13
Israel Parah Netabik Thuòhennak
1 Hlanlai ahcun Efraim hrin an òong tikah hrin dang pawl in an rak òih òheu. Israel hrin dang pawl in Efraim hrin cu an rak zohso. Asinan Baal khawzing biaknak in an sual ih curuangah annih cu an thi.
2 An sual sinsin ih biak dingah thir in milem an tuah. Minung thinlung in suai copmi ngun milem pawl minung kut in an tuah. Cule, “Cuih milem hnenah raithawinak pek uh,” tiah an ti. Ziangtinso minung in cawcang hmel cuangih tuahmi caw lem cu an hnam thei!
3 Curuangah hi minung pawl cu zinglam sumzing bangin an hlo ding, daitla bangin an hloral ding a si. Fang cilnak puum ihsin thli ih a semmi fanghi bangtuk an si ding; meikhu suahnak ihsin a suakmi meikhu vek an si ding.
4 Bawipa in, “Izipt ihsin a lo hruaisuaktu cu keimah, Bawipa nan Pathian hi ka si. Keimah siar lo Pathian dang nan nei lo. Keimah lawng hi nanmah runtu ka si.
5 Thlaler ramòhing le ramcar ah òha tein ka lo kilkhawi.Ref 13.5 Daan 8:12-16;
6 Asinan ramòha sungih nan luh tikah nan pum a puar ih nan hna a ngam; cule nan puarthau ih kei cu in hngilh.
7 Curuangah kiosa bangin ka lo nam ding. Tlavang bangin nan fehnak lamzin ihsin ka lo bawh ding.
8 A fano lonmi savompi bangin ka lo zon dingih ka lo bauhthlek òheh ding. Kiosa bangin nan hmun rori ah ka lo ei òheh dingih sahrang bangin cipseksek in ka lo thlek òheh ding.
9 “Maw Israel mi pawl, Keimah in ka lo siatsuah ding! Zoso a lo hum thei ding?
10 Siangpahrang le hruaitu nan ngen. Asinan atu khuiahso an si? Ziangtinso ram pumpi an hum thei ding?Ref 13.10 1 Sam 8:5, 6;
11 Ka thinheng in siangpahrang ka lo pek zo ih ka thinheng ah ka laksal zo.Ref 13.11 1 Sam 10:17-24; 15:26;
12 “Israel ih sualnak le mawhnak cu cazual parah òha tein nganmi a si ih òha tein retkhummi a si.
13 Israel cu nun theinak tikcu òha a nei, asinain a at ruangah cuih tikcu òha cu a lak hna a thiam lo; amah cu a rung suak zikmi naute a nu ih pum sungih suah duh lo ih a kirsalmi bangtuk a si.
14 Himi pawl cu mithi khua Sheoli Mithi khua Sheol cu vun biak theihmi tluk ah an ruat; leilung hnuai ah khawthim dok, khawvang dok ah an um, tiah zumnak an nei. ihsin ka run suak lo ding; thihnak kut sung khalin ka sansuak lo ding.Ref 13.14 1 Kor 15:55; Maw Thihnak, na pulhnat cu run keng hnik aw! Maw Sheol, na mi siatsuah theinak thawn ra aw! Himi pawl parah zangfahnak zianghman ka nei thei nawn lo.
15 Israel cu phaikung bangin no hngualhngi hmansehla nelrawn ihsin nisuahnak lam thli sa ka hrangter dingih an tipuut le an tikhur pawl a car òheh ding. A thil mankhung hmuahhmuah a siat òheh ding.
16 Pathian a dodal ruangah Samaria cu hrem a si dingih a òio ding. A minung pawl cu ral kut in an thi ding. An faate pawl cu leilung ah denthat an si dingih an nunau fa vun lai pawl cu an pum zaithlek an si ding,” tiah a ti.