28
Saklam Uknak Hrangih Ralrin Peknak
1 Israel uknak cu a cem a si! A sunlawinak cu an hotu zuri pawl lu parah, pangpar ih tuahmi siangpahrang lukhum a vuai vekin, a vuai a si. A hngal zet mi an lu cu òha zet in rimhmui an hnih nain thizik ih zu an rit ruangah an ril men.
2 Bawipa in anmah do dingah a cak zetmi le huham a nei zet mi pakhat a hril zo. Cupa cu rial tlak in a rung tla ding, thli le ruah bangin a ra ding, thil siatsuahtu tilik bangin a ra dingih ram cu a neh ding.
3 An hotu zuri pawl ih hngalnak cu ke ih pal cih mi an si ding.
4 An hotu mi hngal pawl ih hminthannak cu theipi rah hmaisabik a hmin ve tein an lawh ih an ei ih a cem vekin a cem ding a si.
5 Tikcu a ra thleng dingih cuih ni ah Bawipa cu a minung a nungdam sun pawl hrangah pangpar ih tuahmi siangpahrang lukhum vek a si ding.
6 Cungnungbik Bawipa in an thuòhentu pawl hnenah dingnak thinlung a pe dingih an khuapi kotka pawl a ra dotu an ral pawl a dawihlotu hnenah ralòhatnak a pe ding.
Isaiah Le Profet Zuri Pawl
7 Profet le puithiam pawl hman zu an ri ih an sawn ciamco. Sabit zu le zureu tam zet an in ih hmunkipah an lu zing in an sawn an ril ih an buai nasa. Profet pawl cu zu an ri tuk ih Pathian in langnak a hmuhter mi hman a tican an thei lo; puithiam pawl khal zu an ri tuk ve ih an hnenih a thlengmi thurel ding hman an rel thei lo.
8 An tonak cabuai hman an luak in a khat òheh ih a thiannak hmun malte hman a um lo.
9 Ka parah an phunzai ih, “Hi pa hi zo ka zirh tiah so a ruat aw? A thusimmi cu hnawi thlei pekte nauhak hrang lawngah a òha ko lo maw?
10 In zirh tikah a cafang a cafang in, a catlang a catlang in le a thu pakhat hnu pakhat in, in hei zirh fawn!” in ti.
11 Ka thusimmi nan ngai duh lo asile Pathian in ramdang òong theih lomi hmang in a lo zirhter hai ding.
12 Amah in colhdamnak le nunnomnak a lo pe nain a thu cu nan ngai duh lo.Ref 28.11, 12 1 Kor 14:21;
13 Curuangah a si Bawipa in a cafang a cafang in, a catlang a catlang in le thu pakhat hnu pakhat in a lo zirh tumnak cu! Cule kal khat nan kal tin in nan bah ding. Hriamhma nan pu ding, thang in a lo awk hai dingih ralkaih mi nan si ding.
Zion Hrangah Innkil Lungpi
14 Jerusalem ihsin hi minung pawl a uktu nannih mi puarthau pawl, Bawipa ih thusimmi hi ngai hnik uh!
15 Nanmah cun “Thihnak thawn thukamnak kannei zo ih mithi khua Sheol thawn lungkimnak cachuk kan tuah zo,” nan hei tiih tluang nan khawng ciamco. Thilòha lo poimawh a thlen tikah kan luat ding tiah nan zum ih thuphanpernak le mibumnak nan rinsan ruangah kan him ding, tiah nan ruat.
16 Asinan Bawipa cun, “Zion ah a hngetmi le a khoh mi innhram ka thok ih, cuih innhram ahcun innkil ih dawl cih mi lungpi ka ret. Cui innkil lungpi parah cun, ‘A hngetmi zumnak cu a thin a sau fawn a si,’ ti in ka ngan.Ref 28.16 Rom 9;33; 10:11; 1 Pit 2:6;
17 Innhram a ding maw dinglo ti tahnak ah felnak ka hmang ding. Sikhalsehla nan rinsan zetmi thuphan pawl cu thlisia le rial in a siatsuah òheh dingih nan himnak pawl cu tilik in a siatsuah òheh ding,” tiah a ti.
18 Thihnak thawn thukamnak nan tuahmi cu bal òheh a si dingih mithi khua Sheol thawn lungkimnak cachuk nan tuahmi cu phiat òheh a si ding. Thil òha lo poimawh a thlen tikah tilik bangin a lo khuh òheh hai ding.
19 Cui thil poimawh cu hi òumkhat lawng a si ding, nan ti ve tein a dang a ra thleng lala ding. Zingkhat hnu zingkhat a thleng ding. A sun a zan in nan tuar ding. Pathian thu a thar in a ra thleng dingih tuksumza a si sinsin ding.
20 Thufim ih, ‘Ihnak ihkhun le a tawituk, sin ding puan le a fate tuk,’ an timi mipa nan hluan ding.
21 Bawipa in thiltuah a tum mi cu thil phundang zet vek a bang khalle a tuahsuak ding; Perazim Tlang le Gibeon Phairawn ih a rak do ciamco zo vekin a òul ahcun atu khalah a do ko ding. A thok zomi a hnaòuan cu a kimter ding; cuih a hnaòuan mi cu theih thei lomi thil mangbangza an si.Ref 28.21 Jos 10:10-12; 2 Sam 5:20; 1 San 14:11;
22 Na hnenih ralrinnak thu ka simmi hi capohnak ah ruatin hnihsan men hlah. Na hnihsan men asile na luatnak dingah a har sinsin ding. Cungnungbik Bawipa in hi ram pumpi siatsuah dingih a ruahcia mi cu ka thei zo a si.
Pathian Fimnak
23 Ka lo simmi hi ngai uhla nan hnenih ka phuanmi hi òha tein ruat uh!
24 Zovek lothlo pa khalin a leileh mi sungih rawl ciinnak ah tiah kumkhua catbang lo in a lei a let dah keel lo.
25 A leileh cu òha teih a simsial òheh hnu ahcun zira le remhmui ci a vorh. Sangvut le barli sangvut a tuh ih a kiangkap ah rawl dangdang a cing.
26 Lo hnaòuan daan a thiam, ziangahtile Pathian in a zirh a si.
27 Zira ci le remhmui ci laak duh ah talhtum tum zet in a vuak lo; talhtum ai ah a tawk dingmi fung fate deuh a hmang a si.
28 Sangvut a laak tikah a siat thluh tiangin catbang lo in a rial dah lo. Sangvut fang siat lo dingih ralring tein cawleng in a cil ih a tawkfangte in a cil thiam a si.
29 Hibangtuk fimnak le thiamnak cu Cungnungbik Bawipa ih pekmi a si. Pathian khuakhannak cu fimnak ih khuakhan mi a si ih hlawhtlinnak a um ringring.