12
Pathian In Abram A Ko
1 Pathian in Abram hnenah, “Na ram, na miphun le na pa ih inn tanta awla ka lo hmuh dingmi ram ah feh aw.Ref 12:1 Tirh 7:2, 3; Heb 11:8.
2 Tefa tampi ka lo pe dingih miphun tumpi ah an cang ding. Ka lo thluasuah dingih na hmin ka thanter ding; cutiin thluasuah mi na si ding.
3 A lo thluasuahtu cu ka thluasuah ve ding,
Asinan siat a lo camtu cu ka camsia ve ding;
Nangmah ka lo thluasuah vekin,
leitlunmi hmuahhmuah in
thluasuah in dil ding,”n 12:3 Nangmah thluasuah in dil ding: timi hi, “Nangmah ruangah leitlunmi hmuahhmuah ka thluasuah hai ding,” ti tla a si thei. tiah a ti.Ref 12:3 Gal 3:8.
4 Abram cu kum sawmsarih le kum nga a ti tikah, Bawipa ih a fial vekin, Haran khua cun a suak. Lot khalin a thlun ve.
5 Abram cu a nupi Sarai le a nau ih fapa Lot le Haran khua ih an neihmi sal pawl le an thil neih hmuahhmuah thawn Kanaan ram ahcun an feh. Kanaan ram an thlen tikah,
6 Abram cu a feh vivo ih hmun thianghlim Shekhem khua Moreh hmunih sasua kung ah a va thleng. Cuih caan ah Kanaan mi pawl a cuih ram ah an um lai.
7 Bawipa cu Abram hnenah a lang ih, “Na tesinfa hnenih ka pek dingmi ram cu hi ram hi a si,”Ref 12:7 Tirh 7:5; Gal 3:16 tiah a ti. Cule cutawkah Abram in a hnenih a langmi Bawipa ih hrangah biakòheng a don.
8 Cuih hnuah Abram cu thlanglam ah, Bethel khua ihsin nisuahnak lam tlangpar ram ah a òhawn ih nitlaknak lamah Bethel, nisuahnak lamah Ai khua, cuih karlak ah riahbuk a sak. Cutawk khalah cun biakòheng a don ih Bawipa cu a biak.
9 Cun thlanglam Negev ram lamah riahbuk pakhat hnu pakhat sak in a òhawn vivo.
Abram Izipt Ram A Thleng
10 A cuih ram ah nasa zet in paam a tlung ih rawl ei ding a um lo ruangah Abram cu Izipt ram ah caan tawite sung um dingin a vung feh.
11 Izipt ramri a thlen zik tikah a nupi Sarai hnenah, “Nang hi nunau hmelòha na si.
12 Izipt mi pawl ih an lo hmuh tikah Abram nupi a si, an ti dingih nangmah co duh ah keimah riangri in that pang ding.
13 An lo sut asile a farnu ka si na ti pei. Cuticun nangmah ih ruangah ka luat dingih in zohòha ding a si,”Ref 12:13 Sem 20:2; 26:7. a ti.
14 Izipt ramsung an vung lut tikah Izipt mi pawl cun, “Sarai cu mimawi a si,” an ti ngaingai.
15 Bawi pawl in an hmuh ve tikah a mawi zia cu an siangpahrang hnenah an va sim ih siangpahrang inn ah an fehpi.
16 Sarai ruangah Izipt siangpahrang in Abram cu òha zet in a zoh ih tuu le me pawl, caw le laak le kalauk pawl a ruun a ruun in a òhen ih sal tampi tiangin a pek.
17 Sikhalsehla Sarai cu siangpahrang ih inn a thlen ruangah Bawipa in siangpahrang le a innsung ih a ummi hmuahhmuah parah òihnungza natnak a tlunter.
18 Cutikah Faro siangpahrang in Abram cu a ko ih, “Ziang hrangah hibangtuk in i tuah? Ziangahso ka nupi a si, tiah fiang tein i sim lo?
19 Ziangruangah ka farnu a si tiah na ti? Ka farnu a si na ti ruangah a si nupi ih ka lak. Atu zamrang in na nupi hi la awla suak uh,” tiah a ti.
20 Faro in a kuthnuai mi hnenah thu a pe ih Abram cu a nupi Sarai le an neihmi hmuahhmuah tla thawn Izipt ram ihsin an dawi.