4
Ka sim duhmi cu hitiin a si: Fa pakhat cu a pa ih ro co òhehtu ding le ziang hmuahhmuah a neitu ding va si hmansehla nauhak a si lai ahcun sal bangtukin tuah a si. Nauhak a si sungah cun a pa ih tikcu a tinmi a kim hlanah cun a kilkhawitu le a thilri a tawlrel saktu an um. Cuvekin kannih khal thlarau lamih pitling kan si hlanah cun lei le van ih thuneitu thlarau pawl ih sal kan si. Sikhalsehla tikcu tinmi a thlen tikah Pathian in a Fapa a run thlah. Nunau sung ihsin a suak ih Judah daan hnuai ah a nung. Cumi cu Daan hnuai ih a ummi pawl tlen dingah le Pathian fa ih kan can theinak dingah a si.Ref 4.5-7 Rom 8:15-17;
Cule a faale nan si langternak ah Pathian in a Fapa ih Thlarau cu kan thinlung sungah a run thlah. Kan thinlung ihsin, “Abba, ka Pa,” tiah a autu cu cuih Thlarau cu a si. Cuti a si ruangah sal nan si nawn lo; fa nan si zo! Cutiin a fa nan si ruangah Pathian in a rocotu ah a lo tuah zo.
Paul In Galati Khristian Zawn A Ruat
Hlanah cun Pathian nan rak thei lo; curuangah Pathian a si ngaingai lomi ih sal nan rak si. Sikhalsehla atu ahcun Pathian nan thei ngah zo, asilole Pathian in a lo thei ngah zo, kan ti pei; cuvek hnuah ziangtinso kha bangtuk thlarau òawnòai le òhathnemnak nei lo pawl hnenih kir nan duhsal? An sal sisal ding cu ziangahso nan duh? 10 Nannih cun ni hleice, thla hleice, caan hleice, le kum hleice nan nei ih ulh nan hmang.
11 Nanmah zawnruahnak ah ka thin a baang. Nan hrangah zonzai ih kan òuanmi hmuahhmuah cu thulolak ah a cang òheh ding tihi ka phang a si.
12 Ka u le ka nau tla, nanmah bangin ka um zo; nannih khal Daan ih thu ahcun keimah bangin um ve uh, tiah ka lo dil. Atu tiang ka parah siatnak nan tuah hrih lo. 13 Nan hnenah a hmaisabik Thuthangòha ka phuan ahkhan ziangruangah a si, ti cu nan ciing lai ding; ka nat ruangah a si kha! 14 Ka harhdam lonak cu nan hrangah thilrit zet a si ko nain nannih in, in hmuhsuam lo ih in dungtun siang lo. Cu ai ah vanmi bangin siseh, Khrih Jesuh bangin siseh, in tlunter ih òha zet in in zoh. 15 Culai ahcun nan lung a rak awi hngin! Atu ahcun hlanvek nan si nawn lo. Ziang nan cang òheh? A cang theimi sisehla nan mitmu hman phorh tahrat in in pe siang ding ti cu keimah rori in ka sim ngammi a rak si. 16 Atu ahcun thudik ka lo sim ruangah nan ralah ka cang riangri maw si?
17 Midang pawl in nan hrangah an lo ruat zet a bang nain an tumtahmi ngaingai cu a òha lem lo. An tummi cu keimah le nanmah hi òhenter ih nan hrangih zawnruahnak an neih vekin nannih khalin an hrangah zawnruahnak nei in anmah òantu si uhla tihi a si. 18 Cubangtuk zawnruah awknak neih cu tumtahnak a òhat ahcun a òha zetmi a si. Nan hnenih ka um sung hrang lawngah si lo in ziangtik khalah a òha ringringmi a si. 19 Ka duhdawtmi ka faale pawl, nunau in nauhrinnat a tuar vekin Khrih hmuihmel nan sungih a sem hlan lo ka tuarsal hrih ding a si hi! 20 Atu ahhin nanmah thawn um tlang sehla ka va duh so; cule ka awka tla a dangdeuh ding nain! Ka mang nan bang zet a si.
Hagar Le Sarah Tahòhimnak
21 Nanmah lakah Daan hnuai ih um duh hrih pawl thu ka lo sut hnik pei: Daan ih a timi hi nan thei ngah ngaingai lo maw? 22 Daan cabu cun, Abraham in fapa pahnih a nei; pakhat cu a salnu in a hrinsak ih a dang pakhat cu a luatmi nunau in a hrinsak a si, a ti.Ref 4.22 Sem 16:15, 21:2; 23 Salnu ih hrinmi pa cu fa dang hrin keel vekih hrinmi a si; sikhalsehla a luatmi nu ih hrinmi fapa cu Pathian thukamnak ruangih neihmi a si. 24 Hi thu pahnih hi tahòhimnak ih hman theimi an si. Nunau pahnih hi thukamnak pahnih can ai an si. Saltannak ih fa a neitu Hagar cu Sinai Tlang ih pekmi thukam a si. 25 Arabia ram Sinai Tlang ai ih a dingtu Hagar cu Jerusalem khuapi ai awhtu a si ih a faale pawl cu saltannak sung ummi an si òheh. 26 Sikhalsehla vancung Jerusalem cu a luatmi nu a si ih amah cu kan zate ih nu khal a si. 27 Ca Thianghlim in,
“Nang nucing, na lungawi aw!
Nauhrinnat a tuar dah lo nu,
lungawi aipuang in au aw!
Ziangahtile tlansan zomi nu in
a pasal thawn a um tlang ringringmi
nu hnakin faate tam sawn
a nei ding,”Ref 4:27 Isa 54:1; a ti.
28 Ka u le ka nau tla, atu ahcun Isaak bangin Pathian thukamnak thawngih hrinmi Pathian ih faate nan si. 29 Culai ahcun minung daan vekih hrinmi fapa in Pathian Thlarau thawngih hrinmi fapa cu a hrem. Atu khalah cuvek thotho in a si.Ref 4:29 Sem 21:9 30 Asinan Ca Thianghlim sungah ziangtinso a um? “Salnu le a fapa cu dawihlo aw; ziangahtile salnu ih fapa le a luatmi nu ih fapa cu an pa ih roco tlangtu an si thei lo ding,” Ref 4:30 Sem 21:10; tin a um. 31 Curuangah ka u le ka nau tla, kannih cu salnu ih fa kan si lo, a luatmi nu ih fa kan si.