41
Josef In Faro Ih Mang A Let
Kum hnih a kim hnuah Faro in mang a man ih a mang ahcun Nail tivapi kapah a ding ih, tiva sung ihsin cawpi a thau zetmi le mawi zetmi pasarih an hung suak ih hrampi note an hung ei hmuarhmo kha a hmu. Cuih hnuah cawpi dang pasarih, a òawl òenòen le a mawi lo zet, tiva sung ihsin an hung suak ih a hmaisa cawpi thau pasarih kiangah tiva kapah an hung ding. Cule cawpi òawl pasarih pawl in cawpi thau pasarih pawl cu an ei òheh. Cun Faro cu a òhang. Cuih hnuah a itthatsal ih mang a mansal. A mang ah fangcang kung pakhat ihsin a bor òha zet le ah a cu zetmi fangvui pasarih an suak. Cun nelrawn thli ih nuai siat reprepmi le a hivai sialsialmi fangvui pasarih an suak ve. Cule a sia zetmi fangvui in a bor zetmi fangvui pasarih cu an dolh òheh. Cun Faro cu a hung òhangih a mang a si kha a thei. A thaizing cu a lung a nuam lo ngaingai ih Izipt ram sungih pol pawl le mifim hmuahhmuah a ko òheh. A mang cu a sim òheh hai nain a simfiang theitu zohman an um lo.
Cutikah sabitti petupa in Faro hnenah, “Bawipa, ka mawh zia cu tuih sun ah ka phuang ding. 10 Na hnaòuantu pawl ih tlunah na thin a heng ih sangtuah hotupa le kei cu siangpahrang inn kiltu pawl hotu bawi ih inn ah thawng in thlak. 11 Zankhat ah kan pahnih in mang kan man. Kan mang cu sullam nei veve an si. 12 Culai ah Hebru tlangval pakhat siangpahrang inn kiltu bawi ih hnenumpa cu kan hnenah a um ve ih kan mang pawl cu amah kan sim. Kan mang cu in lehsak ih a sullam in sim. 13 Cule a sim vek rori in a kim òheh; kei in ka hnaòuan ka òuansal ih sangtuah hotupa cu na that a si,” tiah a ti.
14 Cutikah Faro in Josef cu a ko ih zamrang tein thawnginn ihsin a suah. Josef cu a metfai aw ih a hnipuan a thleng awk hnuah Faro hmaiah a ra. 15 Cutikah Faro in, “Mang ka nei ih zohman in an let thei lo. Nang cu mang an lo simmi fiang tein na let thei ti in sim,” tiah a ti. 16 Josef in, “Kei ih ti theimi a si lo; Pathian lawngin fiang tein a lo sim thei ding,” tiah a ti. 17 Cutikah Faro in, “Ka mang ah Nail tiva kapah ka dingih, 18 tiva sung ihsin cawpi thau zet le mawi zet pasarih an hung suak ih hrampi note an hung ei hmuarhmo. 19 Cuih hnuah cawpi dang pasarih, a òawl òenòen zet ih ruh lawng a tangmi, tifiamfiam in an hung suak. Izipt ram pumpi sungah cuvek cawpi òawnòai ka hmu dah lo. 20 Cule cawpi òawl pawl in cawpi thau pawl cu an ei òheh. 21 Sikhalsehla an ei òheh hnu khalah zohman in cawpi thau pasarih an ei tiah an thei thei lo ding; a hlan vekin an òawl òenòen thotho. Cutikah ka hung òhang. 22 Cun mang ka man lala ih ka mang ah fangcang kung pakhat ihsin fangvui pasarih, a bor zetmi le a cu zetmi an suak. 23 Cuih hnuah nelrawn thli ih nuaisiat reprepmi, hivai sialsial in fangvui pasarih an hung suak. 24 Cule fangvui sia zet pawl in fangvui òha zet pasarih pawl cu an dolh òheh. Ka mang cu pol ka sim hai nain i lehsak theitu pakhat hman an um lo,” tiah a ti.
25 Cutikah Josef in Faro hnenah, “Na mang pahnih ih sullam cu an bangrep a si. Pathian in a tuah tummi a lo theihternak a si. 26 Cawpi thau pasarih cu kum sarih a si ih fangvui òha zet pasarih khal cu kum sarih thotho a si. An sullam cu thuhmunkhat a si. 27 Neta ih a hung suakmi cawpi òawl pasarih le nelrawn thli ih nuaisiatmi le a hivai sialsialmi fangvui pasarih cu paam kum, kum sarih a si. 28 Ka lo sim zo vekin Pathian in a tuah dingmi a lo hmuhnak a si. 29 Izipt ramsung hmuahhmuah ah paòhat ngaingai kum, kum sarih a um ding. 30 Cuih hnuah paam kum, kum sarih a tlung dingih Izipt ram sungih paòhat kum hmuahhmuah cu hngilh thluh a si ding. Paam ruangah Izipt ram cu a siat thluh ding. 31 Paòhat caan cu zohman in an ciing nawn lo ding. Ziangahtile neta ih a tlung dingmi paam caan cu a nasa ngaingai ding. 32 Na mang vei hnih rori na mannak cu Pathian in hi thu cu a nemhnget zo ih rei lo teah a thleng ding tinak a si.”
