5
1 Puithiam Sang pohpoh cu mipi lak ihsin hrilmi a si ih misenpi ai awhtu ah Pathian hnaòuantu dingih retmi a si. A hnaòuan cu thawinak tuah le sualthlah thawinak pek tla an si.
2 Amah khal kim lonak a phunphun a neimi a si ruangah zianghman theihnak nei lo le a palhmi pawl parah lungnemnak a nei.
3 Cutiin tlaksamnak a neih ve ruangah cun midang sualnak hrang lawngah si lo in amah ih sualnak hrang khalah thawinak a pek a òul.Ref 5.3 Pui 9:7;
4 Zokhal anmah le anmah Puithiam Sangah hril aw in an khaisang aw thei lo. Aaron cu Pathian in a ko ih Puithiam Sang ih a can vekin zokhal Pathian kawhnak lawngin Puithiam Sang ah an cang thei.Ref 5:4 Suah 28:1;
5 Cubangtuk in Khrih khalin amah le amah Puithiam sangah a khaisang aw lo. Pathian sawn in,
“Nangmah cu ka Fapa na si,
tuih sun ah na Pa ah ka cang zo,”Ref 5:5 Saam 2:7;
tiah a hnenah a ti.
6 Cule hmundang ah ,
“Nang cu kumkhua in
puithiam na si ding;
Melkhizedek puithiam sidan in
na si ding,”Ref 5:6 Saam 110:4; tiah a ti lala.
7 Leilung tlunih a um lai ahkhan Jesuh in thihnak ihsin amah a runsuak theitu Pathian hnenah ring zet in a au ih mitthli tla-in thla a cam. Mi lungnem le pum pe aw mi a si ruangah Pathian in a theih sak.Ref 5.7 Mat 26:36-46; Mar 14:32-42; Luk 22:39-46;
8 Pathian ih Fapa a si ko nain Pathian ih thungaitu si dingah harsat tuarnak ihsin a zir a si.
9 Cule mi famkimih tuah a si tikah a thu a ngaitu hmuahhmuah hrangah amah cu kumkhua rundamnak hramah a cang;
10 cule Pathian in, “Melkhizedek ih puithiam sidan thlun in Puithiam Sang na si,” tiah a ti.
Zinpeng Zawh Lo Dingih Ralrinnak
11 Hi thu ahhin sim ding tampi ka nei; sikhalsehla thu nan theihthiam har tuk ruangah nan hnenih fiangter a har zet.
12 Tucun zirhtu si ding hman nan cu zo; asinain Pathian thu a hramthok ihsin zirh nan òul lai. Rawl ngai ei nan cu nain cawhnawi nan in lai.Ref 5.12-13 1 Kor 3:2;
13 Cawhnawi a intu cu nauhak a si lai; a òha le a sia theih theinak a nei hrih lo.
14 Sikhalsehla rawl ngai cu upa hrangah a si; annih cu thleidan thiamnak thinlung hmangin a òha le a sia an theithiam a si.