HEBRU
(Hebrews)
Kawhhran Hnenih Cakuat
Thuhmaihruai
Hebru pawl hnenih cakuat hi dodalnak tam sinsin ih a tongtu Khristian pawl hnenah an zumnak kha an bansan pang ding ti phan a um ruangih kuatmi ca a si. Himi cakuat ngantu hin an zumnak kha tha a pek ih Jesuh Khrih cu thutak le a netabik ah Pathian ih phuanawknak a si, ti thu a sim. Cutiih a simnak ah thudik langtermi pathum a um.
(1) Jesuh cu Pathian Fapa a si ih harsat a tuarnak ruangah a Pa ih thu a thluntu a si. Pathian Fapa a si bangtukin Jesuh cu Thukam Hlun sungih profet pawl hnakin a sang sawn ih vancungmi le Moses hnak hman in a sang sawn a si.
(2) Jesuh cu Thukam Hlun puithiam pawl hmuahhmuah tlunah kumkhua puithiam a sinak kha Pathian in a phuang zo.
(3) Jesuh sungah hin zumtu pawl cu thihnak, òihnak le sualnak ihsin rundam an si. Cun Jesuh cu Puithiam sang bik a si bangtukin Hebru biaknak ih thlun ding daan le òilva thawn thawinak pawl in a thluathlam lawng an rak langtermi rundamnak taktak kha a petu a si.
Bung 11 sungah Israel thuanthu sungih mi hminthang pawl ih zumnak a ngan. Cumi pawl sim phahin hi ca ngantu in ca siartu pawl kha anmah ih dinhmun fingfing ah rinsan tlak zet ih ding dingin zangfah a dil. Cun bung 12 nak ah ca siartu pawl kha ni netabik tiang zum tlak si ringring dingah a forh ih ziangtlukin harsatnak le tuarnak a thlen khalle Jesuh Khrih lawng kha zoh ringring dingah a sim. Ruahnak le ralrin peknak thawn a cakuat a cemter.
1
Fapa Sungin Pathian Ih Òongkam
1 Hlanlai ah Pathian in kan pupa pawl hnenah vei tampi a phunphun in profet pawl hmangin thu a rak sim.
2 Sikhalsehla hi ni netabik lam ahcun kan hnenah a Fapa sungin a sim a si. Cuih a Fapa hmangin Pathian in lei le van a sersiam ih a netnak ah ziang hmuahhmuah nei òhehtu si dingin Amah cu a hrilmi a si.
3 Amah cu Pathian sunlawinak langtertu a si ih Pathian sinak famkim a nei. Huham a neimi a thu in leikhawvel le vantlolak pumpi cu a cawmdawl ih a fingkhawi. Minung pawl ih sual ngaidamnak le sual thianternak a tuah òheh hnuah vancung ah Cungnungbik Pathian ih vorhlamah a to.
Pathian Fapa Ih Maksak Zia
4 Pathian in a Fapa hnenih a pekmi hmin cu vanmi pawl ih hmin hnakin a cungnung sawn bangtukin a Fapa cu vanmi pawl hnakih cungnung sawn in a ret.
5 Ziangahtile Pathian in ziangbangtuk vancungmi hman:
“Nangmah cu ka Fapa na si;
tuih sun ah na Pa ah ka cang zo,”Ref 1:5 Saam 2:7, 7:14; 1 San. 17:13;
a ti dah lo.
Cuih tlunah ziangbangtuk vancungmi thu khalah,
“Keimah cu a Pa ka si dingih,
amah cu ka Fa a si ding,”
a ti dah lo.
6 Sikhalsehla Pathian in a fatir leilung ih a run thlah tikah,
“Pathian ih vancungmi hmuahhmuah in
amah cu an biak ding,” tiah a ti.Ref 1.6 Daan32:43;
7 Sikhalsehla vancungmi pawl thu ahcun,
“Pathian in a vancungmi pawl cu
thli ah a tuah ih,
A hnaòuantu pawl cu mei-alh ah
a tuah a si,” Ref 1:7 Saam 104:4 a ti.
8 Cule a Fapa thu ah Pathian in,
“Nangmah cu Pathian na si ih,
na bawi tohkham cu
kumkhua in a hmun ding;
Na minung pawl dingnak in na uk ding.
9 Dingnak na duh ih sualnak na hua.
Curuangah a si Pathian,
Na Pathian in a lo hril ih,
Na rualpi pawl hnenih a pekmi hnakin
a tum cuangmi upat lungawinak
a lo pek,” Ref 1:8-9 Saam 45:6-7 a ti.
10 “Cule Bawipa nangmah in
a hramthok ah leilung cu
na semsuah ih,
Na kut rori in van tla khi
na sersiam a si.
11 Cupawl cu an hloral ding,
sikhalsehla nang cu na hmun ding.
Annih cu puan bangin an òet ding a si.
12 Angki bangin na bil dingih
hnipuan bangin
an thleng aw òheh ding a si.
Sikhalsehla nang cu nangmah keel
na si ringring ih na nunnak cu
cem ti a nei lo,”Ref 1:12 Saam 102:25-27; a ti.
13 Pathian in a vanmi hnenah,
“Na ral pawl cu na kephah ih
ka ret hlan lo, ka vorhlamah to aw,”Ref 1:13 Saam 110:1;
a ti dah lo.
14 Cuti asile vancungmi pawl cu zoso an si? Annih cu Pathian a riantu thlarau an si ih rundamnak a ngahtu ding pawl bawm dingah Pathian ih thlahmi an si.