33 “Cu a si hrangah atu ah mi pakhat, khuaruat thiam le mifim hril awla, Izipt ram pumpi òuanvo latu dingah ret aw. 34 Ram sungih hnaòuantu dingah hotu pawl tla ret awla, paòhat kum, kum sarih sungih neihmi rawl sung ihsin òhennga ih òhenkhat khawlter aw. 35 Hi rawl hmuahhmuah cu a ra dingmi paòhat kum sungah khawm òheh hai seh. Nangmah ih thu in hna an òuan pei ih khuapi kipah rawl cu an khawl pei ih an kil pei. 36 Hi rawl pawl cu paam kum, kum sarih a ra thlen tikah Izipt ramsung minung pawl an thih òheh lonak dingah khawl cia mi rawl a si ding,” tiah a ti.
Josef Cu Izipt Ram Uktu Ah A Cang
37 Josef ih thusimmi cu Faro le a tlangsuak pawl an lung a kim tuk lawmmam ih, 38 Faro in, “Hi pa vekin Pathian thlarau ih umpimi midang khuiahso kan hmuh ding,” tiah a ti. 39 Cule Faro in Josef hnenah, “Pathian in hi thil hmuahhmuah hi a lo hmuh hrangah nangmah hnakin thil a theithiam sawn le a fim sawn zohman an um lo. 40 Curuangah nangmah hi ka ram zohtu ah ka lo tuah pei ih ka minung pawl in na thu an lo ngai ding. Siangpahrang ka sinak lawng hi ka lo hleihnak a si ding.Ref 41:40 Sem 7:10; 41 Atu ihsin Izipt ram pumpi uktu bawi ah ka lo tuah a si,” tiah a ti. 42 Cuòheh in Faro in siangpahrang hmin khenmi zunghruk cu a phoih ih Josef ih zungah a hrukter; a mawi le a mankhungmi hnipuan in a thuam ih suiòhi a hngawng ah a orhter. 43 Siangpahrang tonak sangtu rangleng ah a toter ih amah kiltu ralkap pawl in a hmai ihsin, “Nan lu kun uh,” tiah an au hluarhlo. Cuticun Izipt ram pumpi uktu bawi ah Josef cu a cang a si. 44 Cun Faro in Josef hnenah, “Keimah cu siangpahrang ka si; asinain nangmah ih thu lo in Izipt ram sungah zohman an kutke an caangkhai thei lo ding,” tiah a ti. 45 Cule Josef cu Zafenath Paneah tiah Izipt hmin a sak. Heliopolis khua ih puithiam Potifera ih fanu Asenath cu nupi ah a òhit sak.
46 Josef cu Izipt siangpahrang Faro ih hnaòuan a thawh tikah kum sawmthum a si. A feh ih Izipt ram a kiil le a deng tiangin a tlawng.p 41:46 A feh ih Izipt ram a kiil le deng tiangin a tlawng timi hi, Josef cu Izipt ram pumpi ih thuneitu ah a cang ti tla a si thei. 47 Paòhat kum, kum sarih sungah rawl cu ei cawk lo in an nei. 48 Paòhat kum, kum sarih sung rawl tam zet an neih sung hmuahhmuah Josef in Izipt ram sungih rawl cu a khawm ciamco ih khuapi kipah a khawl. Khua kiangkap ih lo rawl pawl cu a cuih khuasung ah a khawl. 49 Rawl a khawlmi cu a tam ngaingai ih tifinriat ih vunnel a bang. A rawl khawlmi cu a tam tuk thlang hrangah a tah khal an tah nawn lo; ziangahtile tah cawk ding a si lo.
50 Paam kum a thlen hlanah Josef cu, Heliopolis khua puithiam Potifera ih fanu, a nupi Asenath in fapa pahnih a hrin. 51 Josef in, “Ka zonzaihnak hmuahhmuah le ka pa ih innsang thu khal Pathian in i hngilhter zo,” tiah a ti ih a fapa hmaisa cu Manassehq 41:51 Manasseh: timi cu Hebru òong in i hngilhter ti thawn a aw suah a bang aw. tiah hmin a sak. 52 Cun, “Harsat ka tonak ram ah Pathian in faate i pe,” a ti ih a fapa pahnihnak hmin ah Efraimr 41:52 Efraim: timi cu Hebru òong in faate i pe ti thawn a aw suah a bang aw. a sak.
53 Izipt ram sungih paòhat kum, kum sarih cu a rung cem ih, 54 Josef ih a rak sim cia bangtukin paam kum cu a rung thleng ngaingai. Izipt ram lawng si lo in ramdang hmuahhmuah khalah paam a tlung ve; asinain Izipt ram sungah cun khuazakip ah rawl a um.Ref 41:54 Tirh 7:11; 55 Izipt ramsung hmuahhmuah ih paam a thlen tikah ramsung minung pawl in Faro hnenah rawl an dil. Cutikah Faro in, “Josef hnenah feh uhla a lo sim vekin tuah uh,”Ref 41:55 Joh 2:5; tiah a ti. 56 Izipt ram sungah paam cu a nasa zet ih ram sungmi pawl rilrawng ih an um tikah Josef in rawl retnak innpi pawl cu a ong ih rawl cu Izipt mi hnenah a zorh ciamco hai. 57 Leilungtlun hmuahhmuah ah paam cu nasa zet ih a tlun ve ruangah mi hmuahhmuah cu pursum dingin Izipt ram ah Josef hnenah an ra ciamco.