26
Gerar Le Beer-sheba Ah Isaak A Um
1 Abraham san ih paam veikhat a rak tlun hlei ah hi ram ah paam a tlungsal. Curuangah Gerar ih a ummi Filistin siangpahrang Abimelek hnenah Isaak cu a feh.
2 Cutikah Bawipa cu Isaak hnenah a lang ih a hnenah, “Izipt ram ahcun na feh lo pei; na um ding ka lo tinak ram ah um aw.
3 Hitawkah tikcu tawite sung um awla, na hnenah ka um dingih ka lo thluasuah ding; ziangahtile nangmah le na tesinfa pawl hnenah hi ram hmuahhmuah cu ka lo pe ding a si. Na pa Abraham hnenih ka rak tuahmi thukam cu ka kimter ding.
4 Van ih arsi zat in tesinfa ka lo pe dingih an hnenah hi ram hmuahhmuah cu ka pe ding. Na tesinfa pawl ka thluasuah bangin leilungtlun ih miphun hmuahhmuah in thluasuah in dil ding.Ref 26:3, 4 Sem 22:16-18;
5 Abraham in ka thupekmi a thlun ih ka thu a ngai ruangah nangmah cu ka lo thluasuah ding,” tiah a ti.
6 Cutiin Isaak cu Gerar ah a um.
7 Cuih khuami pawl in a nupi thu an suh tikah, “Ka nupi a si,” ti ngam lo in, “Ka farnu a si,”Ref 26:7 Sem 12:13; 20:2; a ti. Ziangah a ngam lo tile Rebekka cu a mawi ngaingai ih Rebekka co duh ah in that pang ding ti a phan ruangah a si.
8 Cun Isaak cu tikcu rei nawn hi ram ih a um hnuah veikhat cu Filistin siangpahrang Abimelek cu a tukvirh in khua a cuan ih Isaak in Rebekka a pom lai kha a hmu.
9 Hmakhat teah Abimelek in Isaak cu a ko ih, “Rebekka hi na nupi a si, a si ko lo maw? Ziangahso ka farnu a si, na ti?” tiah a sut. Cutikah Isaak in, “Ka nupi a si, ka ti ahcun in that ding, ti ka ruah ruangah a si,” tiah a ti.
10 Cule Abimelek in, “Ziangahso kan parah hitiin thil na tuah? Ka milai pakhatkhat na nupi parah a sual ih mawhphurh kan si le nangmah ih ruangah a si ding,” tiah a ti.
11 Cun Abimelek in, “Hi te nupa, Isaak asilole Rebekka hi zohman in nan tisia lo pei; a tisiatu nan um ahcun thah nan tong ding,” tiah a milai pawl hnenah thu a pek.
12 Cun Isaak in cutawk ram ah thlaici a tuh ih a cuih kum cu a tuhmi ih let zakhat a khawm; ziangahtile Pathian in a thluasuah ruangah a si.
13 A òhangso vivo ih milian zet ah a cang.
14 Cutiin caw le tuu a ruunruun in a nei ih sal khal tampi a neih hrangah Filistin mi pawl in an iksik zet.
15 Curuangah a pa Abraham nun lai ih a hnenum pawl ih laihmi tikhur hmuahhmuah cu leilung an silhsak thluh.
16 Cule Abimelek in Isaak hnenah, “Kannih hnakin na cah tuk zo ruangah hmundang ah feh aw,” tiah a ti.
17 Curuangah Isaak cu a suak ih Gerar phairawn ah buk a sak ih a um.
18 Cutawkah tikhur pawl, a pa Abraham san ih laihmi, a thih hnu ih Filistin pawl in an silhmi pawl cu a laisal thluh ih a pa ih hmin sakmi vekin Isaak in hmin a peksal thluh a si.
19 Cun veikhat ah Isaak ih hnenum pawl in a cuih phairawn ah tikhur an lai ih tipuut òha zet pakhat an tong.
20 Cutikah Gerar khua ih tuukhal pawl in, “Hi tidai cu kanmah ih ta a si,” tiah Isaak ih tuukhal pawl hnenah an ti ih an to aw. Cutiih an tawh awk ruangah Isaak in a cuih tikhur cu, “Esek,”g 26:20 Esek ti cu tawhawknak tican a si. tiah hmin a sak.
21 Cuih hnuah Isaak ih hnenum pawl in tikhur dang an lai ih elawknak a um thotho ruangah Isaak in a cuih tikhur cu, “Sitnah,”h 26:21 Sitnah ti cu ralawknak tican a si. tiah a ko.
22 Cun Isaak cu a cuih hmun in a cer ih tikhur dang a lai lala. Elawknak a um nawn lo ruangah a cuih tikhur cu, “Rehoboth,”i 26:22 Rehoboth ti cu luatnak asilole ram kaupi tican a si. tiah a ko. Cule Isaak in, “Atu cu Bawipa in hi ram ah luatnak i pe zo ih kan òhangso thlang ding,” a ti.
23 Cun Isaak cu Beer-sheba ah a hung cer ih,
24 a cuih zan ah Bawipa cu a hnenah a lang ih, “Keimah cu na pa Abraham ih Pathian ka si. Zianghman òih hlah, na hnenah ka um. Ka salpa Abraham ih vangah ka lo thluasuah dingih tefa tampi ka lo pe ding,” tiah a ti.
25 Cutawkah Isaak in biakòheng a don ih Bawipa a biak. Cun umhmun a khuar ih a hnenum pawl in tikhur an lai.
Isaak Le Abimelek Ih Thutiam Awknak
26 Cule AbimelekRef 26:26 Sem 21:22; cu Gerar ihsin a ralkap uktu Fikol le ruahnak petu Ahuzzath thawn Isaak tong dingin an ra.
27 Cutikah Isaak in, “Zianghrangah ka hnenah nan ra? In ngaih lo ruangah nan khua le nan ram in, in dawi a si lo maw?” tiah a ti.
28 Cule annih in, “Pathian cu na hnenah a um hrimhrim a si, tiah atu cun kan thei zo ih kan karlak ah siatcam in thutiam awknak um sehla tiin kan ruat. Na parih siatsuahnak kan thlenter lo bangtukin,
29 nang khalin kan parah siatsuahnak na thlenter lonak dingah thu in kam aw, ti kan duh. Na hnenih zangfahnak kan rak neih ruangah dai tein kan lo fehter. Atu ahcun Bawipa ih thluasuah tampi na dong a si,” tiah an ti.
30 Cumi a theih tikah Isaak in rawl thaw zet in a suang ih a cuih zan cu puar zet in an ei.
31 A thaizing zingpit tein siatcam thutiam awknak an tuah ih Isaak thawn rualpi òha zet cang in an òhen aw.
32 Cuih ni ah Isaak ih hnenum pawl an ra ih tikhur an laihnak thu a hnenah an ra sim. “Tidai kan tong zo,” tiah an ti.
33 Curuangah cuih tikhur cu Shibahj 26:33 Shibah ti cu thutiam awknak ti can a si. tiah a ko. Atu tiangin a cuih khuapi cu Beer-shebak 26:33 Beer-sheba ti cu Thutiam awknak Tikhur tican a si. tiah an run kota.
Esau Ih Ramdang Nupi Pawl
34 Esau cu kum sawmli a ti tikah Hit mi Beeri ih fanu Judith a òhit. Cuih hnuah Hit mi thotho Elon ih fanu Basemath a òhi lala.
35 Cuticun Isaak le Rebekka thinlung hartertu ah an cang.