3
Hosea Le Hlawhhlang Nu
1 Bawipa in hitiin i simsal: “Va feh awla midang a ngaitu hlawhhlang nu cu va duh aw. Israel mi pawl in pathian dangdang an bia ih milem pawl hnenah sabit car an pe rero nain annih cu ka duhdawt thotho vekin nang khalin cunu cu na duh thotho ve pei,” i ti.
2 Curuangah cunu leinak ah ngun tangka hleinga le barli fang han sarih ka pek.
3 Amah cu, “Caan reipi hlawhhlang na òuan nawn lo pei; midang khal na ngai nawn lo pei. Ka hnenah na um ding nain ka hnenah na it hrih lo pei,” tiah ka sim.
4 Cumi bangtukin Israel mi pawl khal siangpahrang nei lo le hotu nei lo in, thawinak pe thei lo in le lungto òhuamthiang nei lo in, zuk le tinzohnak milem pawl nei lo in reipi an um ding.
5 Asinan Israel mi pawl in Bawipa an Pathian lamah an hoikir ih an siangpahrang David ih tesinfa hnen an pansal caan a um leh ding. Cule Bawipa cu an òihzah dingih a laksawng òha an ngah ding.