2
Thesalonika Khua Ih Paul Hnaòuannak
U le nau pawl, nan hnen kan ra thlen cu a lak a si lo ti kha nanmah rori in nan thei. Thesalonika khua ih kan ra thlen hlanah Filipi khua ah tisiatnak le dekcoknak kan tuar zia khal nan thei zo. Cubangtuk in dodalnak tampi a rak um nain Pathian in ralòhatnak in pek ih amah ih Thuthangòha cu nan hnenah kan phuang.Ref 2.2 Tirh 16:19-24, 17:1-9; Kan lo simmi thu ahhin palhnak a um lo, thinlung thiang lo sung ihsin a rami khal a si lo, mibum kan tum ruang khalah a si lo. Pathian in simter in duhmi kan sim, ziangahtile Thuthangòha phuangtu dingah in hniksak ih rin tlak in, in hmu a si. Milai lungawiter kan tum lo, sikhalsehla kan thinlung in hmutu Pathian lungawiter kan tum a si. Nan theih vekin nan hnen kan ra thlen lai ahkhan nanmah porhnak òongkam kan hmang lo; kan hamòamnak khuhtu ding òongkam khal kan hmang lo; Pathian cu in theihpitu a si. Nanmah ih hnenin siseh, midang hnen khalin siseh, thangòhatnak ngah kan duhmi a si lo. Khrih ih tirhthlah kan si vekin nan hnen ihsin cubangtuk cu a ngen ngamtu ding khal kan si ko nain cumi cu kan tum mi a si lo. Nu in a faale a cawm ih dimdoihnak thawn a tuamhlawm hai vekin nan hnenih kan um lai ahkhan thinnemnak thawn kan um a si. Kan lo duhdawt zet ruangah Pathian Thuthangòha lawng hman si lo in kan nunnak rori khal hi hlawm kan lo duh a si. Kan duhdawt zetmi nan si zo. U le nau tla, baang zet le har zet in hna kan òuan òheu cu nan thei ko. Pathian Thuthangòha nan hnenih kan phuan tikah nan hrangih thilrit kan si lonak dingah sunzan hna kan òuannak a si.
10 Nannih a zumtu pawl lakih kan umtlandan cu a thiang le a dikmi, soiselnak um lomi a si. Hi thu ahcun nanmah rori hi in theihpitu nan si vekin Pathian khalin theihpitu a si ve. 11 Pa in a faale pawl a kilkhawi bangin nannih khal kan lo kilkhawi ti cu nan thei. 12 A Uknak le a sunlawinak lo hlawm dingih a lo kotu Pathian lungawiter dingih nung thei dingah cat lo in kan lo forh, kan lo hnem ih tha kan lo pek a si.
13 Cule Pathian hnenih lungawi thu kan sim sannak dang a um lai. Pathian thu nan hnen kan thlenpi tikah khan minung ih thu si lo in Pathian ih thu a si, ti nan thei; cuti nan theihmi cu Pathian thu taktak a si ih nannih in cumi cu nan pom ngah zo. Ziangahtile zumtu pawl nan sungah cuih Pathian thu in hna a òuan a si. 14 U le nau tla, Judea ramsung Pathian kawhhran pawl le Khrih Jesuh minung pawl ih tonmi thil cu nannih khalin nan tong ve a si. Judah mi pawl in an rak hrem bangtukin nannih khal nanmah ih ramsungmi lala in an lo hrem a si.Ref 2.14 Tirh 17:5; 15 Judah mi cu Bawi Jesuh le profet pawl a thattu an si ih kanmah hremtu khal an si. Ziangtluk Pathian ninghangtertu so an si! Mi hmuahhmuah dodaltu an si!Ref 2.15 Tirh 9:23, 29, 13:45, 50, 14:2, 5, 19, 17:5, 13, 18:12; 16 Zentail mi hnenih rundamnak Thuthangòha sim ding hman in rak dawn. Cuticun an rak tuah ringring òheumi sualnak cu a pittawp an thlenter ih a netnak ah Pathian ih thinhennak an parah a rung thleng.
Paul In Thesalonika Tlawnsal A Duh
17 U le nau tla, kan thinlung cun kan òhen aw lo nain kan taksa in caan tawite sung nanmah thawn kan òhenawk tikah hin kan lo ngai zet ih nanmah lo tonsal ding lawng kan zuam rero a si. 18 Nanmah ra tlawnsal kan duh. Kei tla cu veitam nawn nanmah ra tlawng dingah ka tum rero nain Satan in kan lamzin in kham òheu. 19 Thungai ti ahcun, midang niamter cuang lo in, nanmah hi kan Bawipa Jesuh a ra thlensal ih nehnak thawn a hmaiih kan din tikah, kan ruahsannak, kan lungawinak le kan hmaihngalnak nan si ding. 20 Nanmah hi kan hmaihngalnak le kan lungawinak taktak nan si.