6
1 Cuti a si ruangah hmailam ah nor uh si; Khristian thuthang a hramthokih zirhawknak cu tanta in pitling zirhawknak ah feh uh si. Òhathnemnak zianghman a nei lomi hnaòuannak kan tlansan zomi cu a hram ihsin thok nawn hlah uh si; Pathian kan zumnak khal a hram ihsin nolhsal hlah uh si;
2 baptisma thu le kutsuannak thu pawl, mithi thawhsalnak thu le kumkhua ih thuòhennak thu pawl tla a hram ihsin thoksal rero hlah uh si.
3 Hmailam sawnah nor uh si. Pathian lungkimnak asile cumi sawn a si kan tuah ding.
4 Zumnak a tlansantu pawl cu ziangtinso sualsirawknak ah an kir theisal nawn ding? Annih cu Pathian tleunak sungih a um dahmi an rak si; vancung laksawng a teptu an si ih Thlarau Thianghlim a cotu khal an rak si.
5 Pathian òongkam a thawt zia a thei ngahtu an si ih a ra thleng dingmi san ih cahnak huham khal a teptu le a thei ngahtu an si.
6 Cucingin an zumnak cu an tlansan! Cumi pawl sualsirawknak ih kirtersal ding cu a cang thei hrimhrim lomi a si; ziangahtile Pathian Fapa kha thinglamtah parah an khenbetsal ih misenpi hmaiah ningzak mualpho in an tuahsal a si.
7 Ruahti a rak hawptu leilung le lo a thlotu pawl hrangih a òhahnemmi rawl kung pawl a khotertu leilung cu Pathian ih thluasuahmi leilung a si.
8 Sikhalsehla hling le hrampi lawnglawng a khotertu leilung cu òhathnemnak zianghman a nei lo; Pathian camsiatnak a tong thei ih meisa in ur òhehmi a si leh ding.Ref 6.8 Sem 3:17-18;
9 Ka duhdawtmi unau pawl, hibangtuk in kan sim nain nannih thuhla ahcun lunghmuinak kan nei. Nannih cu thluasuahnak a òha deuhmi rundamnak nan nei, ti kha kan thei a si.
10 Pathian in mi a thleidang lo. Nan hnaòuanmi siseh, Pathian nan duhdawtnak langter tahrat in nan Khristian rualpi pawl nan rak bomnak le atu khalah nan bom reronak pawl hi siseh, Pathian in a ciing ringring ding.
11 Nan beiseimi cu a kim suak theinak dingah a net tiangin taimak suah fingfing uh, tihi kan saduhthah tum bik a si.
12 Mi zaangzel nan si ding cu kan duh lo; sikhalsehla Pathian ih in kam cia mi a cotu si dingah zumnak a neitu le thinsaunak neitu pawl bangtukih cang dingah kan lo duh sak a si.
A Felmi Pathian Thukamnak
13 Pathian in amah hnakih a tum sawn hmin saal ding dang a um lo ruangah amah le mah hmin saal aw in Abraham hnenah thutiamnak a tuah.
14 “Na hnenah thu ka lo tiam: Thluasuahnak ka lo pe dingih tefa tampi na nei ding,”Ref 6:14 Sem 22:16-17; tiah a ti.
15 Abraham cu a thin a sau ruangah Pathian ih a tiammi a co ngah a si.
16 Mi pakhatkhat in siat a serh tikah amah hnakih a tummi ih hmin saal in a tuah ahcun thu elawknak a um thei nawn lo.
17 Pathian cu a tumtahmi a òhin dah lo; cuih thu cu a thutiammi a cotu ding pawl hnenah fiang teih langter a duh ruangah a thutiammi tlunah amah ih hmin saal in thukamnak siatcam in a bet hrih a si.
18 Hi thu pahnih hi thleng theih lomi an si ih Pathian khalin hi thu parah thuphan a per lo. Cuti a si ruangah amah thawn humhimnak a ngahtu kannih pawl hi tam zet ralòhatnak le thathawhnak kan nei ih kan hmaiih ret cia mi beiseinak cu khoh zet in kan pomhnget a si.
19 Hi beiseinak hi kan nunnak hrangah lawng colhternak thirkawn bangtuk a si. Kan hrangah himnak le hnangamnak a si ruangah vancung biakinn puanzar kha lan tahrat in a sungih hmun thianghlim bik ah a thleng a si.Ref 6.19 Pui 16:2;
20 Jesuh cu cuih hmunah kanmah ih ai awh in a rak thleng zo ih Melkhizedek puithiam a sidan in kumkhua Puithiam Sang a cang zo a si.Ref 6.20 Saam 110:4;