem a tuahtu pawl cu minung lawng an si. Zianghman an si lo. Ra hai sehla an thuòhennak hmunah ra ding hnik hai seh. An òih dingih ningzahnak an tuar ding a si.
12 Soserpa in thir tankhat a lak ih meivam sungah a vaamter. A cakmi a baan in sobul a lak ih pianhmang nei tiangin a deen. Cutiih a òuannak ah a ril a rawng, a ti a haal ih a baang ngaingai.
13 Cule lettama pakhat in zanthing a tah. Miphiu in zuk pungsan a suai; zipaw a òhut ih a hriamhrei in a òuan. Biakinn sungih ret dingah minung pianhmang in a tuah; minung pianhmang mawi zet ah a tuah a si. 14 Cumi tuah dingah sidar thing maw, sasua kung maw, farthing maw tupi ihsin a hau ih a hmang. Asilole sidar thing a phun ih ruahpi ih òhanter dingin a hngak. 15 Minung in thingkung a hrek cu tihthing ah a hmangih a hrek cu milem tuahnak ah a hmang. Thing a hrek cun meisa a tuah ih a khawhlumnak ah a ai ih sang tla a rawh. A dang a hrek cun milem a tuah ih a biak: 16 Zanthing hrekkhat cu meisa ah a muah; sa tla a em ih a ei ih a tlaizet hngin. Meisa ai tahrat in, “A hlum a va nuam so! Ka meisa òhat daan cu!” a ti. 17 Zanthing hrekkhat cun milem a tuah. A hmaiah a kun ih a biak. A hnenah, “Nangmah hi ka pathian na si. I run hram aw,” tiah thla a cam.
18 Cubangtuk minung pawl cu an aa tuk ih ziang a si kan tuah ti hman an thei lo. Thutak le thuhman lam ahcun an mit an siing ih an thinlung a pit a si. 19 Milem siamtu in, “Zanthing a hrek cu meisa ah ka ur òheh. Meivam parah sang ka rawh ih sa ka em ih ka ei. A dang zanthing cu milem ah ka tuah. Cui zanthing tan tankhat hmai ahcun atu hi ka kuun rero a si hi!” ti ruahnak le ngaihtuahnak malte hman a nei lo a si.
20 Vutcam ei vekih tican nei lo a si. A thinlung aa in zin peengah a hruaihlo ih bom thei ding a si nawn lo. A kut ih a pom mi milem cu pathian a si ual lo, ti hman a thei thei nawn lo.
Bawipa Cu Semsuahtu Le Runtu A Si
21  Bawipa in,
“Maw Israel, hi thil pawl hi ciingòha aw;
I riantu na si hi hngilh hlah.
I riantu si dingah ka lo semsuah ih,
Ziangtik hmanah ka lo hngilh lo ding.
22 Na sualnak cu mero a kian bangin
ka kianter zo.
Ka hnenah rasal aw;
A lo runtu cu keimah ka si,” tiah a ti.
 
23 Maw van tla, lungawi in au uh!
Leilung thuukmi pawl, au cio uh!
Tlang le tupi sung zanthing hmuahhmuah khal
lungawi aipuang in au cio uh!
Bawipa in a nasatnak langter tahrat in
A minung Israel a run zo a si.
24  Bawipa in,
“Keimah cu Bawipa ka si;
a lo semsuahtu le Runtu ka si.
Keimah hi Bawipa cu ka si;
thil hmuahhmuah semsuahtu ka si.
Van tla khi keimah lawngin ka pharh;
Leilung ka tuah tikah
zohmanin in bawm lo.
25 Kutòial zohthiam pawl cu
mi-aa ah ka tuah ih,
Arsi zohthiam pawl ih òong cu
thuphan ah ka cangter.Ref 44.25 1 Kor 1:20;
Mifim pawl ih òong cu ka elpit ih,
An fimnak cu aatnak a si zia
ka langter òheh a si.
26 Sikhalsehla ka siahhlawh in
a cang dingmi thil a sim cia ih,
Ka tumtahmi phuang dingah
palai ka thlah tikah cun,
Cui a simmi le ka tumtahmi cu
ka kimter rori a si.
Jerusalem hnenah,
‘Minung an umsal ding a si,’ tiah ka ti.
Judah khuapi hnenah,
‘A thar in saksal nan si ding,’ ka ti.
Hi khuapi pawl cu hnawmpen sung ihsin
an dingsal ding.
27 Thu ka pekih Tipithuanthum ka carter.
28 Cule Sairas hnenah,
‘Nangmah cu ka ai ah uktu na si ding.
Tuahter ka lo duhmi na tuah ding:
Jerusalem cu saksal dingah
thu na pe dingih
Biakinn ih innhram thoksal dingah
thu na pe ding,’ ka ti,” tiah a sim.Ref 44.28 2 San 36:23; Ezr 1:2;