4
1 Cui caan a kim tikah nunau pasarih in mipa pakhat an kai dingih, “Kanmah ten kan cawm aw ko ding; hnipuan tla in holh a òul lo ding; pasal nei theilo ih um ningzahnak ihsin kan luatnak dingah kan pasal a si kan lo ti hram pei,” tiah an ti ding.
Jerusalem A Òhasal Ding
2 Tikcu caan a ra thleng dingih ramsung thingkung le rawlkung pawl cu Bawipa in a tumter dingih a mawiter ding. Israel mi sungin a tangmi pawl in an ram ih a suakmi rawl an hmuh tikah an thin a nuam dingih an mithmai a òhasal ding.
3 Jerusalem ih a tangmi, nung dingah Pathian ih hrilmi pawl cu mithianghlim tiah kawh an si ding.
4 Bawipa in a cahnak huham thawn thu a òhen dingih ram a thianter ding. Cun Jerusalem sualnak le thisen thletnak cu a kholhfai ding.
5 Cule Zion Tlang par le cutawkih a ra khawm mi pawl ih tlunah Bawipa in sun ah khawdur a umter dingih zan ah meikhu le meisa tleu a umter ding. Pathian ih sunlawinak huham in khuapi pumpi cu a khuh dingih a hum ding a si.Ref 4.5 Suah 13:21, 24:16;
6 Bawipai ih sunlawinak in khuapi cu sun nisatnak ihsin a hnem dingih ruah a sur ih thlipi a hran hmanah beunak le himnak hmun a si ding.