30
A pasal Jakob hrangih fa pakhat hman a hrin lo cu Rachel in a ruat tikah a u Leah cu a nahsik zet. Jakob hnenah, “Faate i pe aw; culole ka thi ding,” tiah a ti. Cutikah Jakob cu a thin a heng ih, “Pathian ih ai cu ziangtinso ka awh thei ding? Faate a lo neiter lotu cu Amah Pathian a sisi!” tiah a ti. Cule Rachel in, “Asile ka hrangah faate a neih ih cuticun kei khal naute ih nu ka si ve theinak dingah hi ka salnu Bilhah thawn pawl aw uh,” tiah Jakob cu a ti. Cuticun Rachel in a salnu Bilhah cu a pasal hnenah a pek ih a pasal in Bilhah cu a ihpi. Bilhah cu nau a keng ih Jakob cu fapa a hrin. Cutikah Rachel in, “Pathian cu keimah ih lam òangin thu a rel a si. Ka thlacamnak a thei ih fapa i pe,” tiah a ti ih a hmin ah Dant 30:6 Dan: ti cu Hebru òong in ka lamah a òang ti thawn a aw suah a bang aw. a sak. Cuih hnuah a salnu Bilhah cu nau a kengsal ih Jakob ih fapa pahnihnak a hring. Cutikah Rachel in, “Ka u neh dingah nasa zet in ka zuam ih ka neh suak a si,” tiah a ti ih a hmin ah Naftaliu 30:8 Naftali ti cu Hebru òong in ka zuam ti thawn a aw suah a bang aw. a sak.
Cun Leah khalin faate a neihsal lohli lo kha a theih awk tikah a salnu Zilpah cu Jakob ih ihpi dingah a pek. 10 Cule Zilpah cun fapa a hring. 11 Cutikah Leah in, “Ka van a òha a si,” a ti ih a hmin ah Gadv 30:11 Gad: ti cu Hebru òong in vanòhat ti can a si. a sak. 12 Leah ih salnu Zilpah in fapa a neisal ih, 13 Leah cun, “Ziangtlukin so ka lung a awi. Atu cun nunau hmuahhmuah in mi lungawi tiah in ko ding,” a ti ih a hmin ah Asherw 30:13 Asher: timi cu Hebru òong in lungawi tican a si. a sak.
14 Cule sangvut lak caan ah Reuben cu hramlak ah a feh ih lengai rah a hmu ih a nu Leah hnenah a pek. Cutikah Rachel in Leah cu, “Na fapa ih rak kenmi lengai rah cu malte in i òhen ve aw,” tiah a dil. 15 Asinan Leah cun, “Ka pasal i lon hi tawk na ti lo maw? Ka fapa ih lengai rah khal maw a lak hrih na tum?” tiah a ti. Cule Rachel in, “Na fapa ih lengai rah i pek asile tuih zan cu Jakob hnenah na it ding,” tiah a ti. 16 Cuih zanlam ah Jakob cu hramlak in a rung tlun tikah Leah cun a va hmuak ih a hnenah, “Tuih zan cu ka hnenah na ih a òul, ziangahtile ka fapa ih lengai rah in Rachel hnen ihsin ka lo sang a si,” tiah a ti. Cutiin cuih zan cu Leah thawn an pawl aw. 17 Cule Pathian in Leah ih thlacamnak cu a theih hrangah fa a vun ih Jakob cu fapa panganak a hrin. 18 Cutikah Leah cun, “Ka salnu cu ka pasal hnenih ka pek ruangah Pathian in ka laksawng i pe zo a si,” tiah a ti. Cuhrangah a fapa cu Issakharx 30:18 Issakhar: ti cu Hebru òong in saan man laksawng a um ti thawn a aw suah a bang aw. tiah hmin a sak. 19 Leah cu fa a vun lala ih fapa a paruknak a hring. 20 Cutikah Leah cun, “Pathian in laksawng sunglawi i pek. Fapa paruk ka hrin zo hrangah atu cun ka pasal in i duh thlang ding,” tiah a ti. Cuhrangah a fapa hmin ah Jebuluny 30:20 Zebulun: ti cu Hebru òong in laksawng ka co ti thawn a aw suah a bang aw. a sak. 21 Cuih hnuah fanu pakhat a nei ih a hmin ah Dinah a sak.
22 Asinan Pathian in Rachel cu a hngilh lo. A thlacamnak a thei ih fa nei thei dingin a tuah. 23 Rachel cu fa a vun ih fapa a hring. Cutikah, “Faate nei thei lo ih ka ningzahnak cu Pathian in i lak sak zo. 24 Pathian in fapa dang i pe hrih hram seh,” tiah a ti ih a hmin ah Josefz 30:24 Josef: timi cu Hebru òong in a dang i pe hrih hram seh tile i lak sak ti thawn a aw suah a bang aw. a sak.
