47
Josef cu Faro hnenah a feh ih, “Ka pa le ka unau pawl Kanaan ihsin an tuu le an cawrual le an neihmi hmuahhmuah tla thawn an ra thleng zo. Atu ah Goshen ram ah an um,” tiah a va sim. Cule amah hnenih a fehpimi a unau panga cu Faro hnenah a hmuh. Cutikah Faro in, “Nan hnaòuan ziangso a si?” tiah a sut ih annih in, “Bawipa, kan pu le kan pa vekin kannih khal tuukhal kan si. Hi ram ahhin bawipa, kan ra zo. Ziangahtile Kanaan ram ah paam a besia tuk ih kan òilva pawl hrangah hrampi hman a um lo. Curuangah bawipa, zangfah tein Goshen ram ah in umter hram aw,” tiah an ti. Cutikah Faro in Josef hnenah, “Atu cu na pa le na unau pawl an ra thleng zo ih, Izipt ram cu an ta a si ko. Goshen ram ahcun um ko hai seh; kan ram sungih a òha bik hmun pakhat a si. Cun anmah lakih rinsan tlak an um asile keimah ih òilva khaaltu pawl kilkhawitu ah ret aw,” tiah a ti.
Cun Josef in a pa Jakob cu a fehpi ih Faro a tonter. Jakob in Faro cu thluasuah a pek. Cule Faro in, “Kum ziangzatso na si?” tiah a sut. Jakob in, “Leilung ah vakvai in kum za le sawmthum ka nung zo. Ka pu le ka pa pawl an vahvaihnak kum cu ka zat lo. Ka kum hi a mal nain ka nunsung san hi a har ngaingai a si,” tiah a ti. 10 Jakob in Faro cu thluasuah a pekta ih a feh. 11 Josef in a pa le a unau pawl cu Faro ih thupek bangtukin Izipt ram sungih ram a òhatnak bik Rameses khuapi kiangah a umter. 12 A pa le a unau pawl le, a pa ih sungkhat pawl hmuahhmuah cu nauta bik tiangin Josef in an ei ding rawl a pek òheh.
Josef In Ram A Ukdan
13 Paam cu a luar deuhdeuh ih leilungtlun khui hmanah rawl a um lo. Izipt le Kanaan ram ih minung pawl cu rilrawng in an cau òheh. 14 Cutikah Izipt le Kanaan ramsung minung pawl in rawl leinak ih an hmanmi tangka hmuahhmuah cu Josef in a khawm òheh ih Faro inn ah a ret. 15 Ramsungmi pawl ih neihmi paisa a cem thluh tikah Izipt mi pawl cu Josef hnenah an ra ih, “Rawl in pe aw. Kan paisa le a cem òheh zo. Ziangtal in ruah sak lo ahcun kan thi thluh ding,” tiah an ti. 16 Cutikah Josef in, “Nan paisa a cem òheh zo a si ahcun nan òilva rak keng uhla rawl in ka lo thleng hai ding,” tiah a ti. 17 Curuangah Josef hnenah an òilva pawl rang, tuu, me, caw le laak pawl cu an rak keng ih Josef in rawl in a rak thleng. Cuih kum cu an òilva hmuahhmuah ih man ah rawl a pe hai.
18 A hmai kum cu Josef hnenah an rasal ih, “Bawipa, nang cu kan lo pheh lo pei; kan paisa a cem òheh zo ih kan òilva hmuahhmuah khal na ta an si òheh zo. Bawipa, kan leiram le kan taksa ruangpi siar lo zianghman lo pek ding kan nei nawn lo. 19 In thiter siang hram hlah awla, ziangtal in ruah sak aw. Kanmah kan minung le kan leiram tla rawlin in lei aw. Faro ih sal kan cang thluh ko pei ih kan ram hmuahhmuah khal amah ih ta ah si òheh ko seh. Rawl lo ih kan thih òheh lonak ding le kan ram pawl tla ramòhingih an can òheh lonak dingah rawl le rawlci in pe hram aw,” tiah an dil.
20 Cutikah Josef in Izipt ram sungih leiram hmuahhmuah cu Faro hrangah a lei òheh. Paam cu a besiat zet hrangah Izipt mi hmuahhmuah in an loram an zuar òheh. Izipt ram hmuahhmuah cu Faro ih ta ah a cang thluh. 21 Izipt ram khatlam deng ihsin khatlam deng tiang a ummi minung hmuahhmuah cu hnaòuantu sal ah a tuah òheh hai. 22 Josef ih a lei lomi leiram cu puithiam pawl ih leiram lawnglawng an si. Puithiam pawl cu an leiram an zuar a òul lo; ziangahtile Faro in an cawmawknak a pe a si. 23 Cule Josef in Izipt mi pawl hnenah, “Atu ah nanmah le nan leiram pawl cu Faro ih hrangah ka lo lei thluh zo a si, ti nan hmu. Hinah thlaici nan hrangah a um ih nan lo ah va cing uh. 24 Rawlkhawm tikcu ah nan neihmi rawl òhennga òhenkhat Faro nan pek pei. A tangmi hmuahhmuah cu nanmah ih hrangah a si pei; nan lo ih nan tuh ding thlaici le nanmah le nan sungkhat pawl le nan faate pawl tla ih cawmawknak hrangah a si pei,” tiah a ti. 25 Cutikah annih in, “Kan nunnak in run ngah zo; bawipa, kan tlunah na òha ngaingai ih kannih cu Faro ih sal kan si ko ding,” tiah an ti. 26 Curuangah an rawl neihmi ih òhennga òhenkhat cu Faro pek dingin Izipt ram sungah Josef in daan a tuah. Cuih daan cu atu tiangin an hmang lai a si.
Jakob Ih Netabik Rocahmi
27 Israel mi pawl cu Izipt ram Goshen ah cuticun an um. An neinung, leiram an nei ih an karhzai ngaingai. 28 Jakob cu Izipt ram ah kum hleisarih a um ih, amah ih kum cu za sawmli kum sarih a si. 29 Cun Jakob cu a thih caan a nai thlang hrangah a fapa Josef a ko ih, “Na mithmai òha ka co a si ahcun ka hnenah thukamnak tuah hram aw. Na kut cu ka cawn karlak ah ret awla ka parah thungai zet in, rinsan tlak na sinak ding le Izipt ram sungih i phum lonak dingah Bawipa ih hmin in thu kam aw. 30 Ka thih tikah Izipt ram ihsin i fehpi awla ka pu le ka pa vekin an thlan ah i phum aw,” tiah a ti. Josef in, “Na sim vekin ka tuah ding,”Ref 47:30 Sem 49:29-32; 50:6; tiah a ti. 31 Jakob in, “Ka tuah tengteng ding tiah siatcam in thu i kam aw,” tiah a ti ih Josef in thu cu a kam. Cutikah Jakob cu a ihkhun lu lamah lukun in lungawi thu a sim.