32
Jakob Cu Esau Tong Dingah
1 Jakob cu a poksal ih lamzin ah Pathian ih vancungmi pawl in an rak tong.
2 Jakob in a hmuh tikah, “Pathian ih ralkap pawl an si,” tiah a ti. Curuangah cuih hmun cu Mahanaimc 32:2 Mahanaim: ti cu Hebru òong in riahbuk pahnih tican a si. tiah hmin a sak.
3 Cule Jakob cun Edom ram Seir an timi hmunih a ummi a upa Esau tong dingin mi a hei thlah.
4 A thlahmi pawl hnenah, “Ka bawipa Esau hnenah òihzahnak thawn na siahhlawh keimah Jakob in thu ka lo cah a si. Laban hnenah kum reipi ka um ih atu lawngah ka rakir.
5 Caw le laak pawl, tuu le me pawl le salnu le salpa ka nei a si. Ka u nangmah mithmai òha co thei dingah hitiin thu ka lo cahnak a si,” tiah va sim dingin a tirh.
6 A thlahmi an rakir tikah Jakob hnenah, “Na u Esau hnenah kan va feh ih amah cu nangmah tong dingin a ra pok zo. Minung zali thawn an ra,” tiah an sim.
7 Cumi a theih tikah Jakob cun a òih ih a thin a phang thlohthlo. Curuangah a hnenih ummi a milai pawl le tuu le me pawl, caw le kalauk pawl cu burhnih ah a òhen.
8 Ziangah cutiin a òhen tile, “Esau in burkhat pawl a thah khalle a dang burkhat tal cu an luat na hman maw!” tiih a ruah ruangah a si.
9 Cutikah Jakob cu thla a cam ih, “Maw Pathian, ka pu Abraham le ka pa Isaak ih Pathian, i ngai hram aw. Bawipa, nangmah in, “Na khua le na sungkhat hnenah kirsal awla na hrangah na lamzin ka tluangter ding,” i ti.
10 Kei na salpa hnenih na thlentermi na zangfahnak le rinsan tlak na sinak hi a cotu si dingah malte hman ka tlak lo. Zianghman nei lo in kianghrol pakhat lawng thawn Jordan tiva ka rak tan; atu ahcun minung le òilva burhnih thawn ka ra kirsal zo.
11 Curuangah ka u Esau ih kutsung ihsin, maw Bawipa, i run hram aw. Ka u Esau a ra dingih nunau le nauhak hman zuah lo in, in that thluh pang ding ti ka phang tuk a si.
12 Na lamzin ka tluangter dingih tesinfa tampi ka lo pe ding; na tesinfa pawl cu tifinriat kapih vunnel zat in an tam dingih siar cawk lo an si ding, tiah thu i kammi kha vun mangsal hram aw,”Ref 32:12 Sem 22:17; tiah a ti.
13 Cutawkih zankhat a riak hnuah, a u Esau laksawng pe dingin a neihmi sung ihsin a tanglam pawl a hril.
14 Mepi zahnih le mecang kul, tuupi zahnih le tuucang kul,
15 hnawisawr mi kalauk sawmthum le an faate ciar, cawpi sawmli le cawcang pahra, laakpi kul le laakcang pahra tla an si.
16 Òilva phunkhat cu hnenum pakhat ciar a kilter ih an hnenah, “Ka hmaiah feh uhla burkhat le burkhat cu hlat aw nawn in feh uh,” tiah a ti.
17 Hmaisabik ih a fehtupa hnenah, “Ka u Esau in a lo tong ih, ‘Na bawipa zo a si? Khui ah na feh ding? Na hmaiih òilva pawl neitu zo a si?’ tiih a lo sut tikah,
18 ‘Hi òilva pawl cu na siahhlawh Jakob ih ta an si ih a bawipa nangmah Esau hrangah laksawng a lo pekmi an si. Amah Jakob cu kan dung teah a ra lai,’ na rak ti pei,” tiah a ti.
19 Hmaisabik pa hnenih a ti bangtukin pahnihnak, pathumnak le an zate hnen khalah bangrep in thu a pek. “Esau nan ton tikah,
20 ‘A si, na salpa Jakob cu kan dung teah a ra lai,’ tiah nan rak ti pei,” tiah a ti. Jakob cun ka hmaiih ka fehtermi laksawng in a thinlung cu ka nemter deuh dingih ka ton ngaingai tikah i ngaithiam thei men ding, tiah a ruat.
21 A laksawng pawl hmaiah a fehter ih amah cu cuih zan cu a riahbuk ah a riak.
Jakob Le Vancungmi An Buan Aw
22 A cuih zan, zan khawthim ah Jakob cu a tho ih a nupi pahnih le a nusun pahnih le a faate hleikhat thawn Jabbok tiva an tan.
23 A innsangmi pawl tiva ralih a hruai thluh hnuah a neihmi dang hmuahhmuah khal tiva ralah a hei òhawn thluh.
24 Amah lawng a rung tang. Cuih zan ah mi pakhat in Jakob cu zing khawvang zik tiang a rung buan ciamco.
25 Jakob a neh thei lo ti kha a buantu pa in a theih tikah, Jakob ih khel kha a sawh in a sawh ih, an buan awk rero lai ahcun Jakob ih khel hlikhlok a pelh.
26 Cutikah mi pa in, “I thlah aw, khua a van zik thlang hi!” tiah a ti. Sikhalsehla Jakob cun, “I thluasuah lo ahcun ka lo thlah lo ding,” tiah a ti.
27 Cule mi pa in, “Na hmin zoso a si?” tiah a sut ih Jakob in, “Jakob ka si,” a ti.
28 Cule mi pa in, “Atu thok ihsin na hmin cu Jakob a si nawn lo pei. Milai thawn siseh, Pathian thawn siseh, nan tawng aw ih na neh ruangah na hmin cu Israeld 32:28 Israel timi cu Hebru òong in Pathian thawn an buan aw ti thawn a aw suah a bang aw. ti a si pei,”Ref 32:28 Sem 35:10; tiah a ti.
29 Cutikah Jakob in, “Na hmin i sim hram aw,” tiah a dil. Anih in, “Ziangahso ka hmin i suh?” tiah a ti ih cuih hnuah Jakob cu thluasuah a pek.
30 Jakob cun, “Pathian cu hmaiton tein ka tong zo; asinain ka nung lai a si,” tiah a ti ih a cuih hmun cu Peniele 32:30 Peniel: ti mi cu Hebru òong in Pathian ih hmai ti thawn a aw suah a bang aw. tiah hmin a sak.
31 Peniel ihsin a pawh zawng ah ni a hung suak cerco. Jakob cu a ke a bai; ziangahtile a khelruh a pelh ruangah a si.
32 Curuangah tuih san tiangin Israel ih tesinfa pawl cun sakhel hlikhlok parih satit ei lo in an run iikta; ziangahtile Jakob ih khel sawhpelhnak a rak ton ruangah a si.