3
Kan Hrangah Thla Cam Uh
1 A netnak ah u le nau tla, Bawipa ih Thuthang cu nanmah lakih a karhzai bangtukin zamrang in a karhzai vivonak dingah le sunloihnak thawn an cohlannak dingah thla in cam sak uh.
2 Bawipa ih Thuthang cu mi hmuahhmuah in an zum lo ruangah Pathian in miòha lo le mi sualral pawl hnen ihsin in runsuak dingah thla in cam sak uh.
3 Sikhalsehla Pathian cu rin tlak a si, amah in thazang a lo pe dingih Misualralpa hnen ihsin a lo humhim ding.
4 Kan lo zirhmi pawl hi nan thlun rero ih hmailam khalah nan thlun vivo ding ti Bawipa ah rinsannak kan nei.
5 Pathian duhdawtnak le Khrih ih a lo pekmi tuartheinak cu tam sinsin ih nan theih theinak dingah Pathian in lo hruai vivo hram seh.
Hnaòuan Ding Òuanvo
6 U le nau tla, kan thuzirhmi bangtukih a thlun lotu unau pawl le mizaangzel pawl cu hrial uh, tiah kan Bawipa Jesuh Khrih hmin in thu kan lo pe a si.
7 Kan tuahmi vekih tuah ding cu nan theifiang a si. Nan hnenih kan um lai ahkhan zaangzel in kan um lo.
8 A man pek lo in kan lakmi zianghman a um lo. Kanmah rori in kan òuan, kan cangvai ih zo hrang hmanih thilrit si lo dingin a sunzan in kan òuan a si.
9 Hitiih kan òuannak cu nanmah ih bom dingah dil theinak thu kan neih lo ruangah a si lo; nanmah ih cawn dingah kan òuanmi a si.
10 Nan hnenih kan um lai ahkhan, “Hna a òuan duh lotu cu rawl khal ei hlah seh,” tiah kan lo sim òheu.
11 Hitiih kan lo simnak cu nanmah sungah mi hrekkhat zaangzel in an um ih hnaòuan zianghman zuam lo in midang hnaihnawh lawng an thiam.
12 Cubangtuk ih a nungmi pawl hnenah felfai teih nung dingah le mah ih pumcawmnak hrang òuan ve dingah Bawi Jesuh Khrih hmin in kan forhfialmi le ralrinnak kan pek duhmi an si.
13 Sikhalsehla nannih u le nau tla, thil òha tuah cu ning hlah uh.
14 Hi cakuat sungih thu vekin a thlun duh lotu nanmah sungah an um men ding. Cubangtuk mi cu zohman in pawl hlah uh, a ningzak seh.
15 Asinan ral vekin zoh hlah uh; unau bangtukin nun sim uh.
Thunetnak
16 Daihnak hram a simi kan Bawipa in daihnak cu a phunphun in ziangtik caan khalah lo pe hram seh. Bawipa cu nan zate hnenah um hram seh.
17 Keimah Paul in \sig cibai ka lo buk\sig* timi hi keimah ih kut rori in ka nganmi a si. Ca ka kuatmi kipah hitiin ka hmin ka khen ih ka ngan a si.
18 Kan Bawipa Jesuh Khrih zangfahnak cu nan zate hnenah um hram seh.