20
Abraham Le Abimelek
Abraham cu Mamre ihsin Negev ram ah a cer ih Kadesh le Shur karlak ah a um. Cuih hnu Gerar ih a um lai ah, Abraham in a nupi Sarah cu ka farnu a si,Ref 20:2 Sem 12:13; 26:7. a ti ruangah Gerar siangpahrang Abimelek in a nupi dingah a la. Cuih zan cu Abimelek ih mang ah Pathian a lang ih Pathian in, “Na thi ding, ziangahtile Sarah hi mi nupi a si,” tiah a ti. Asinan Sarah cu Abimelek in a ihpi hrih lo hrangah, “ Bawipa, miòha khal na that ko ding maw? Abraham in ka farnu a si a ti ih amah Sarah khalin Abraham cu ka upa a si a ti fawn. Curuangah hi thil ka tuahmi hi thinlung thiang teih ka tuahmi a si; sualnak zianghman ka tuah lo,” tiah Abimelek in a ti. A mang thotho ahcun Pathian in, “A si, thinlung thiangte in na tuahmi a si, ti ka thei; curuangah keimah hmaiih misual na si lonak dingah Sarah ka lo thamter lonak cu a si. Sikhalsehla atu ihsin Sarah cu a pasal hnenah fehter aw. A pasal cu Profet a si ih na thih lonak dingah na hrangah thla a lo cam sak ding. Asinan na kirter lo ahcun nangmah le nan sungkurun in nan thi tengteng ding; ralrinnak atu in ka lo pe a si,” tiah a ti.
A thaizing zingpit ah Abimelek cu a tho ih a hnenum pawl a ko thluh ih a cuih thu pawl cu kim tein a sim òheh. A hnenum pawl cu an thin a phang ngaingai. Cun Abimelek in Abraham cu a ko ih a hnenah, “Kan parih na tuahmi hi ziangvek thil so a si? Ziang sualnak na parih ka tuah ruangah so hi thil òihnungza hi keimah le ka ram parah na thlenter? Ka parih na tuahmi vek hi cu zohman in an tuah dah lo. 10 Ziangahso hivek cun na tuah?” tiah a sut. 11 Cutikah Abraham in, “Pathian a òihzahtu hi ram ahhin an um lo dingih ka nupi co duh ah in that men ding, tiah ka ruah ruangah a si. 12 Cuih tlunah Sarah hi ka farnu taktak a si ko. Amah cu ka pa ih fanu a si; asinain ka nu ih fanu cu a si lo; curuangah ka òhit a si. 13 Curuangah Pathian in ka pa ih inn taan tahrat in ka thlen dah lonak ram ih i thlah tikah, ‘Ka parih zum tlak ngaingai na sinak langter dingah, ka òapa a si, tiah kan fehnak tinah na ti pei,’ tiin Sarah cu ka tiam cia mi a si,” tiah a ti.
14 Cutikah Abimelek in Sarah cu Abraham hnenah a peksal; cuih tlunah tuu le caw le sal tampi tla a pe cih. 15 Cule Abraham hnenah, “Hi ram hmuahhmuah hi ka ta a si; na duhnak poh ah um aw,” tiah a ti. 16 Cun Sarah hnenah, “Na òapa hnenah ngun tangka thawngkhat ka pek. Himi cu na kiangkap ih a ummi minung hmuahhmuah hnenah mawh nei lo na sinak kha langter dingah a si. Mi hmuahhmuah in sualnak zianghman na tuah lo ti an thei ding,” tiah a ti.
17 Abraham nupi Sarah parah cutiih thil an rak tuah ruangah Bawipa in Abimelek innsung ih a ummi nunau hmuahhmuah cu faate nei thei lo dingin a tuah hai. 18 Asinan Abraham in Abimelek hrangah thla a cam ih Pathian in Abimelek le a nupi le a salnu pawl tla cu a damter thluh ih faate khal an nei theisal a si.