3
1 A netnak ah kan um thei nawn lo ruangah kanmah lawng Athens khua ah tang in,Ref 3.1 Tirh 17:15;
2 Timote hi nan hnenih hun thlah dingin kan rel. Timote cu Khrih Thuthangòha kan phuannak ah Pathian hnaòuantu kan unau a si. Hremnak nan tonmi ruangah zohman dunglamih nan kir lonak dingah,
3 amah cu thazang a lo petu dingah le nan zumnak a lo hngettertu dingah kan hun thlah a si. Hibangtuk hremnak cu kan tuar dingmi hrimhrim a si, ti cu nanmah rori in nan theihmi a si.
4 Ziangahtile nan hnenih kan um lai ah a hlankhan ihsin hremnak kan tuar ding, tiah kan lo sim cia zo. Nan theih vekin, kan rak lo sim cia vek cekci in a cang ngaingai.
5 Curuangah Timote ka hun thlah. Nan thuhla zianghman thei lo ih um cu ka tuarthei nawn lo ruangah le nan zumnak thu theih ka duh ruangah ka hun thlahnak a si. Satan in a lo thlem dingih kan hnaòuanmi hmuahhmuah a lakah a cang òheh pang pei ti ka phang.
6 Asinan tubai teah Timote a rung thleng ih zumnak le duhdawtnak nan neihnak thu òha in run sum. In relòhatnak thu le kanmah in a lo hmuh kan duh vekin nannih khalin a hmuh in duhnak thu tla in sim.Ref 3.6 Tirh 18:5;
7 Curuangah u le nau pawl, harsatnak le hremnak tong hman nungla nanmah ruangah kan thinlung cu a cak zet a si. Thazang in petu cu nanmah ih zumnak hi a si.
8 Ziangahtile Bawipa thawn nan pehzom awknak ah nan hngetkhoh ti kan theih ruangah kan thaw kan thaw thei thlang a si.
9 Atu cu Pathian hnenah lungawi thu kan sim ding. Nanmah ruangah lungawinak Pathian mithmuh ih kan conak thu ah Amah cu kan thangòhat ngaingai.
10 Cule nanmah lo tlawng thei dingah le nan zumnak ih a sammi ra pe thei dingah a sun a zan in Pathian hnenah kan thinlung tak tein kan dil.
11 Kan Pa Pathian le kan Bawipa Jesuh in nan hnen kan hung thlen theinak dingah lamzin in sialsak hram seh!
12 Kan Bawipa in pakhat le pakhat nan duhdawt awknak le mi hmuahhmuah nan duhdawtnak cu karhter sehla nanmah kan lo duhdawtnak a tum vekin tumter ve hram seh.
13 Cuticun amah in nan thazang a khohter dingih kan Bawipa Jesuh a mithiang pawl thawn a ratsal tikah kan Pathian hmaiah mi famkim le mi thianghlim nan si ding.