34
Dinah An Sualpi
Leah thawn an hrinmi Jakob ih fanu Dinah cu cuih ram ih nunau pawl hnenah a va leng. Cuih ram ih bawi a simi Hiv mi Hamor ih fapa Shekhem in Dinah cu a hmuh tikah a kaihrem ih a duh na lo in a sualpi. Cule Dinah ih tlun lawngah a thinlung a taap ih a duh zet fawn hrangah a leem ciamco. Cule a pa Hamor hnenah, “Hi falanu hi ka nupi dingah i biak sak aw,” tiah a ti.
Jakob in a fanu Dinah cu a thang an siatter zo ti a thei nain a fapa pawl hramlak ah caw khalin an um hrangah an ra tlun hlan cu zianghman ti lo in a um. Cule Shekhem ih pa Hamor cu Jakob bia dingin a feh ih, Jakob ih fapa pawl hramlak ihsin an ra thlen caan fangah a va thleng ve. An farnu an sualpi ti thu le Shekhem in hibangtuk thil borhbah le ningzakza a tuah ruangah Israel miphun a hmuhsuam ih a nautat ti thu pawl an theih tikah an ai a thok ih an thin a ling. Cutikah Hamor in an hnenah, “Ka fapa Shekhem in nan fanu cu a duh zet ruangah a òhit theinak dingah zangfah hram uh. Òhitawknak in rual kan kai aw pei. Nan fanu pawl kan òhi pei ih nannih khalin kan fanu pawl nan òhi ve pei. 10 Cuticun kan hnenah kan ram sungah nan um pei ih hnangam tein nan duhnak pohpoh ah nan um ding. Thilri nan nei dingih nan duhduh in sum nan tuah pei,” tiah a ti. 11 Cule Shekhem in Dinah ih pa le òapa pawl hnenah, “Nan mithmai òha i coter hram uh; nan duhmi hmuahhmuah ka lo pe ding. 12 Ziang laksawng so nan duh, i sim uh; nan farnu man cu nan duhzat ngen uh; in òhitter siang a si ahcun nan dilmi pohpoh ka lo pe ding,” tiah a ti.
13 Cutikah Jakob ih fapa pawl cun, Shekhem in Dinah a thangsiatter zo ruangah, an leemsiah ih an thu cu an zom buum ih, 14 an hnenah, “Serhtan lomi cu kan farnu kan pasalter thei lo; neihter kan siang tibang sehla kan hrangah ziangtluk ningzakza so a si ding. 15 Kanmah bangtukin mipa pohpoh serh nan tan thluh lawngah kan lung a kim thei ding. 16 Cuti a si lawngah kan fala pawl nan òhi thei dingih kannih khalin nan fala pawl kan òhi ve ding. Nanmah lakah khua kan sa dingih nanmah thawn miphun pakhat ah kan cang ding. 17 Asinan kan thu nan pom thei lo ih serh nan tan lo a si ahcun kan farnu cu kan la dingih kan feh ko ding,” tiah an ti.
18 Cutiin Jakob fapa pawl ih thu cu Hamor le a fapa Shekhem cun thil remcang zet ah an ruat. 19 Cuhrangah Shekhem cun rei lo teah an sim vekin a tuah òheh. Ziangahtile Jakob ih fanu cu a duh ngaingai ruangah a si. Shekhem cu a sungte lakah mi ih hmaizah bikmi a si. 20 Hamor le a fapa Shekhem cu an tlung ih an khuasuah ah an khuapi pawl thawn an tongkhawm aw ih an hnenah, 21 “Jakob le a sungkhat pawl thawn kan rem aw zet ko; kan ram ahhin kan hnenah um ve ko hai sehla, an duhnak poh ah tlangleng hai seh. Anmah ih hrang daih in kan ram khal a kau pam a si. An fanu pawl kan òhi pei ih annih khalin kan fanu pawl òhi ve hai seh. 22 Sikhalsehla anmah bangtukih mipa hmuahhmuah serh kan tan òheh lawngah kan hnenah um in kanmah thawn miphun khat si ding cu an lung a kim ding. 23 Cuti a si lawngah an òilva, an thilri le an cawrual pawl cu kan ta ah an cang ding. Curuangah kanmah lakih an um theinak ding cu tuah ve uh si,” tiah an ti. 24 Cutikah khuasungmi hmuahhmuah in Hamor le Shekhem ih thu cu an zom ih khuasung ih mipa hmuahhmuah cu serh an tan òheh.
25 Cuticun ni thumnak a kim ih an serhtannak a besiat laifangah, Jakob ih fapa pahnih, Dinah ih òapa Simeon le Levi cu ralnam kengin khua sungah zohman ih theihthiam lo dingin an lut ih an mipa hmuahhmuah cu an that òheh. 26 Hamor le a fapa Shekhem khal an lu an tan ih an farnu Dinah cu Shekhem innsung ihsin an lak ih an tlanpi. 27 Cuih tlunah Jakob ih fapa dang pawl in an farnu an thangsiatter zomi ningna in hriamhmapu mi pawl khal an that suak thluh lawlaw ih khuasung ih thilri hmuahhmuah tiangin an la òheh. 28 Tuu siseh, caw siseh, laak siseh, khuasung le lo ih an neihmi tiangin fai ko in an la òheh. 29 An sumsaw le an hlawnthil, innsang ih khawsaknak thilri hmuahhmuah tiangin an la ih nunau le nauhak khal an kaih òheh.
30 Cutikah Jakob in a fapa Simeon le Levi hnenah, “Harsatnak sungah in thlenter zo; hi ram sungih a ummi Kanaan mi le Periz mi pawl in, in hua thlang ding. Kei le milai tampi nei ka si lo. Annih pawl hmunkhat ah an òan ih in do a si ahcun kan zate in kan ci in mit rori ding a si,” tiah a ti. 31 Asinan annih in, “Kan farnu cu hlawhhlang nunau ah maw an tuah ding?” tiah an ti.