13
Pathian Lungawiternak
1 Khristian unau nan si bangtukin pakhat le pakhat duhdaw aw ringring uh.
2 Nan inn ah mikhual tlunter uhla duhdaw uh. Cubangtuk a tuahtu pawl cu an theih lo in an inn ah vancungmi an tlungter òheu.Ref 13.2 Sem 18:1-8, 19:1-3;
3 Thawngtlami hngilh hlah uh; anmah thawn thawng a tla tlang bangtukin ruat aw uh. Harsatnak a tuartu pawl hngilh hlah uh; anmah thawn a tuar tlang bangtukin ruat aw uh.
4 Òhitawknak cu zokhal in upat hmaizah ding a si. Nupi le pasal cu zum tlak in um veve hai seh.c 13:4 * Nupi le pasal cu zum tlak in um veve hai seh timi hi Grik òongfang ih leh ahcun, Ihkhun cu thianghlim seh ti a si. Nupa sualnak a tuahtu le òang òawm sualnak a tuahtu pawl cu thu òhennak an tong ding.Ref 13.4 Daan 31:6, 8; Jos 1:5;
5 Tangka duh tuk hlah uh; nan neihmi ah nan lung kim uh. Ziangahtile Pathian in, “Ka lo tlansan lo dingih ka lo hnong lo ding,” in ti.
6 Cuti a si ruangah ralòha in um uhsila,
“ Bawipa cu i bawmtu a si,
ka thin a phang lo ding.
Mi in ziangso ka parah an tuah thei ding?”
tiah ti uh si.Ref 13.6 Saam 118:6;
7 Pathian thu a lo simtu, hlanih nan hotu pawl kha ciing ringring uh. An nun sungih an umtlandan le an thihnak thuhla pawl kha ruatsal uhla an zumnak khal cawng òha uh.
8 Jesuh Khrih cu mizan, tuih sun le kumkhua in a hmun ringring a si.
9 Zirhnak phun dangdang in lamzin dik ihsin lo pialter hlah hai seh. Kan thinlung thazang cahnak cu, rawl thuhla ah ei ding, ei lo ding tiih daan sung ihsin ngah lo in, Pathian zangfahnak sung ihsin ngah a òha sawn. Daan a thluntu pawl cu cuih an thlunmi daan in a bawm cuang lo.
10 Judah mi pawl Pathian an biaknak ih hna a òuantu puithiam pawl in kan biakòheng parih thawinak pekmi pawl kha an duhduh in an ei thei lo.
11 Òilva thisen cu Judah mi Puithiam Sang in sual thawinak hrangah Hmun Thianghlim Bik sungah a luhpi; sikhalsehla cuih òilva ruangpum cu hnarpawn ah an ur a si.Ref 13.11 Pui 16:27;
12 Cuti a si ruangah Jesuh a thih tikah mipi an sualnak ihsin a thisen thawn tlengfai dingah Jesuh cu khuapi lengah a thi.
13 Curuangah kannih khal hnarpawn ah feh in a tuarmi ningzahnak tuar ve uh si.
14 Ziangahtile hi leitlun ahhin kumkhua a hmunmi khuapi kan nei lo; a ra lai dingmi khuapi lawng kan cuan a si.
15 Curuangah kan thawinak ai ah thangòhatnak cu Pathian hnenah pe ringring uh si; cuti kan pekmi cu kan kaa in Jesuh cu kan Bawipa a si tiih kan phuannak a si.
16 Òhatnak tuah kha hngilh hlah uhla, nan neihmi midang thawn hlawm awk ding tla hngilh hlah uh; ziangahtile cumi cu Pathian lungawitertu thawinak an si.
17 Nan hruaitu pawl thu ngai uhla an thu pekmi bangin thlun uh. An hnaòuan daan cu Pathian hmaiah an phuan òheh leh ding ruangah cawl lo in an lo kilkhawinak hi a si. An thu nan ngai asile lungawi aipuang in an hna an òuan ding; an thu nan thlun lo asile riahsiatnak thawn an òuan dingih cumi cu nan hrangah zianghman òhathnemnak a um lo ding.
18 Kan hrangah thlacam ringring uh. A dikmi kha tuah kan duh ringringmi a si ruangah siaòha thleidannak kan thinlung cu a thiang a si.
19 Nan hnenah Pathian in, in thlentersal cing hram dingin napi in thlacam uh, tiah ka lo dil a si.
A Netnak Thlacamnak
20 Raithawinak ih a nun a peknak ruangah Tuukhal Tum kan Bawipa Jesuh cu Pathian in thihnak ihsin a thoter zo; cule a thihnak sungin kumkhua thukamnak cu a hngetter zo.
21 Daihnak Pathian in amah ih duhmi nan tuah theinak dingah nan òulmi thilòha hmuahhmuah lo pe hram seh; cule Jesuh Khrih hmangin a duhmi cu kan sungah tuah hram seh. Kumkhua in kumkhua tiang Khrih cu sunloih si ko seh! Amen.
A Netnak Òongkam
22 U le nau tla, ka cakuat hi a sau lem lo ruangah hitiin thapeknak thu ka lo simmi hi thinsau zet in rak ngai uh, tiah ka lo dil.
23 Kan unau Timote cu thawng sung ihsin a suak zo ti ka lo theihter duh a si. A thlen man asile nanmah tong dingih ka rat tikah ka rak hruai ding.
24 Nan hruaitu pawl le Pathian minung pawl an zate hnenah kan cibai buknak in rak sim sak uh. Italy ram ih a ummi unau pawl khalin cibai an lo buk a si.
25 Pathian zangfahnak cu nan zate hnenah um hram seh.