21
Isaak Suahnak
1 A tiamcia vekin Bawipa in Sarah cu a thluasuah ih,
2 Sarah cu nau a keng ihRef 21:2 Heb 11:11. Abraham tar zawng ah fapa a hring. Pathian ih a sim cia mi tikcu a thlen in fapa an nei.
3 Abraham in a fapa cu Isaaky 21:3 Isaak ti mi cu Hebru òong in a hni tican a si. tiah hmin a sak.
4 Cule Pathian ih thupek bangtukin Abraham in Isaak cu ni riat a ti tikahRef 21:4 Sem 17:12; Tirh 7:8. serh a tan.
5 Isaak a suah tikah Abraham cu kum zakhat a ti.
6 Sarah in, “Pathian in lungawinak le hnihnak i pe a si. Hi thu a theitu hmuahhmuah in, in lungawipi ding,” tiah a ti.
7 Cuih tlunah, “Sarah in fapa te hnawi a fawh ding tiah Abraham hnenah zo tal in an sim dah pei maw? Asinan a tar hnuah amah hrangah fapa ka hring zo,” tiah Sarah in a ti.
8 A fapa cu a òhang deuhdeuh ih hnawifawh a baan ni ah Abraham in rawldar puai tumpi a tuah.
Hagar Le Ishmael An Dawi
9 Nikhat ah Izipt nu Hagar le Abraham ih an hrinmi Ishmael le Sarah ih fapa Isaak an lek tlang.
10 Cumi cu Sarah in a hmuh tikah Abraham hnenah, “Hi salnu le a fapa hi dawi aw. Ka fapa Isaak ih co dingmi na ro hi hih salnu ih fapa in malte hman dai hlah seh,”Ref 21:10 Gal 4:29, 30. tiah a ti.
11 Cutikah Abraham cu a thinlung a har zet, ziangahtile Ishmael khal cu a fapa thotho a si.
12 Asinan Pathian in Abraham hnenah, “Hi na fapa le a nu Hagar hrangah na don har hlah. Sarah ih a lo sim vekin tuah aw; ziangahtile ka lo kam cia mi siar cawk lo na tesinfa pawl cu Isaak sung ihsin an suak ding a si.Ref 21:12 Rom 9:7; Heb 11:18
13 Na salnu ih fapa hnen khalah tefa tampi ka pe dingih miphun tumpi ah an cang ding. Ziangahtile anih khal na fapa a si ve,” tiah a ti.
14 A thaizing zingpit ah Abraham cu a tho ih Hagar hnenah rawl le tidai thawl khat a pek. A fapa Ishmael cu Hagar a pawkter ih a fehter. Cutiin Hagar cu a feh ih Beersheba ramòhing lakah a vakvai.
15 An tidai kenmi a cem tikah a fapa te cu hrambur hnuai ah a ret ih,
16 “Ka faate thih lai cu ka zoh thei lo,” a ti ih a feh ih kaih zakhat hlat ah a va to. Cutiih a to phahin a òap.
17 Cule Pathian in naute òah aw khal a thei ih Pathian ih vancungmi cun vancung in a hnenah, “Hagar, ziangahso vansang in na um? Na thinphang hlah. Pathian in naute aw a thei zo.
18 Tho aw; na naute va la awla ngamter aw. A tefa pawl cu miphun tumpi ah ka tuah hai ding a si,” tiah a run ti.
19 Cutikah Pathian in Hagar mit cu a vangter ih tikhur pakhat a hmu. A va feh ih tithawl khattein ti a than ih a fapa cu tidai a pek.
20 Pathian in a umpi ih a fapa cu a òhang vivo. Paran ram, ramòhing lakah a um ih amah cu sakap zet ah a cang.
21 Cule a nu in nupi ah Izipt nu a òhit sak.
Abraham Le Abimelek Lungkimnak
22 Culai ahcun AbimelekRef 21:22 Sem 26:26. cu a ralkap uktu bawi Fikol thawn Abraham hnenah a ra ih, “Na thil tuahmi hmuahhmuah ah Pathian in a lo umpi a si.
23 Cuti a si ruangah keimah le ka faate pawl le ka tesinfa tla in bum lonak dingah Pathian hmaiah thu i kam aw. Na hnenah zum tlak in ka um zo ih nang khal keimah parah le hi na umnak ram parah zumtlakmi na sinak dingah thukamnak tuah aw,” tiah a ti.
24 Cutikah Abraham in, “Ka kam aw a si,” tiah a ti.
25 Cule Abimelek hnenum pawl ih an lonmi tikhur thu cu Abraham in Abimelek hnenah a hun salhsuah.
26 Cutikah Abimelek in, “Hi thu hi ka thei dah lo. Nangmah in i sim dah fawn lo; atu hi hmaisabik ka theihnak a si,” tiah a ti.
27 Cun Abraham in Abimelek cu tuu le caw a òhen ih an pahnih in lungkimnak an tuah.
28 Cuih tlunah Abraham in a tuurual sung ihsin tuunu no pasarih a la ih hmundang ah a ret.
29 “Ziangahso hitiin na tuah?” tiah Abimelek in a sut tikah,
30 Abraham in, “Hi tikhur laitu cu nangmah na si, tiih i tinak dingah hi tuunu no pasarih cu i saan a òul,” tiah a sawn.
31 Curuangah a cuih hmun cu Beershebaz 21:31 Beersheba timi cu Hebru òong in Thukamnak Tikhur asilole Pasar ih Tikhur tican a si. tiah an ko; ziangahtile an pahnih ih thu an tiamawknak hmun a si.
32 Cutiin Beersheba ih lungkimnak an tuah hnuah Abimelek le a ralkap uktu bawi Fikol cu Filistin ram ah an kirsal.
33 Cuih hnuah Beersheba ah Abraham in thingkung pakhat a phun ih kumkhua ih a nungmi Pathian Bawipa cu a biak.
34 Cuticun Filistin ram sungah Abraham cu reipi a um.