6
Bawipa Hnenah Kirsal An Tum
1 Misenpi in, “ Bawipa ih hnenah kirsal uh si. In bauhthlek òheh zo nain amah thotho in, in damter ding. In tuahmawh zo nain amah thotho in kan hma in tuam sak ding.
2 Ni hnih hnuah in thotersal dingih ni thumnak ah in nungtersal ding; cule a hmaiah a nung in kan um ding.Ref 6.2 Luk 24:46; 1 Kor 15:4;
3 Bawipa cu theih tum uh si. Amah cu kan hnenah zinglam khawvang bangin a ra ding, a pelh lo ding. Amah cu kan hnenah leilung a toihtu òoruah bangin pelh lo in a ra thleng ding,” an ti.
4 Bawipa in, “Maw Israel le Judah, nannih hi ziangtinso ka lo tuah ding? In duhdawtnak cu zinglam sumzing bangin zamrang in a hlo; daitla bangin a hul lohli.
5 Curuangah ka profet pawl nan hnenah thuòhennak le siatsuahnak òong thawn ka thlah a si. Nan hnen ihsin ka duhmi cu nanmah ih theih lo ding zianghman a um lo; tleunak bangin a fai a si.
6 Nan hnen ihsin a òunghmun mi duhdawtnak a si ka duh, ramsa ih raithawinak a si lo. Keimah in theih ding a si ka duh, mei-ur thawinak a si lo.Ref 6.6 Mat 9:13; 12:7;
7 “Sikhalsehla hi minung pawl, hi tiamkammi ram an thlen ve tein annih thawn thukamnak ka tuahmi cu Adam hmun ah an bal òheh.
8 Gilead cu miòha lo le mi thattu pawl ih khua a si.
9 Puithiam pawl cu damiah bangin mi an bawh. Shekhem hmun thianghlim fehnak lamzin hmanah mi an that. Cuih thil òha lo pawl cu tumhrim in an tuah!
10 Israel ram sungah thil poimawhzet pakhat ka hmu: Ka minung pawl in milem biaknak in an baal awter òheh zo.
11 “Nannih Judah mi pawl, nan thil tuahmi ruangih hremnak nan tuar ding tikcu ka khiah zo.