16
Moab Hrangah Ruahsannak A Um Lo
Nelrawn ih a ummi Sela khua ih Moab mi pawl in Jerusalem khua ih miuk bawi hnenah tuufaate laksawng ah an kuat. Cule a bu ihsin dawi mi vate bangin, tumtahmi nei cuca lo in Arnon Tivakap ahcun an suk an so ih an hngak.
Judah mi hnenah, “Ziangso kan tuah ding, in sim hnik uh! Sun niling ah thing daihnem ih kan colh bangin nan thladem hnuai ah in colhter hram uh! Kannih cu raltlan mi kan si ih zohman ih in hmuh theilonak hmunah in thup hram uh! Nan ram sungah in umter hram uhla a siatsuah in duhtu pawl ih kut ihsin in humhim hram uh,” tiah an dil.
(Hremnak le siatsuahnak cu a reh dingih ram pumpi siatsuahtu pawl cu an cem ding. Cule David tesinfa pakhatkhat cu siangpahrang ah a cang dingih a minung pawl cu duhdawtnak le rin tlak sinak thawn a uk hai ding. A hman mi tuah dingah a zamrang dingih thudik lawnglawng a òan ding a si.)
Judah mi pawl in, “Moab mi pawl an puarthau zia cu kan theih òhehmi a si! An hngal zia le mi an hmuhsuam cu zapi theih a si; asinain an tluangkhawnnak cu zianghman a si lo,” an ti.
Moab mi pawl cu an tuarmi harnak ruangah an òap ding. Cule Kir Heres khua sungih rawl thawthaw an ei òheumi an vun ruahsal tik khalah an òap ding. An zate in an bei a dong ding. Heshbon khua kiangih lo pawl le Sibmah sabit hmuan ihsin ram uktu bawi pawl ritertu sabit a suak. Hitawkih sabit kuang cu an òha zet ih Jazer khua tiang a zam; nisuahnak lamah nelrawn tiang, nitlaknak lam ahcun Tili Thi khatlam ral tiang a zam a si. Atu ahcun Jazer khua hrangih ka òah vekin Sibmah sabit kuang cu ka òah, ziangahtile an lungawitertu dingah rawl lak ding an nei lo. 10 Loram cu a òha zet nan zohman an lung a awi lo. Sabit hmuan sungah zohman awn au an um lo, hla khal an sak lo. Zohman in sabit an cil lo; lungawi ih awn aunak cu a reh ih a òhing reprep. 11 Moab le Kir Heres hrangah riahsia in ka hruum ruangro. 12 Moab mi pawl tlangpar biakòheng le an biakinn ah thlacam dingih an feh rero cu an tha an baangter lak men; zianghman a òhahnem lo ding.
13 Hi thu cu a hlanah Pathian in Moab hnenih a rak simmi a si. 14 Cule atu ah Bawipa in, “Atu ihsin kum thum cekci ah Moab ram sungih sumsaw le lennak hmuahhmuah cu a cem òheh ding. Minung an tam zet nain mi malte lawng an nung dingih an òawnòai zet ding,” tiah a ti.