31
Pathian In Jerusalem A Hum Ding
1 Bomnak duh ah Izipt ih a fehtu pawl cu an cem a si! Izipt ralkap pawl an rinsan; an rang, an rangleng, le an ralkap cak zet pawl an rinsan a si. Asinan Bawipa Pathian, Israel ih Pathian Thianghlim cu an rinsan lo; a hnen ihsin bomnak khal an dil lo.
2 Bawipa cun a tuahmi a thei, thilòha lo poimawh a thlenter a si. Miòha lo pawl le a rak òantu pawl kha ka hrem ding a ti bangin a hrem taktak.
3 Izipt mi pawl cu pathian an si lo, milai lawng an si! An rang pawl cu thlarau an si lo, titsa nei an si! Bawipa in a kut pharh in thil a tuah tikah cun a cak zetmi ram cu a ril dingih cumi a cak zetmi ram in a bom mi ram cak lo khal a sawn cih ding a si. An ramhnih in a siat ding.
4 Bawipa in ka hnenah, “Ramsa a dehtu kiosa cu tuukhal pawl in ziangtlukih an au an kio hnawh hmanah an dawihlo thei lo bangin, kei Cungnungbik Bawipa cu Zion Tlang humhim ka tumnak ihsin zohmanin in kham theilo ding.
5 A fanote hum dingah vate cu a bu tlunih a heel awk rero bangin kei Cungnungbik Bawipa khalin Jerusalem cu ka hum dingih ka òan ding a si,” tiah a ti.
6 Pathian in, “Maw Israel mi pawl, ka hmaiah nan sual zo ih in ralsan zo! Sikhalsehla ka hnenah rakir uh!
7 Nan zate in sui le ngun ihsin a borhbah mi milem nan tuahmi pawl nan hlonhlo òhehnak tikcu caan a ra thleng ding.
8 Raldonak ah Assiria cu a siat òheh ding, asinain milai kut in a si lo ding. Assiria mi pawl cu raldonak ihsin an tlan dingih an mino pawl cu sal ah an kai hai ding.
9 An siangpahrang cu thinphang in a tlanhlo dingih an ralbawi pawl cu an òihtuknak ah an thantar hman an tlanhlohsan ding,” tiah a ti. Jerusalem ah an biakmi Bawipa, Zion Tlang ah a meisa in thawinak a kangtertu Bawipa in a sim zo a si.