44
A Hlomi Ngun Khuathai
1 Josef in a inn kiltu hnenumpa ih hnenah, “Hi pawl ih dip sungah an phurh thei zat in rawl than awla, an dip sungih tlunta bik ciar ah an paisa ret aw.
2 Cule ka ngun khuathai hi an nauta bik ih dip sung tlunta bik ah a paisa thawn ret aw,” tiah a fial. A ti bangtukin a hnenumpa cun a tuah thluh.
3 A thaizing zingpit tein an laak pawl thawn an tlunter hai.
4 Khua ihsin malte an feh hnuah Josef in a inn kiltu hnenumpa hnenah, “Zamrang in khai milai pawl kha va dawi aw. Na man hai tikah, ‘A òhami cu ziangahso a sia in nan rulh?’
5 Ziangahso ka bawipa ih ngun khuathai nan ruk? Ka bawipa ih sabitti innak a si ih, tinzohnak ih a hmanmi khal a si. Thil òha lo ngaingai nan tuah a si, tiah na ti pei,” a ti.
6 A hnenumpa cun a dawi ih a man tikah Josef ih sim vekin a va ti.
7 Cutikah annih in, “Bawipa hitiih na òong rero hi na ti duhmi ziangso a si? Cuvek lawmmam tuah cu kan ruah dah lomi a si.
8 Kan dip sungih kan hmuhmi paisa cu Kanaan ram ihsin kan run keng ih na hnenah kan lo khirhsal ti na thei ko. Cuih hnu ahcun ziangahso na bawipa ih inn ihsin sui le ngun cu kan ruk ding?
9 Cuhrangah bawipa, kanmah lakah pakhatkhat in kan ruk a si ahcun cupa cu thah siseh, ; cule a dang pawl cu na sal ah in kai ko aw,” tiah an ti.
10 Anih in, “A si, nan timi cu ka lung a kim; asinain nanmah lakih pakhatkhat hnenah ngun khuathai ka hmuh a si ahcun cupa lawng cu ka sal ah a cang pei ih midang cu nan tlung thei ko ding,” tiah a ti.
11 Curuangah zamrang in an dip pawl cu an òhum ih an dip ciar cu an ong.
12 Josef ih hnenumpa cun upa bik pa ih dip ihsin nauta bik pa ih dip tiang fel tein a hawl tikah Benjamin ih dip sungah ngun khuathai cu a hmu.
13 Cutikah riahsia in an hnipuan an thlek ih an laak pawl parah an thilri cu an suangsal ih khuasung ah an kirsal.
14 Judah le a unau pawl Josef inn ih an thlensal tikah Josef cu inn ah a rak um lai. A hmaiah an bok ih,
15 Josef in, “Nan thil tuahmi hi ziangso a si? Keimah vekih thuneimi bawi cun tinzohnak hmangin in kai thotho ding ti nan thei lo maw?” tiah a ti.
16 Cutikah Judah in, “Bawipa, na hnenah òong ding zianghman kan nei lo. Ziangtinso kan lo el thei ding? Ziangtinso thiam kan co awkter thei ding? Pathian in kan mawhnak cu a langter thluh zo. Curuangah bawipa, a dip sungih ngun khuathai an hmuhmi pa lawng si lo in kan zate in na sal kan cang ko pei,” tiah a ti.
17 Cutikah Josef in, “Si hlah ee, cuticun ka ti lo ding. A dip sungih ka ngun khuathai an hmuhmi pa lawng ka sal ah a cang ding. Midang pawl cu nan pa ih hnenah harhdam tein va tlung uh,” tiah a ti.
Judah In Benjamin Hrang A Dil
18 Cule Judah cun Josef cu a hei naih ih, “Bawipa, zangfah tein thusimnak caan i pe hrih hram aw. Ka parah na thinheng hram hlah aw, bawipa, nang cu amah Izipt ram siangpahrang vek thotho na si.
19 Bawipa nangmah in, ‘Pa nan nei maw? Unau dang teh nan nei maw? tiih in suh tikah,
20 “Pa kan nei ih a tar zet zo; nau kan nei ih tlolsam a si lai hrih. Kan pa a tar zet hnu ih a suakmi a si. Kan naupa ih upa a thi zo ih amah thawn nukhat sungsuak ahcun amah lawng a nung lai a si; curuangah kan pa in amah cu a duh cuang,’ tiah kan lo sim.
21 Cutikah bawipa nangmah in, “Nan naupa cu rak hruai uh, a hmuh ka duh a si,” tiah in ti lai ahkhan,
22 “Kan pa a taan thei lo ding; a taan ahcun kan pa cu a thi men ding,” tiah kan lo ti.
23 Cutikah nangmah in, “Nan hnenih nan naupa a rat ve lo ahcun ka hmel hman in hmu thei lo ding,” tiah in ti.
24 “Na salpa a simi kan pa hnenih kan kir tikah, na ti vekin kan sim.
25 Cutikah anih in, “Vung fehsal uhla kan hrangah rawl vung leisal uh,” in ti.
26 Kannih in, ‘Kan feh lo ding; ziangahtile kan nau nauta bik a tel lo ahcun kan lo simmi pa kan vung tong thei lo ding. Kan nau nauta bik a tel lawngah kan feh ding,’ kan ti tikah,
27 kan pa cun, “Ka nupi Rachel in fapa pahnih i hrin ih,
28 pakhat cu a um nawn lo. Sahrang in a thlekbauh thluh a si pei ti ka zum; ziangahtile tuih sun tiangin ka hmu nawn lo.
29 Cuih tlunah hi a tangmi ka fapa nan lak lala ih ziangmaw tiih a thih pang asile riahsia thinhar in ka thi ngaingai ding a si,” tiah in ti.
30 “Curuangah bawipa, ka pa hnenah keimah lawng ka kir ih ka nau a hmuh lo asile kan pa cu a thi rori ding a si. Kan pa ih nunnak le hi pa ih nunnak cu a zom aw a si.
31 Curuangah bawipa, kan pa hi a tar zawng ah thihpi tlak riahsiatnak a parah kan thlenter ngaingai ding.
32 Cuih tlunah bawipa, hi ka nauhakpa ih hrangah ka pa hnenah ka nunnak ka kamta a si. “Na hnenih hi nauhakpa ka rak kirpi lo asile na hmaiah ka nunsung hmuahhmuah mawh ka phur ding, ka ti zomi a si.
33 Curuangah bawipa, hi nauhakpa cu a ule pawl thawn tlungter hram awla, keimah sawn hi na sal ah ka rung tang pei.
34 Nauhakpa tel locun ziangtinso ka pa ih hnenah ka tlun ngam ding? Ka pa ih tuar dingmi riahsiatnak cu ziangtinso ka hmuh ngam ding?” tiah a ti.