26
Pathian In A Minung Hnenah Nehnak A Pe
1 Misenpi in hi hla cu Judah ram sungih
an sak caan a thleng ding:
Kan khuapi cu a cak!
Pathian Amah in a ralhruang pawl a kil!
2 Khuapi kotka pawl cu ong uhla,
A dikmi lawng a tuahtu
Rin tlak zet miphun cu luhter uh!
3 Maw Bawipa,
Nangmah a lo ringtu hnen ahcun,
An tumtahmi ah a hnget mi le
daihnak famkim cu
nangmah in na pe!
4 Bawipa cu kumkhua in rinsan uh!
Amah in, in hum ringring ding.
5 Mi puarthau pawl cu a namthlak ih,
An umnak khuapi cak hman cu
a siatter;
An ralhruang phar pawl cu a cimter ih,
Leivut ah a cangter òheh a si.
6 Atu ahcun rak hrem mi pawl in
Cui leivut tlunin an feh ih
7 Maw Bawipa,
miòha pawl lamzin cu na tluangter;
An thlun mi lamzin cu zin phei a si.
8 Na duhnak kan thlun ih
kan ruahsannak cu na hnenah a um;
Kan duhmi hmuahhmuah cu
nangmah na si!
9 Zan khuavar in nangmah cu ka lo ngai,
Ka thinlung zate in ka lo hlam.
Leilung le a minung pawl thu na òhen tikah,
Thudik cu an thei òheh ding.
10 Miòha lomi parah zangfahnak na nei nain,
a dikmi cu an tuah dah cuang lo.
Miding pawl ih ramsung hmanah hin
thilsual an tuah thotho.
Na natsat zia cu
zianghman ah an siar lo.
11 Na hrem hai ding ti na ral pawl in
an thei lo;
Maw Bawipa,
ningzakin tuah hai awla tuar hai seh;
Na rak ruah cia mi hremnak cu tuar hai seh.
Na minung pawl ziangtlukin
na duhdawt ti kha hmuh hai aw.Ref 26.11 Heb 10:27;
12 Maw Bawipa,
nangmah in neihnunnak in pe ding;
Kan tuah thei kan timi hmuahhmuah hi
Nangmah ih tuahmi an si òheh.
13 Maw Bawipa kan Pathian,
mi dangdang in, in uk zo;
Asinan kan Bawipa cu
nangmah lawng na si.
14 An thi zo ih an nung nawn lo ding;
An thla pawl cu an thosal nawn lo ding.
Na hrem ih na hloralter òheh zo a si.
Zohman in an ciing nawn hai lo.
15 Maw Bawipa,
kan miphun hi na òhangsoter;
Kan ram cu a kilkip in na kauter.
Curuangah na hmin in upatnak a co.
16 Maw Bawipa,
na minung pawl daan na tat ih
an thinpit ah na hnenah thla an cam.
17 Maw Bawipa,
nangmah in, in òapter;
Nausuak natih nunau a òah bangin.
18 Kan na, kan tuar ih kan òap;
Asinan zianghman kan hring lo.
Kan ram hrangah nehnak
zianghman kan suahpi lo;
Kan ti suakmi zianghman a um lo.
19 Sikhalsehla kan minung
a thi cia mi pawl an nung ding;
An ruangpi cu a nungsal ding a si.
Thlan sungih a it mi pawl cu
An òhang dingih lungawi in
hla an sak ding!Ref 26.19 Dan 12:2;
A tleu detdo mi daitla ih
leilung a hringter bangin
a thicia mi pawl cu
Bawipa in a nungtersal ding.
Hremnak Le Ngaidamnak
20 Maw ka minung pawl, nan inn sungah lut uhla nan sangka khar uh! Pathian thinhennak a reh hlanlsung cu relh ta hrih uh.
21 Leilungmi pawl an sualnak ruangih daantat dingah Bawipa cu vancung a umnak hmun ihsin a rung òum ding. A thup teih mi an phil mi pawl tla phuan thluh a si dingih a thi mi pawl cu leilung in a thup nawn lo ding.