8
Tilik Cemnak
1 Pathian cun Noah le amah thawn lawng sungih a ummi ramsa tinkim cu a thei ringring. Curuangah leilungtlun ah thli a hranter ih tidai cu a kang vivo.
2 Leilung hnuai ih tipi ihsin a hung putmi tidai pawl le van ihsin ruah a rung surnak van tukvirh pawl cu an kharphit aw thluh. Vanruah a han ih,
3 tidai cu a kang vivo. Ni za le sawmnga hnuah tidai a òum deuhdeuh ih,
4 thla sarihnak ni hleisarih ni ah, lawng cu Ararat ram ih tlang parah a tang.
5 Tidai cu a òum deuh vivo ih thla hranak nikhat ni ah tlangzim pawl an lang.
6 Ni sawmli hnuah Noah cun lawng ih tukvirh a ong ih,
7 tlangak pakhat a thlah. Tlangak cu a rakir lo, leilung parih tidai a kaan thluh hlan lo a suk le a so ah a zam rero.
8 Cule Noah in tidai a kang ngaingai maw ti thei dingah thuro pakhat a thlah.
9 Asinan tidai in leilung a khuh thluh lai thotho ruangah thuro cu futnak a hmu thei lo. Cutikah Noah cun a kut a hei suah ih thuro cu lawng sungah a laksal.
10 Ni sarih a hngah hnuah thuro cu a thlahsal.
11 A cuih zanlam ah thuro cu a rakir ih a hmur in Olif thinghnah hring a rak thiar kha Noah in a hmu. Cutikah tidai a kang ngaingai zo tiah Noah in a thei.
12 Cun Noah in ni sarih a hngaksal ih thuro cu a thlahsal lala. Cuih òum cu a ra kirsal nawn lo.
13 Noah kum zaruk le kum khat a ti kum, thla hmaisabik, ni khatnak ni ah leilung parih tidai cu a kang thluh. A lawng khuh a ong ih a zoh tikah leilung a ro thluh kha a hmu.
14 A thla hnihnak, ni kul hluansarih ni ah leilung cu a ro ngah thluh.
15 Cutikah Pathian in Noah hnenah,
16 “Na nupi, na fapa pawl le an nupi pawl thawn lawng sung ihsin suak uh.
17 Ramsa hmuahhmuah, vate, innzuat sumhnam le a vak theimi hmuahhmuah tiangin hruai thluh awla, leilung parah an ci zaih in pungzai hai seh,” tiah a ti.
18 Cuticun Noah cu a nupi le a fapa le an nupi pawl thawn lawng sung ihsin an suak.
19 Cun hramlak ramsa siseh, innzuat sumhnam siseh, vate le a vak theimi hmuahhmuah tiangin, anmah an phun ciar a burbur in lawng sung ihsin an suak.
Noah Ih Thawinak
20 Cule Noah cun Bawipa ih hrangah biakòheng a don ih a thiangmi ramsa le vate tla phunkhat in pakhat ciar a lak ih meisa biakòheng parah Pathian hrangah mei-ur thawinak a tuah.
21 Noah ih pekmi rimthaw cu Bawipa in a theih tikah a thinlung in, “Minung ih thiltuahmi ruangah leilung cu siat ka serh nawn lo pei. Minung cu an no lai ihsin òhatlonak lawnglawng an ruat ti ka thei. Sikhalsehla atu òum bangtukin ziangtik hmanah a nungmi pawl ka siatsuah nawn lo pei.
22 Leilung a him sung hmuahhmuah, Thlaici tuh caan le rawl lak caan a um ding; Khawsik le khawhlum, fur le òhal caan a um ding; Sun le zan a um dingih, A cem nawn lo pei,” tiah a ti.