Jakob Le Laban Thu An El Aw
25 Josef suah hnuah Jakob in Laban hnenah, “I thlah thlang aw, ka khua le ka ram ah kir ka duh thlang. 26 Ka nupi pawl le ka faate pawl tla cu i pe awla ka tlung ding; anmah co duh ah ziangtlukin na hna òha tein ka òuan ti cu na thei ko,” tiah a ti. 27 Cutikah Laban in, “Thusimnak tikcu i pe hram aw! Nangmah ka hnenih na um ruangah Bawipa in thluasuah vanluh i pe ih ka òhangso tihi tinzohnak in ka thei a si. 28 Cuti a si ruangah na hlawhman i sim awla ka lo pe ding,” tiah a ti. 29 Cule Jakob cun, “Ziangtlukin na hna ka òuan ih na òilva pawl ka khalh sungah ziangtlukin an pungzai ti cu na thei thluh ko. 30 Na hnenih ka thlen pekte ih malte lawng na neihmi atu ah siar cawk lo an si thlang. Keimah ruangah Bawipa cun thluasuah vanluh a lo pe taktak a si. Atu cu keimah ih hrang ka ruah caan a si ve thlang,” tiah a ti.
31 Cutikah Laban cun, “Cuti asile ziangso ka lo pe ding?” tiah a sut. Jakob in, “Hlawhman zianghman ka duh lo. Ka lo ngenmi i pe ding asile na òilva pawl hi ka kilkhawi hrih ding. Ka lo ngen mi cu: 32 tuih sun ah na òilva pawl lakah ka vak dingih tuu note a dummi hmuahhmuah le a òialmi tuu pohpoh òialcip ih a òialmi siseh, òialkau ih a òialmi siseh, ka la ding. Cule a òialmi me pohpoh òialcip ih a òialmi siseh, òialkau ih a òialmi siseh, ka la ding. Cuvial cu ka hlawhman ah ka duhmi a si. 33 Cuticun ka fel le fel lo hmailam ah na thei ding. Ka hlawhman cu na thei fel duh ih na zingzoi tikah tuu a dum lomi le me a òial lomi ka neih na hmuh asile a ruk ih rukmi a si tiah na thei ding,” tiah a ti. 34 Cutikah Laban in, “A òha a si, na sim vekin ka tuah pei,” a ti. 35 Sikhalsehla a cuih sun rori ah Laban cun mecang òialcip le òialkau ih a òialmi le mepi òialcip le òialkau ih a òialmi pohpoh, asilole a raangin a òialmi hmuahhmuah le tuu a dummi hmuahhmuah tla a lak thluh ih a fapa pawl ih khalh dingin a ret. 36 Cule Jakob ih umnak ihsin ni thum ban ah a fehpi hai. Cun a tangmi Laban ih tuu le me pawl cu Jakob in a run khal.
37 Cule Jakob cun òhil, òhuang le hriang kungih a òek pawl a lak ih a hawng a hrekin a hawk ih funghreu òial ah a tuah. 38 Cuih funghreu òial pawl cu òilva pawl ih tidai innak tikuang sungah atung in òilva pawl hoih in a ret. Ziangah hitiin a ret tile tidai in dingih òilva pawl an rat tikah an pawl awk òheu ruangah a si. 39 Cuticun funghreu òial hmaiah me pawl cu an raihaw vivo ih faate an hrinmi pawl cu a òialmi òialngaan, òialcip le òialkau mi lawnglawng an si. 40 Cun Jakob in Laban ih tuunu pawl cu a dan ih a pa thawn a dang ah a ret; cu òheh in Jakob ih tuucang òial le a dum pawl thawn lawngin a pawl awkter. Cuticun Laban ih tuurual sung ihsin Jakob cun a tuurual kha a zaiter vivo a si. 41 Cule òilva lakih a harhdammi le a cakmi an pawl awk tikah fa òial an vun theinak dingah a funghreu òial pawl cu tikuang sungah an hmai hoih in a ret. 42 Asinan òilva òawnòai pawl an pawl awk tikah funghreu òial cu a ret lo. Curuangah òilva òawnòai pawl cu Laban ih ta ah an cang ih a cak deuh pawl hmuahhmuah cu Jakob ih ta ah an cang. 43 Cutiin a rei hlanah Jakob cu milian zet ah a cang. Òilva tampi, salnu salpa le kalauk le laak tampi a nei.