4
Kain Le Abel
Cun Adam le a nupi Evi cu an pawl aw ih Evi cu nau a keng. Fapa a nei ih, “ Bawipa ih bomnak in fapa ka neie 4:1 Ka nei ti le Kain ti cu Hebru òong in an aw suahdan a bang aw. a si,” tiah a ti. Cuhrangah a hmin ah Kain a sak. Cuih hnuah a naupa Abel a hringsal. Abel cu tuukhal a si ih Kain cu lothlo a si. Caan a hung rei deuh tikah Kain cun a lo sungih a suakmi rawl pawl kha Bawipa a pek. Cuih hnuah Abel khalin a tuufaate suak hmaisabik pawl a that ih a sa òhatnak bik Bawipa a pe ve. Abel tlun le a pekmi parah Bawipa cu a lung a kim zet;Ref 4:4 Heb 11:4. asinain Kain le a pekmi parah Bawipa cu a lung a kim lo. Cutikah Kain cu a thin a heng ih a mithmai a sia. Cutikah Bawipa in Kain hnenah, “Ziangahso na thin a heng? Ziangahso na mithmai a siat? A òhami tuah cila cohlan na si ko ding; sikhalsehla a òha lomi na tuah ruangah sualnak in nangmah neh dingah sahrang bangin sangka in a lo bawh; uk a lo tum; asinain na neh hrimhrim a òul ding,” tiah a ti.
Cule Kain in a naupa Abel hnenah, “Hramlak ah feh uh si,”f 4:8 Hramlak ah feh uh si: timi hi khuahlan ih nganmi Grik Baibal sungah a um. tiah a ti. Hramlak an thlen tikah Kain in Abel cu a zon ih a that.Ref 4:8 Mat 23:35; Luk 11:51; 1 Joh 3:12.
Cutikah Kain cu Bawipa in, “Na nau Abel khuiahso a si?” tiah a sut. Kain in, “Ka thei lo. Ka nau kilkhawitu ah zo in so i tuah?” tiah a let. 10 Cun Bawipa in, “Zianghrangah hivek òihnungza thil hi na tuah? Phuhlam duh ih a aumi aw bangin na naupa ih thisen in leilung ihsin i hun ko rero a si. 11 Atu ah nang cu camsiat na si ih hi na umnak hmun ihsin dawihlo na si ding; ziangahtile na kut ih na suahmi na nau ih thisen cu kaa ang tahrat ih donmi vekin leilung in a hawp zo a si. 12 Rawl na ciin khalle leilung in zianghman a suah lo dingih umnak inn nei lo in mivakvai na si ding,” tiah a ti. 13 Cutikah Kain in Bawipa ih hnenah, “Hremnak i pekmi cu a na tuk. 14 Hi ram le na hmaika in i dawihlo ih tlunah lei parah hin inn nei lo le mivakvai ka si dingih i hmutu pohpoh in, in that ding,” tiah a ti. 15 Asinan Bawipa in, “Cutin a si lo; nangmah a lo thattu cu a let sarih ih phulak a si ding,” tiah a ti. Cuhrangah Kain cu a hmutu pohpoh ih an thah lonak dingah Bawipa in a parah hminsinnak a ret. 16 Cuih hnuah Kain cu Bawipa ih hmaika in a tlan ih Eden hmuan ih nisuahnak lam Nod,g 4:16 Nod: timi cu Vahvaihnak tican a si. (Sem 4:12, tla ah a um.) timi ram ah a um.
Kain Ih Tesinfa Pawl
17 Kain le a nupi an pawl aw ih a nupi cu nau a keng. Fapa a hring ih a hmin ah Enok a sak. Cule Kain cun khuapi pakhat a toh ih a fapa hmin suangin Enok a sak. 18 Cun Enok in fapa a nei ih a hmin ah Irad a sak; Irad ih fapa cu Mehujael a si; Mehujael ih fapa cu Methushael a si; Methushael ih fapa cu Lamek a si. 19 Lamek cun nupi pahnih a nei; pakhat cu Adah a si ih pakhat cu Zillah a si. 20 Cun Adah in fapa a nei ih Jabal tiah a ko. Jabal cu cawkhal pawl le puanthlam ih a ummi pawl cithlahtu a si. 21 A naupa cu Jubal a si ih tingrisit le phirivau tumtu pawl cithlahtu a si. 22 Cule Zillah in fapa a nei ih Tubal Kain a si. Tubal Kain cu thir le dar soser pawl cithlahtu a si. Tubal Kain ih farnu cu Naamah a si.
23 Cun Lamek in a nupi pawl ih hnenah,
“Ka nupi Adah le Zillah, i ngai hnik uh,
I thawi ruangah tleirawl pakhat ka that;
I tuahmawh ruangah mi ka that a si.
24 Kain a thattu parah let sarih ih
phuhlam a si ahcun,
Kei i tuahmawhtu cu
let sawmsarih let sarih in
phulak a si ding,” tiah a ti.
Seth Le Enosh
25 Cun Adam le a nupi cu an pawl awksal ih fapa pakhat an nei. “Kain in Abel a that ih a ai ah Pathian in fapa i pe a si,” tiah Evi in a ti ih a hmin ah Seth a sak. 26 Seth in fapa a run nei ih Enosh tiah an ko. A cuih thokin minung pawl in Bawipa cu a hmin ko in an biak.