49
Jakob In A Fapa Pawl Hrang A Netabik Thucahnak
1 Cun Jakob in a fapa pawl a ko ih, “Hmunkhat ah khawm aw uhla hmailam ah nan tlunih thil a cang dingmi ka lo sim cia hai ding,” tiah a ti.
2 “Jakob ih fapa pawl,
ra khawm uhla ngai hnik uh;
Nan pa Israel thusimmi ngai uh.
3 “Reuben, ka fatir,
Nang cu ka thazang na si,
Patling ka si hnu ih
ka neih hmaisabik na si,
Ka fapa pawl lakah
a cak bik le a hngal bik;
4 Nang cu tilian bangin
mi thinsahlap na si,
Mi thupi bik na si dah lo ding,
Ziangahtile na pa ih nusun rori
na sualpi,
Na pa ih ihkhun parah
na kai ih na baalter.
5 “Simeon le Levi cu unau an si,
An hriamhrei cu mi ih
thisen luannak ah an hmang;
6 An thuthup relnak ah ka tel lo pei,
An khuakhannak ah siar cih ka si lo pei,
Ziangahtile an ai a thok tikah mi an that,
Nomnak men ah cawcang kaiza
an satcat.
7 An thinhennak parah
camriamnak um seh,
Ziangahtile an thinhennak a luar tuk.
An thinlingnak par khalah
camriamnak um seh,
Ziangahtile a siakha tuk.
Jakob ram sungah ka òhekdarh
thluh hai ding,
Israel mi lakah ka òhekdarh
thluh hai ding.
8 “Judah, nang cu na unau pawl in
an lo thangòhat ding,
Na ral pawl an hngawng in
na kai dingih,
Na hmaiah na unau pawl
an kuun ding.
9 Judah cu kiosa no bangtuk a si,
Sa a deh thluh in a rolnak ah a kirsal.
Judah cu kiosa vek a si;
A dok aw òhunòho ih
a vung boksal,
Zohman in an òhang ngam lo.Ref 49:9 Mipum 24:9;
10 A siangpahrang fung a keng ih,
a tesinfa pawl cu
uktu an si ringring ding.
Miphun tampi in ngunkhuai
an pe dingih,
Upatnak in a hmaiah an kuun ding.
11 A laakno cu sabit kuang ah a hren,
Sabit kuang òha bik ah.
A hnipuan cu thi bangin a senmi
sabitti in a sawp.
12 Sabitti a innak ah a mit cu
thi bangin a sen hreihrei,
Cawhnawi a in ruangah a ha cu
vur bangin a vaar fiahfiah.
13 “Zebulun cu tifinriat kap ah
a um ding,
A tikap tla cu tangphawlawng colhnak
a si ding;
A ram cu Sidon tiang a kau ding.
14 “Issakhar cu a cak zetmi laak a si,
A phurhmi thilrit tom hnih
karlak ah a bok;
15 A colhnak hmun a òhat zia le,
A ram a nom zia a hmuh ruangah,
Thilrit phur dingah a zaang cu a tun ih,
Hnaòuan khung òuantu sal ah a cang.
16 “Dan cu a miphun uktu a si ding,
Israel miphun pawl vek thotho a si ding.
17 Dan cu lamzin kapih rul vek a si ding,
Zin tlang ih tur neimi rulha vek a si.
Rang kebeu ah a cuk ih
rang totu cu dunglam ah a hlon.
18 “Maw Bawipa,
nangmah ih runnak ka hngak.
19 “Gad cu fifir pawl in an siim ding;
Asinan a do dingih a dawisuak ding.
20 “Asher ih loram ihsin
rawlòha a suak ding;
Siangpahrang ih ei tlak
rawl a si ding.
21 “Naftali cu a tlang dualdomi
zuknengpi, fano mawi zetzet
neimi vek a si.
22 “Josef cu hramlak ih laak,
cerhti kiangih a tlangmi
laak bangtuk a si,
Tlang parih laak note vek a si.s 49:22 Josef cu hramlak ih laak, Tlang parih laak note vek a si, timi hi, Josef cu a rahmi sabit hri, cerh kiangih sabit hri bangtuk a si. A hnge pawl cu phar ah an zam, ti tla a si thei.
23 Zangfahnak nei lo in
a ral pawl in an hual,
An li le an thal thawn an dawi.
24 Asinan Jakob ih Pathian,
Ziangkimtithei ih cahnak le,
Israel ih Lungpi,
Israel Khaltu thawngin;
A li cu a kiak thei ve lo ih
a baan tha cu a cak teltel zet a si.
25 Na pa ih Pathian,
nangmah a lo bawmtu le,
a lo thluasuahtu
Ziangkimtithei Pathian in,
van ihsin thluasuahnak cu
ruah bangin,
Lei hnuai khalin tidai bangin,
Te le fa, òilva sumhnam
thluasuahnak thawn,
26 Fangvui fual le rawlhan tlingin,
Thlaithlak le rawl òuan thluasuahnak;
Khuahlan ihsin a rak ummi
tlang ih thluasuahnak le,
Kumkhua a hmunmi tlang parih
duhnungza thil pawl cu;
A unau lakih
mi hleice dingin sersiammi,
Josef ih lu parah thleng thluh hram seh.
27 “Benjamin cu a hrang zetmi
cinghnia paak a si;
A deh cia mi cu zinglam ah a ei,
Zanlam ah a ngahmi sa cu
a òhendarh ciamco,” tiah a ti.
28 Hi pawl hi Israel miphun hleihnih an si ih an hnenah an pa ih thucahmi an si. Pakhat hnu pakhat anmah thawn a mawitawk in thluasuah a pe ciar a si.
Jakob Thihnak Le Phumnak
29 Cun Jakob in a fapa pawl hnenah, “Ka pu le ka pa hnenih feh ding ka si thlang. Kanaan ram Mamre ihsin nisuahnak lam Makpelah ah,
30 Hit mi pa Efron hnen ihsin ram le lungkua cu thlan hrangah Abraham ih leimi a um. Cutawkah in run phum pei.Ref 49:30 Sem 23:3-20;
31 Cutawkah Abraham le a nupi Sarah phum an si. Isaak le a nupi Rebekka khal cutawkah phum an si thotho. Keimah in ka nupi Leah khal cutawkah ka phum zo.Ref 49:31 Sem 25:9,10; 35:29;
32 Cuih ram le a sungih a ummi lungkua cu Hit mi pa hnen ihsin leimi a si,” tiah a ti.
33 A fapa pawl hnenih a thucahmi a òheh ve tein Jakob cu a ihkhun parah a ke a com ih a thaw a cemcihta. Cuticun a pu le a pa hnenah a fehta a si.Ref 49:33 Sem 7:15;