2
Misualral Pa
Ka u le ka nau tla, kan Bawipa Jesuh Khrih a ratsalnak ding le amah thawn hmun khatih kan tonkhawm awknak ding thu ah,Ref 2.1 1 Thes 4:15-17; thinlung hnokin um hlah uh; cun Bawipa ih Ni cu a ra thleng zo a si, an timi khalah mangbang in um hlah uh, tiah ka lo dil. Cubangtuk ih a titu in kanmah lehlam, simcianak an rak nei, asilole thu an simnak ah an telh, asilole an cakuat sungah an ngan, ti tla in, in ti ding. Zohman in lo bum hlah hai seh. Ziangahtile netabik Ralthawhnak a thlen hlan le hell ih tla dingmi Misualral pa a ra thlen hlanah cun Bawipa ih Ni cu a ra thleng lo ding. Misualral pa cun midang in khawzing ih an ruahmi le biak dingih an ruahmi hmuahhmuah a dodal dingih cupawl ih tlunah a retaw ding. Pathian Biakinn sung khalah a lut dingih to tahrat in keimah hi Pathian ka si, a ti ding.Ref 2.4 Dan 11:36; Ezk 28:2;
Nan ciing nawn lo maw si? Nan hnenih ka um lai ah hi thu hmuahhmuah hi ka lo sim òheh zomi an si. Asinan atu ahcun a ra thleng hrih lo ding, ziangahtile dawntu a um. Cuih dawntu cu ziang a si, ti nan thei. A tikcu a kim tikah Misualral pa cu a lang ding. Misualral pa cu a thup tein hna a òuan rero zo; sikhalsehla a dawntu kha hmundang ih òhawn hlo a si hlanah cun a lang dingmi cu a lang thei hrih lo ding. Tikcu a kim tikah Misualral pa cu a lang ding. Asinan Bawipa Jesuh a thlen tikah a kaa sung ihsin a suakmi a thaw in a that dingih a tleumi a sunlawinak in a siatsuah ding.Ref 2.8 Isa 11:4; Misualral pa cu Satan cahnak huham thawn a ra dingih hmuhsaknak mak le khawruahharza a phunphun mi bumnak ah a tuah ding.Ref 2.9 Mat 24:24; 10 A hloral ding pawl hnen ahcun a òha lo zetmi mibumnak phunphun a hmang ding. Cupawl cu an hloral ding, ziangahtile rundamnak ngahnak ding a ummi thutak kha an duh lo ih an cohlang fawn lo. 11 Curuangah Pathian in an hnenih hnaòuan dingah sualpalhnak huham a thlak ih a dik lomi kha an zum. 12 Cuticun thutak zum lo in sualnak lam a hriltu pawl cu siatralnak ah an thleng ding.
Hrilcemi Nan Si
13  Bawipa ih duhdawtmi u le nau tla, nanmah ruangah Pathian cu kan thangòhat ringring ding. Ziangahtile Thlarau cahnak ruangah Pathian mi thianghlim ih canter dingah le thutak nan zumnak ruangah rundamnak ngah dingah Pathian ih hril hmaisabikmi nan si. 14 Kan Bawipa Jesuh Khrih sunlawinak a cotu si dingah Pathian in nan hnenih kan phuanmi Thuthangòha hmangin a lo ko zo. 15 Cuti a si ruangah u le nau tla, kan thusimmi in siseh, nan hnenih kan cakuatmi in siseh, kan lo zirhmi thutak pawl cu kaihnget uhla khoh zet in ding uh. 16 Kannih in duhdawt ih in zangfah ruangah cat lo in ralòhatnak le a hngetmi beiseinak in petu kan Bawipa Jesuh Khrih Amah le kan Pa Pathian in, 17 a òhami kha nan sim ih a tuah tla nan tuah theinak dingah ralòhatnak le thazang cahnak thawn lo khatter hram seh.