14
Saltannak Ihsin An Kirsal
Bawipa in a minung Israel mi pawl parah zangfah thinpemnak a nei sal dingih amai minung ah a hrilsal ding. Anmah ih ram ah a umter sal dingih an hnenah ramdangmi tla an um ding. Bawipa ih a pekmi an ram ih an kir tikah miphun tampi in Israel mi cu an bawm ding. Cule miphun tampi in Israel an rian ding. Israel mi sal ih a rak kaitu pawl cu Israel in sal ah an kai dingih, anmah a rak hremtu pawl cu Israel in a uk òheh ding.
Babilon Siangpahrang Mithi Khua Ah
Bawipa in Israel mi pawl cu an zonzaihnak, an tuarnak le an hnaòuankhung ihsin a cawlter dingih awllen caan a tuah sak hai ding. Cui ni a thlen tikah Babilon siangpahrang cu an hnihsan dingih, “Mi zangfah nei lo siangpahrang a tla zo! Zohman a hrem thei nawnlo ding! 5-6 An nehmi le an lakmi ram minung pawl cat lo ih a hmuhsuamtu le thinheng in a hremtu siangpahrang siava pawl cu an thilti theinak le an huham thawn a cemter òheh a si. Atu cun leilung pumpuluk ah daihnak le hnangamnak a um dingih zozo khal lungawi sopar tein hla an sa ding. Hi siangpahrang a tlak zo ruangah Lebanon ram ih farthing le sidar thing pawl cu an ai a puang ding, ziangahtile anmah hautu siangpahrang a um nawn lo.
“Babilon siangpahrang hmuak dingah mithi khua cu a ralring. Leilungtlun an nunlai ih upa a rak simi pawl ih thlarau cu an timlam aw ih, siangpahrang pawl ih thlarau cu an tohkham ihsin an tho. 10 An zate in an au ih, ‘Atu cun kanmah vekin na òawnòai ve thlang! Kanmah vek thotho na si hi! 11 Òingòang awnmawi thawn an lo hmuak òheumi cu atu ahcun mithi khua Sheol na thleng ve a si hi! Tholung cu na ihkhun ah an cangih na puan sin mi khal tholung thotho an si hi!’ tiah an ti.
12 Maw Babilon siangpahrang, deirel arsi, nang cu van ihsin na tla zo! Tuihlan ahcun ram tampi na neh, atu ahcun leilung ah vuakthlak na si!Ref 14.12 Thup 8:10; 13 Van ah kai na tum ih a sang bik arsi tlunah na tohkham ret na tum. Khawzing pawl an tokhawmnak saklam tlang parah siangpahrang bangtukih to ding na rak ruat. 14 Khawdur tlunah ka kai dingih Cungnungbik bangtuk ka si ding, na ti. 15 Asinan a thuknak bik hmun mithi khua ah dirhthlak na si zo.Ref 14.13-15 Mat 11:23; Luk 10:15;
16 Mithi pawl in òhep lo le aang lo in an lo zoh dingih, “Leilungtlun a hnin òhehtu le ram tampi a khurtertu cu hi pa hi maw a si? 17 Khua tampi a siatsuahtu le leilungtlun ramòhing ih a cangtertu cu amah hi maw a si? A salkaihmi a thlah dah lotu le an inn ih tlunter a sianglotu cu amah hi maw a si?” tiah an ti ding. 18 Leilungtlun siangpahrang hmuahhmuah cu a òha zet le a mawi zetmi thlan ah phum an si; 19 asinain nang cu thlan na nei lo ih na ruak cu a thu dingah hlonlak mi a si. Ral ih an thah mi ralkap pawl ruak thawn hmunkhat ah lungkua sungih hlon mi na si ih pal cih reromi na si!
20 Na ram na siatsuah ih na minung pawl na thah ruangah siangpahrang dang bangtukin sunglawi ih phum na tong lo a si. Miòha lo sung, na sungkhat pawl zohman an nung lo ding.
21 That òheh hai uh! Hi siangpahrang ih fapa pawl cu an pu le an pa pawl ih sualnak ruangah an thi ding. Anmah ih sung zohman in leilungtlun ah mi uktu an canglo dingih khua dintu khal an um lo ding.
Pathian In Babilon A Siatsuah Ding
22 Cungnungbik Bawipa in, “Babilon ka do dingih ka siatsuah òheh ding. Ka zuah mi zianghman a um lo ding-nauhak khal ka zuah lo ding; zohman an luat lo ding. Keimah Bawipa in ka sim zo. 23 Babilon cu cerhduup ah ka cangter dingih cutawkah sumbuh an um ding. Babilon cu siatsuahnak hmunphiah in ka phiat dingih ziang hmuahhmuah a phiat hlo òheh ding. Cungnungbik Keimah Bawipa in ka sim zo.
Pathian In Assiria A Siatsuah Ding
24 Cungnungbik Bawipa in siat a serh ih, “Ka khuakhan mi cu a kim ding. Ka tum mi hmuahhmuah cu tuah òheh a si ding. 25 Ka ta a simi Israel ram sungih Assiria mi pawl cu ka siatsuah dingih ka tlang parah ka palbeek hai ding. Ka minung pawl ih phurh mi Assiria kawn cu ka hlih sak dingih an thilrit cu ka òhum sak ding. 26 Cumi cu leilung pumpi hrangah ka tumtahmi a si ih miphun pawl hrem dingah ka kut ka hawi zo a si,” tiah a ti. 27 Himi tuahsuak dingah cungnungbik Bawipa cun a tum rori a si. A kut cu daantat dingah a hawi zo ih zohman in an kham thei nawn lo ding.Ref 14.27 Isa 10:5-34; Nah 1:1-3:19; Zef 2:13-15;
Pathian In Filistin Mi A Siatsuah Ding
28 Siangpahrang Ahaz a thih kum ah hi thu cu Pathian hnen ihsin a ra:Ref 14.28 2 Siang 16:20; 2 San 28:27;
29 Maw Filistin mi pawl, an lo vuaknak fung cu a kiak zo; asinain nan lungawi duh hlah uh! Rul pakhat a thih tikah a ai ah a hrangdeuhmi rul dang pakhat a suak a si. Rul in ti a tit ih a zuang thei mi rulhreng a keuh. 30  Bawipa cu a minung pawl lakih mizonzai le mifarah pawl kilkhawitu a si dingih him tein a umter ding. Sikhalsehla nannih Filistin mi parah cun nasa zet in paam a tlungter dingih pakhat hman nan luat lo ding.
31 Maw Filistin khua pawl, bomnak dil in au uhla aihram uh! Nan zate in thinphang in um uh! Saklam ihsin ralkap ratnak leikhu cu khawdur bangin a ra, cuih ralkap lakah òihhrut pakhat hman an um lo.Ref 14.31 Jer 47:1-7; Ezk 25:15-17; Joe 3:4-8; Amo 1:6-8; Zef 2:4-7; Zek 9:5-7;
32 Filistin ram ihsin a ra mi palai pawl cu ziangtinso kan son ding? Bawipa in Zion cu a tihnget zo ih harsatnak a tuar ringringtu a minung pawl cu cutawkah humhimnak an ngah ding, tiah kan sawn ding.