13
Pathian In Babilon A Hrem Ding
1 Babilon ih thu ah Pathian òong a ra mi Amoz fapa Isaiah in a theihmi cu hitiin a si.Ref 13.1-14:23; Isa 47.1-15; Jer 50.1-51:64;
2 Tlangpar phul ahcun raldonak thantar thlai uh! A puarthau mi khuapi kotka pawl do dingah nan ralkap pawl hnenah napi in au uhla do thlang uh tinak ah nan kut hawi uh.
3 Bawipa ih hmaihngalnak a cotu pawl in a porh aw zetmi a ralkap pawl cu doawknak thianghlim ih ral do dingah le a thinhengtertu pawl hrem dingah a ko zo a si.
4 Tlangpar ihsin a thang mi thawmvang cu ngai hnik uh! Misenpi awn au thawng, ram tampi le miphun tampi an tonkhawmnak thawmvang cu! Ralkap tampi ih Bawipa in a ralkap pawl cu raldo dingah a tiarter a si.
5 A ralkap pawl cu lamhlapi vanhramdeng ihsin an ra. A thinheng in hi ram pumpi cu Bawipa in a siatsuah ding.
6 Òap ai uh! Bawipai ih ni cu a nai zo; Cungnungbik in siatsuahnak a thlenter ding ni a ra thleng zik thlang.Ref 13.6 Joe 1:15;
7 Mi hmuahhmuah ih kut cu thacem in a zawng thluahthlo dingih an thinlung tla a der òheh ding.
8 Òihphannak le tuksumnak in an khat dingih naute neih zikih nunau nat bangin thinharnak le natnak in a ciah hai ding. Òihnak in pakhat le pakhat an zoh aw dingih ningzahnak in an hmai cu a sen òheh ding.
9 Bawipa ih ni cu a ra thleng zik thlang, Bawipa ih thinheng ni le aithok ni cu! Leilung pumpi hi ramòhing ah a cang dingih misual hmuahhmuah cu an hloral òheh ding.
10 Van arsi le arsi burpi khal an tleu lo ding; ni a suah tikah a thim dingih thlapi a vang lo ding.Ref 13.10 Mat 24:29; Mar 13:24, 25; Luk 21:25; Thup 6:12, 13; 8:12;
11 Bawipa in, “Leilung pumpi parah thih hlohnak poimawh ka thlenter dingih miòha lo pawl cu an sualnak ruangah ka hrem ding. Mi hngal pawl cu ka vuakdai hai dingih mi puarthau le zangfah nei lo pawl cu ka hrem ding.
12 A nungdam sun cu sui hnakin an mal sawn ding
13 Cungnungbik Bawipa Keimah in ka thinhennak ka langter ni ahcun van khi ka hnin òheh dingih leilung tla a umnak ihsin phong ko in a khur ding.
14 Babilon ih a ummi ramdangmi pawl cu an khua le an ram ciar ah an tlan dingih khaaltu nei lo tuu bangtukin le ramtawi pawl hmai ihsin sakhi a tlan vekin an tlanhlo òheh ding.
15 Zokhal sisehla kaih ngahmi poh cu ralnam in sunthat le sahthah a si ding.
16 An mithmuh rori ah an naute pawl cu sop òheh in an vuathat ding; an innsung thilri an la dingih an nupi pawl kaihrem in an sualpi ding,” tiah a ti.
17 Cule Bawipa in, “Babilon do dingah Median mi pawl ka forh. Anmah tla cu sui a duh lomi le ngun a poisa lomi an si.
18 An li le an thal thawn mino an that ding. Naute parah siseh, tleirawl parah siseh, zangfahnak zianghman an nei lo ding.
19 Babilon ram cu ram mawibik a si; an ram minung pawl in an porh bikmi ram a si. Sikhalsehla Bawipa Keimah in Sodom le Gomorrah ka siatsuah vekin ka siatsuah thluh ding.Ref 13.19 Sem 19:24;
20 Babilon ah zohman an um duh nawn lo ding. Hmunkhat ihsin hmundang ih a cer ringringtu Arab mi tla in an puanthlam an sak duh lo dingih tuukhal pawl khalin an tuu an khal duh lo ding.
21 Nelrawn ramsa umnak hmun ah a cang dingih sumbuh bu saknak hmunah a cang ding. Cutawkah saam-ar an um dingih zaathar pawl an pet an zuang ding.Ref 13.21 Thup 18:2;
22 Ralvennak inn le siangpahrang inn pawl ah cinghnia le kawlkei an bo celcel ding. Babilon ih tikcu caan a cem zikte thlang; rei a awh nawn lo ding,” tiah a ti.