25
Abraham Ih Tesinfa Dang
(1 San 1:32-33)
Abraham in nupi dang a òhi ih a hmin cu Keturah a si. Keturah thawn an hrinmi fapa pawl cu Zimran, Jokshan, Medan, Midian, Ishbak le Shuah an si. Cun Jokshan ih fapa pawl cu Sheba le Dedan an si ih Dedan ih hrinmi fapa pawl cu Asshurim, Letushim le Leummim an si. Midian ih fapa pawl cu Efah, Efer, Hanok, Abida le Eldaah an si. An zate in Keturah ih tefa pawl an si.
Abraham in a neihmi hmuahhmuah cu Isaak a rohta. Asinan a thih hlanah a nupi dang ih fapa pawl hnenah laksawng a zem ve hai ih Isaak thawn um tlang lo dingin hmundang nisuahnak ram ah a fehter hai.
Abraham Thihnak Le Vuinak
Abraham cu kum za le sawmsarih le kum nga tiang a nung; Tarkun khuksuang in a nun hnuah a thi ih a miphunpi hnenah finkhawm in a um. Hit mi Zohar ih fapa Efron hnen ihsin ram a leimi, Mamre ih nisuahnak lam Makpelah lungpuk ah a fapa Isaak le Ishmael in an phum. 10 Hit miphun hnen ihsin amah Abraham ih rak lei cia mi ram a si.Ref 25:10 Sem 23:3-16; A nupi Sarah thawn an pahnih in cutawkah phum an si. 11 Abraham thih hnuah a fapa Isaak cu Pathian in a thluasuah ih, “Beer-lahai-roi” timi tikhur kiangah a um.
Ishmael Ih Tesinfa Pawl
(1 San 1:28-31)
12 Sarah ih salnu, Izipt mi Hagar thawn an hrinmi Abraham ih fapa Ishmael ih tesinfa pawl cu a hnuailam bangtuk an si. 13 Ishmael ih fapa pawl hmin cu a sangsang in, upa bik ah Nebaioth, cun Kedar, Adbeel, Mibsam, 14 Mishma, Dumah, Massa, 15 Hadad, Tema, Jetur, Nafish le Kedemah an si. 16 Himi pawl hi Ishmael ih fapa pawl an si ih an khua le an umnak ram hmin cu anmah ih hmin ciar suang ih sakmi an si. Anmah tla cu miphun hnam hleihnih ih cithlahtu an si. 17 Ishmael cu kum za le sawmthum le kum sarih a nung. A thi ih a miphunpi hnenah finkhawm in a um. 18 Ishmael ih tesinfa pawl cu Izipt ram in nisuahnak, Assiria ram fehnak lam, Havilah le Shur karlak ram ah an um. Abraham tesinfa hnenih um lo in a dang tein an um.
Esau Le Jakob Suahnak Thu
19 Abraham fapa Isaak ih thuanthu cu hitiin a si. 20 Mesopotamia ram Aram mi Bethuel ih fanu, Laban ih farnu, Rebekka a òhit tikah Isaak cu kum sawmli a si. 21 Rebekka in fa a neih lo ruangah Isaak in Bawipa ih hnenah thla a cam sak. Bawipa in a thlacam cu a thei ih Rebekka cu fa a vun. 22 A pum sungah faphir an sem ih an eng awk rero kha a theih tikah a don a har ih, “Hiti a si ahcun ziangso ka nun man a um?” tiah a ti. Cule Bawipa ih hnenah thla a cam ih,
23  Bawipa in,
“Na pum sungah miphun pahnih an um.
A ral aw phun hrimhrim in
an suak ding;
Pakhat cu a dang pa hnakin
a cak deuh dingih,
A upa sawn in a naupa a rian ding,”Ref 25:23 Rom 9:12;
tiah a ti.
24 Rebekka cu a nithla a kim tikah faphir a hring. 25 A suak hmaisa pa cu misen a si ih a pumpuluk in hmul a nei. Curuangah Esaud 25:25 Esau timi cu Hebru òong in a umnak ram Seir timi a sawh duhmi a si ih, Seir ti le hmulnei ti cu a aw suah a bang aw. tiah a hmin an sak. 26 A nauta pa a rung suah tikah a upa Esau ih kedil kaihnget tahrat in a suak. Curuangah a hmin ah Jakobe 25:26 Jakob timi cu Hebru òong in kedil ti asilole bum ti thawn a aw suah a bang aw. an sak. Fapa a neih tikah Isaak cu kum sawmruk a ti.
Esau In A Fatir Covo A Zuar
27 Cun an unau an òhang vivo ih Esau cu sakap zet a si ih hramlak ih ramtawi duh zettu ah a cang. Jakob cu midai a si ih inn lawnglawng ah a um. 28 A sakahmi a ei òheu ruangah Isaak in Esau cu a duh deuh; asinain a nu Rebekka cun Jakob a duh sawn.
29 Nikhat cu Jakob in pehang a suan laifangah a ramtawihnak in Esau cu a ra tlung. 30 A ril a rawn tuk ruangah a naupa Jakob hnenah, “Ka ril a rawng tuk lawmmam, na tihang sente kha kaa khatte talin i pe aw,” tiah a dil. (Curuangah Edomf 25:30 Edom timi cu Hebru òong in a sen ti thawn a aw suah a bang aw. tiih an kawhnak a si.) 31 Asinan Jakob in, “Na fatir covo i pe awla ka lo pek ding,” tiah a ti. 32 Cutikah Esau in, “Ka lo pe ding; rilrawng in ka thi zik thlang ih ka covo cu ka hrangah ziangso òhathnemnak a neih?” tiah a ti. 33 Cule Jakob in, “Ka covo ka lo pe tengteng ding, tiin thu i kam hmaisa aw,” tiah a ti. Cutiin Esau cun thu a kam ih fatir a sinak covo cu Jakob hnenah a zuar.Ref 25:33 Heb 12:16; 34 Cule Jakob in sang le pehang a suanmi cu a pek. Esau in a in a ei hnuah a tho ih a feh. Fatir a sinak covo cu zianghman ah a siar lo.