2
Paul Le Tirhthlah Dangdang
Kum hleili hnuah Barnabas thawn Jerusalem ah ka fehsal. Titas khal ka fehpi ve.Ref 2.1 Tirh 11:30, 15:2; Pathian in i fial ruangah ka feh a si. Pumpak in Khristian hotu pawl ka tong ih Zentail mi hnenah Thuthangòha ka phuan thu an hnenah ka sim. Ka rak òuan cia mi siseh, atu ih ka òuan rero laimi khal siseh, thulolak ih cang òheh ding cu ka duh lo. Ka hnaòuanpi Titas cu Grik mi asinain serhtan dingah zohman in kan hnek lo; serhtan seh titu khal an um. Mi òhenkhat zumtu ngaingai vekin an um awter ih kan lakah lutthup tahrat in Khrih Jesuh thawn kan pehzom awknak ruangih zalennak kan conak thu hi thlingthlatu an um. Kanmah pawl hi sal ih cangsal dingah an duhmi a si. Sikhalsehla nan hrangah Thuthangòha felfai teih humhim kan duh ruangah kar khatte hman dung kan sip lo.
Hotu bangtukih ruahmi pawl in ruahnak thar zianghman in pe lo. Pathian cun a lenglam thil a zoh lo ruangah cuih hotu pawl cu ziangbangtuk an si khalle ka hrangah cun a lamdangnak a um cuang lo.Ref 2.6 Daan 10:17; Ruahnak thar petu lam si lo in Judah mi hnenah Thuthangòha phuang dingah Piter cu Pathian in òuanvo a pekmi an hmuh vekin, kei khal Zentail mi hnenah Thuthangòha phuang dingin Pathian in òuanvo i pek kha a hmutu an si. Ziangtintile, Pathian ih huham thawngin Judah mi hnenah Piter cu tirhthlah a si vekin kei khal Zentail mi hnenah tirhthlah ka si ve. Hotu ih ruahmi Jeim, Piter le Johan pawl in hi hnaòuan sunglawi hi Pathian in i pe ti kha an theithiam; curuangah hnaòuan tlang kan si, ti langternak ah Barnabas thawn kan kut in kai. Cule keimah le Barnabas cu Zentail mi lakih hnaòuan dingah le annih cu Judah mi pawl lakih hnaòuan dingah lungkim tlangnak kan nei. 10 In dilmi pakhat cu an lakih mifarah pawl hngilh lo ding kha a si ih cumi cu taimak suah ih òuan rero kan duhmi a rak si ko.
Antiok Ah Paul In Piter A Kawk
11 Cule Antiok khua ih Piter a ra tlawn tikah misenpi hmaiah langhngan in ka mawhthluk, ziangahtile a mawh a si, ti a fiang. 12 Jeim ih a rak thlahmi pawl an ra thlen hlanah cun Zentail unau pawl thawn rawl an ei tlang òheu; asinain cupawl an ra thlen hnu cun serhtan a òanpitu pawl a òih ruangah Zentail mi pawl cu a hrial ih an hnenah rawl a ei duh nawn lo. 13 Judah mi kan unau pawl khal Piter vekin an ral a hrut ih dungah an siip. Barnabas tiangin an ralhruh cu an suan ve. 14 Thuthangòha ih in hmuh sakmi lamzin ding vekin an thlun lo ti ka hmuh tikah Piter cu misenpi hmaiah, “Nang cu Judah mi na si nain Judah nundan vekin nung lo in Zentail mi vekin na nung. Cutiin asile ziangtinso Zentail mi pawl cu Judah daan vekin nung dingin na hnek thei ding?” tiah ka ti.
Judah Mi Siseh Zentail Mi Siseh, An Rinnak Ruangah Run An Si
15 Thungaite ih kan ti a si ahcun kannih cu kan suahthlak ihsin Judah mi kan si ih, “Zentail misual pawl,” kan si hrimhrim lo. 16 Sikhalsehla minung cu Jesuh Khrih rinnak ruang lawngin Pathian hmaiah thiamcoter a si; Daan thlunnak in a si dah lo, ti kan thei. Curuangah kannih khal Khrih kan rinnak thawngin Pathian hmaiah thiamcotermi kan sinak dingah Khrih Jesuh cu kan zum. Ziangtintile Daan thlunnak thawngin milai zohman Pathian hmaiah thiamcoternak an ngah lo.Ref 2.16 Saam 143:2; Rom 3:20, 22; 17 Cule Khrih thawn kan pehzom awknak ruangin Pathian hmaiah thiamcotermi si dingih kan zuam rero tikah hin Zentail mi vekih “Misual pawl!” tiih kawh kan co a si ahcun Khrih hi sualnak ih in fehpitu a si, ti a theih ding maw? Theih hrimhrim hlah! 18 Ka bal cia mi daan kha ka thlunsal a si ahcun Daan a buartu cu keimah ka si, ti ka langter a si. 19 Daan thuhla ahcun kei cu mithi ka si; Pathian ah nung dingin daan in kei cu i that zo a si. A thinglamtah parah kei cu Khrih thawn thahmi ka si zo. 20 Curuangah a nungtu cu kei ka si nawn lo; ka sungih a nungtu Khrih sawn a si. Atu ih ka nun hi cu i duhdaw ih ka hrangah a nunnak a petu Pathian Fapa rinnak in ka nung a si. 21 Pathian ih zangfah thinpemnak cu ka el thei lo. Minung cu Daan thlunnak ruang ih thiamcoter a si ahcun Khrih thihnak cu man nei lo ah a cang a si.