7
“Ka minung Israel damter ka tum ih òhangsotersal ka duh nain an òhatlonak le thil sual an tuahmi lawng ka hmu. Samaria ah pakhat le pakhat an bum aw; inn an bauh ih thil an ruk; lamzin ah mi thil an long. Thil òha lo an tuahmi hi ka ciing ringring ding ti an ruat ban hrimhrim lo; an sualnak in a kulh òheh kha hmu lo in ka um thei fawn lo,” a ti.
Siangpahrang Inn Ah Phiarnak
Bawipa in, “Misenpi in an siangpahrang le an bawi pawl an bum an phiar ih an lung an tluanter. An zate in òaangòawm sualnak tuahtu an si ih rin tlak lo hlir an si. Sang tuahtu in sang a nawng ih meisa lingzet parah sang a rawh ih a lingzet vekin an mi huatnak cu a ling ringring a si. Siangpahrang in puai a tuah ni ah siangpahrang le a kuthnuai bawi pawl cu zu an ri ih mi-aa vek an si. An mi phiarnak cu meisa vekin a ling. An thinhennak cu zanvar a sa ih zinglam ahcun meisa alh bangin a hliau.
“An thin a sa tuk ih anmah uktu pawl an that. An siangpahrang cu pakhat hnu pakhat an that nain bomnak dil in zohman ka hnenah thla an cam lo,” tiah a ti.
Israel Le Miphun Dang Pawl
Bawipa in, “Israel mi cu a hrek lawng a hminmi sang bangtuk an si. An kiangkap ih miphun dang pawl an rinsan ih, ramdangmi an rinsan ruangah an thazang a nau ti kha an thei lo. Reipi an nung nawn lo ding; cu khal an thei cuang lo. 10 An puarthaunak kha an sualnak langtertu a si. Hibangtuk thil a cang òheh hnu khalah hin Bawipa an Pathian keimah ih hnenah an kir duh lo. 11 Israel cu ruahnak nei lo laileng aa bangin a vak; hmaisa ah bomnak dil in Izipt ah a feh; neta ah Assiria hnenah a tlan. 12 Sikhalsehla anmah kaihnak ah sur ka siah dingih an feh phah ah vate bangin ka awk ding. Thilsual an tuah ruangah ka hrem ding.
13 “Mi vanduai an si! In taan zo ih in dodal zo. Annih cu siatsuah an si ding. A hum ka duh hai nain keimah riangri ka thang in siat. 14 Thinlung ngai in thla an cam lo; thlacam ai ah leilung ah an hlon aw ih Pathian thei lo pawl bangin an aukiau. Rawl le sabit hrangih thla an cam tikah Pathian thei lo pawl bangin an sun aw ciamco. Ziangtluk raltho phun so an si! 15 Anmah cawmtu le a caktertu cu keimah ka si nain keimah zuarthlaitu riangri ah an cang. 16 Cahnak zianghman a nei lomi khawzing hnenah in pialsan cingcing. Annih cu a kawimi li vekin rin tlak lo an si. An hotu pawl cu puarthau zet ih an òong ruangah sarthih in an thi dingih Izipt mi pawl in an hnihsan ding,” tiah a ti.