33
Jakob In Esau A Tong
1 Jakob in Esau cu milai zali thawn an rat kha a hmuh tikah a faate pawl cu Leah, Rachel le a nusun pahnih hnenah a òhendarh thluh.
2 A nusun pahnih le an faate pawl cu hmaisabik ah a ret; a sangtu ah Leah le a faate pawl a ret ih netabik ah Rachel le Josef a ret hai.
3 Amah Jakob cu an hmaiah a feh ih vei sarih tiang a hmai leilung dai in a lu a kuun hnuah a u hnenah a va thleng.
4 Sikhalsehla Esau in Jakob a hmuh tikah tong dingah a va tlan ih Jakob cu a pom; a hngawng in a kuah ih a hnam. Cule an pahnih in an òap tlang.
5 Cule Esau cu khua dang a tang ih nunau le nauhak pawl a hmu. “Na hnenih nunau le nauhak pawl hi zoso an si?” tiah a sut. Cutikah Jakob in, “Na siahhlawh pa keimah hi Pathian in i zangfah ih i pekmi faale pawl an si,” tiah a ti.
6 Cun a nusun le an faate pawl an ra ih upat pe in an lu an kuun.
7 Cuih hnuah Leah le a faate pawl an ra kuun; cule a netabik ah Josef le Rachel an ra ih an lu an ra kuun ve.
8 Cule Esau in, “Òilva rual ka rak ton zomi kha ziang sullam so a si?” tiah a sut. Jakob in, “Bawipa, na hmaiòha ka co theinak dingah an si,” tiah a hun ti tikah,
9 Esau in, “Ka duhzat cu ka nei ve ko, ka naupa; na ta pawl kha cu nangmah in nei ko aw,” tiah a ti.
10 Sikhalsehla Jakob cun, “Cuticun a si lo pei; na mithmai òha i coter a si ahcun ka laksawng cu na sang hram pei. Atu cu ka parah na thinlung tluang zet in a um ih ka hrangah na mithmai hmuh cu Pathian ih mithmai hmuh bangtuk a si.
11 Zangfah tein na hrangih ka rak kenmi laksawng cu co hram aw; Pathian in i zangfah ih ka òulmi pohpoh cu i pek a si,” tiah a ti. Cutiin Esau ih a san hlan lo a hnek zok rero. Cule Esau cun a sang.
12 Cun Esau in, “Kan tim kan tuah pei ih kan feh pei. Keimah in hmai ka lo hruai ding,” tiah a ti.
13 Asinan Jakob in, “Bawipa, kan faale pawl hi an nauhak tuk lai hrih ti cu na thei ko; cule kan tuu le kan caw pawl tla ka ruah a òul fawn; hnawifawp lai hlir an si. A khaaltu pawl in nikhat ah hlat tuk an dawi a si ahcun an thi thluh ding.
14 Curuangah bawipa, nang hmaiah rak feh sung aw; Seir ram ih na hnen ka thlen tiang, rannung le nauhak pawl an feh thei tawkin ka hun lo dawi ding,” tiah a ti.
15 Cutikah Esau in, “Cuti asile na hnenah ka milai pawl a hrekin ka tanta pei,” tiah a ti. Asinan Jakob cun, “Na thuruah thiamnak parah ka lung a awi, bawipa, sikhalsehla an taan a òul lem lo ding,” a ti.
16 Cuhrangah Esau cu Seir ram ah cuih ni ah a kirsal.
17 Jakob cu a pok ih Sukkoth ah a feh. Cutawkah amah ih hrangah inn a sak ih a rannung hrangah deu a suang. Curuangah cuih hmun cu Sukkothf 33:17 Sukkoth timi cu deuthlam tican a si. tiah hmin an sak.
18 Jakob cu Mesopotamia ram ihsin a kir tikah Kanaan ram Shekhem khua himdam tein a thleng. Shekhem khua pawnah a puan inn cu a sak.
19 A cuih hmun cu Shekhem ih pa Hamor ih tefa pawl hnen ihsin ngun tangka zakhat in a lei.Ref 33:19 Jos 24:32; Joh 4:5;
20 Cutawkah biakòheng a don ih a hmin ah El, Israel ih Pathian, tiah a sak.