18
Isaak Suahnak Thutiam
Bawipa cu Mamre sasua kung hmunih a ummi Abraham hnenah a rung lang. Abraham cu a riahbuk sangka ah, sun niling laifangah a to ih, a hun zoh tikah veikhat teah milai pathum an rung din kha a hmu. A hmuh ve tein va hmuak dingah a sangka cun a va tlan. A hmai leilung dai in a bok ih, “Ka bawipa, in zangfah thei ahcun ka inn ah cawl phah lo in, in taan siang hlah uh. Nan salpa ka si ih nan duh vekih a lo riantu ding ka si ko. Nan ke kholhnak dingah tidai ka rak kengter pei ih hi thingkung hnuai ah nan cawlta hrih pei. Rawl ka rak keng pei ih nan lamzin fehnak ah thazang nan nei deuh ding. Ka inn nan ra thleng zo ih nanmah tuamhlawmtu ding ka si ko,” tiah a ti. Annih in, “A òha, na sim vekin tuah aw,” tiah an ti.
Abraham cu a riahbuk sungah zamrang in a feh ih Sarah hnenah, “Na sangvut lakih a òha bikmi tah thum in suak awla, zamrang in pawnghmuk tuah aw,” tiah a ti. Cun a cawrual lakah a va tlan ih caw note pakhat, a thau ih a sathawt laifang a simi a va hruai ih a hnenum hnenah zamrang in suan dingah a pek. Abraham cun cawhnawi thur, cawhnawi le an suanmi cawsa cu a la ih a mikhual pawl ih hmaiah ei dingah a hun. Annih in an ei; cule Abraham cun thing hnuai ah ding tahrat in a kil hai.
Cule a mikhual pawl in, “Na nupi Sarah khui ah a si?” tiah an sut. “Riahbuk sungah a um ko,” tiah a let. 10 A mikhual pakhat in, “Na nupi Sarah in hmai kum a tuih caan ah fapa a nei ding; cutikah ka rasal ding,”Ref 18:10 Rom 9:9. tiah thu a tiam. Sarah in an mikhual pa ih dunglam an riahbuk sangka ihsin a thusim mi cu a rak ngai ringring. 11 Abraham le Sarah cu an tar zet thlang ih Sarah cu nunau daan a nei nawn lo. 12 Curuangah Sarah in, “Kei cu ka upa tuk zo, mipa thawn pawl aw in nomnak ka nei ngai pei maw? Cuih tlunah ka pasal le a tar tuk ve zo,”Ref 18:12 1 Pit 3:6. tiah hni phahin a ti. 13 Cule Bawipa in Abraham hnenah, “Ziangah Sarah cu hni phahin, ‘Ka tar zo hnuah hin fa ka nei thei ngaingai pei maw?’ a ti. 14  Bawipa ih hrangah a harmi a um maw si?Ref 18:14 Luk 1:37. Hmaikum a tikcu a kim tikah ka rasal dingih Sarah in fapa a nei tengteng ding,” tiah a ti. 15 Cumi a theih tikah Sarah cu a thin a phang ih, “Ka hni hrimhrim lo,” tiah a phat. Bawipa in, “Phat duh hlah, na hni ko,” tiah a ti.
Sodom Hrangah Abraham Thla A Cam
16 Cun a mikhual pawl cu an tho ih Sodom khua an vun hmuh theinak hmun ah an feh. Abraham cun a hei thlah hai. 17 Cutikah Bawipa in, “Thil ka tuah dingmi hi Abraham hnen ihsin ka thup thei nawn lo. 18 A tesinfa pawl cu miphun tum le miphun cak ah an cangòheh dingih amah ka thluasuah zo vekin leilungtlun miphun hmuahhmuah in thluasuah in dil ding. 19 A dikmi le a dingmi tuah tahrat in ka thupekmi pawl an thlun theinak dingah a fapa pawl le a sungkhat pawl zirhsuak dingin amah cu ka hril zo a si. Cuticun ka tiamkam cia mi hmuahhmuah cu a parah ka kimter thluh ding a si,” tiah a ti. 20 Cun Bawipa in, “Sodom le Gomorrah an mawhthluknak pawl hi a nasa ngaingai ih an sualnak hi a tum ngaingai. 21 Ka vung feh pei ih an mawhnak ka theihmi hi ka vung zingzoi pei ih thufiang ka thei ding,” tiah a ti.
22 Abraham ih mikhual pahnih cu Sodom khua lam ahcun an feh; asinain Bawipa cu Abraham hnenah a tang. 23 Abraham in Bawipa cu a hei naih ih, “Miòha lomi lakah miòha khal na siatsuah cih thluh thotho ding maw? 24 Sodom khua sungah miòha sawmnga an um tibang sehla, a khuapi zate in maw na siatsuah ko ding? Miòha sawmnga him dingah hi khua hi na zuah lo ding maw? 25 Miòha lomi thawn hmunkhat ah miòha mi tla cu na that ko ding maw? A cangthei lo, na ti dah lo ding. Cutiih na tuah ahcun a mawhmi bangtukin a dikmi khal daan peknak an tuar ve ding maw? Cucu a cangthei lomi a si. Leilungtlun hmuahhmuah ih thuòhentu cun dingthluk lairelnak thawn thu a òhen lo ding maw si?” tiah Abraham in a ti. 26 Cutikah Bawipa in, “Sodom khua sungah miòha sawmnga an um a si ahcun a cuih sawmnga ruangah a khuapum in ka zuah ko ding,” tiah a ti.
27 Abraham in, “Maw Bawipa, kei cu leidip le vutcam lawng ka si ih na hnenah zianghman sim theinak ka nei lo. A ral a va òha ve tiah i ti siang hram hlah aw. 28 Thuòhimnak ah Sodom khuasung ah miòha sawmnga si lo in sawmli le panga um hai sehla, minung panga sam ruangah hi khuapi hi na siatsuah thotho pei maw?” tiah a ti. Bawipa in, “Miòha sawmli le panga an um ahcun ka siatsuah lo ding,” tiah a ti. 29 Cun Abraham in, “Sawmli lawng um hai sehla teh,” tiah a tisal. Bawipa in, “Sawmli an um ahcun ka siatsuah lo ding,” a ti. 30 Abraham in, “ Bawipa, na thinheng hram hlah aw, ka lo sut hrih ko pei; sawmthum lawng um hai sehla ziangtin a si pei?” tiah a sut lala. Bawipa in, “Sawmthum an um a si ahcun ka siatsuah lo ding,” tiah a ti. 31 Abraham in, “Ka lo sut ngam vivonak hi, Bawipa, i ngaithiam hram aw; thuòhimnak ah kul lawng um hai sehla ziangtin a si pei?” tiah a sut lala. Bawipa in, “A òhami kul an um ahcun hi khuapi ka siatsuah lo ding,” tiah a ti thotho. 32 Cule Abraham in, “ Bawipa, na thinheng hram hlah aw, vei khat tein ka lo sut hrih ko pei: Pahra lawng um hai sehla teh, ziangtin a si pei?” tiah a sut. Bawipa in, “Pahra an um taktak ahcun ka siatsuah lo ding,” tiah a ti. 33 Abraham in cutiih thu a suh hnuah Bawipa cu a fehhlo ih Abraham cu a inn ah a tlung.