3
Habakkuk Thlacamnak
1 Profet Habakkuk thlacamnak cu hitiin a si:
2 Maw Bawipa,
na thil tuahmi ka thei zo,
Mangbangza ngaingai an si.
Na thil tuahmi pawl cu a thar in
Kan san ahhin tuahsal hram aw.
Na thin a heng lai hmanah
kan parah zangfahnak nei hram aw.
3 Pathian cu Edom ihsin a rasal.
Pathian thianghlim cu
Paran tlang ihsin a ra.
A sunlawinak in van a khuh,
A thangòhatnak cu leilung ah a khat.
4 A rat tikah cun nimthlakau vekin a tleu,
A kut ihsin tleunak a suak zukzo;
Cutawkah a cahnak cu thuh in a um.
5 Natnak a hmaiah a thlah ih,
Thihnak cu a dungih
thlun dingin thu a pek.
6 Amah a colh tikah leilung a hnin durdo;
A mit zoh men ah miphun kip
an òhia thlohthlo.
Kumkhua hmun tlangsangpi pawl cu
an kuai òheh,
Sanmureng in a rak ummi tlang cu
an pil òheh.
Khuahlan lai ihsin a rak zawh òheumi
7 Kushan mi pawl thlaòem in
an um ka hmu;
Midian mi pawl khal an khur.
8 Bawipa, tiva in
na thin an lo tok a si maw?
Tifinriat in na ai an lo thawhter
a si maw?
Nang cu khawdur parah na to,
Thlipi cu na rangleng a si;
Na minung pawl hnenih nehnak
na pek tikah cun.
9 Na li cu na nawp,
Na conkiang sai dingah na bih.
Na nimthlakau in leilung cu a phelkuai a si.
10 Tlangsangpi pawl in an lo hmuh
tikah an òhia thlohthlo.
Van ihsin tidai an run thlet.
Leilung hnuai tidai an awn ciamco,
Tilet cu sang zet in an tho.
11 Na conkiang a tleu zohzo ih
a suah tikah le,
na feipi tleu zurzo ih a zam tikah cun,
Ni le thlapi cu an umnak hmun ah an ding.
12 Na thinheng in leilung cu na pal,
Na thin ai-thok in miphun pawl na rial a si.
13 Asinan na minung pawl
hum dingah na suak,
Hriak na culhmi hum ding ahcun.
Miòha lo pawl ih hotu cu na sah thlak ih,
A dungthlun pawl cu na siatsuah òheh a si.
14 Na conkiang in a ralkap hotu bawi a ngah,
Kanmah òhekdarh dingah thlipi bangih
a rat tikah cun!
Thup teih mifarah a hremtu vekin,
Kanmah hnihsan phah ih a rat tikah cun!
15 Na rang pawl thawn tifinriat
na pal tikah cun,
A nasa zetmi tipi cu a phul ciamco.
16 Cumi pawl ka theih tikah ka khur,
Ka hmur cu òihnak in a òhia.
Ka ruangpi a cang thei nawn lo,
Ka ke an sawn, in din lo.
Kanmah in dotu pawl Pathian in
a hrem tikcu caan,
Thinsau in ka hngak ding,
a ra thleng dingmi caan cu!
17 Theipi in rah an neih lo ih
Sabit hri ih sabit a rah lo hmanah,
Olif kung ih olif rah an siat òheh ih,
Lo in rawl a suah lo hmanah,
Tuu pawl an thih fai òheh ih,
Caw inn tla an lawng òheh hmanah,
18 Ka lungawi in ka thin
a nuam thotho ding;
Ziangahtile Bawipa Pathian cu
i runtu a si.
19 Cungnungbik Bawipa in
thazang i pe;
Zukneng bangin ka ke a fekter,
Tlangsang parah him tein i ret.Ref 3.19 2 Sam 22:34; Saam. 18:33;