9
Òilva An Thi
1 Cun Bawipa in Moses hnenah, “Faro hnenah feh awla a hnenah, “Hebru mi ih Pathian Bawipa in, hitiin a ti: Keimah in biak theinak dingah ka minung pawl cu thlah aw.
2 Na thlah duh lo ih na hren thotho hai a si ahcun,
3 napi in ka lo hrem dingih na òilva, na rang pawl, na laak pawl, na kalauk pawl, na cawrual, na tuurual le na me pawl tlunah natnak òha lo a tlung ding.
4 Israel mi pawl ih òilva le Izipt mi pawl ih òilva cu ka thleidang pei ih Israel mi pawl ih òilva cu pakhat hman an thi lo ding.
5 Bawipa in tikcu a tin zo ih thai sun rori ah a thlengter ding a si,” tiin va ti aw,” tiah a ti.
6 Bawipa ih a sim vekin a thai sun ah natnak òha lo cu a thleng ngaingai ih Izipt mi pawl ih òilva hmuahhmuah cu an puul òheh. Asinan Israel mi pawl ih òilva cu pakhat hman an thi lo.
7 Faro in cuih thuhla cu a zingzoi ih Israel mi pawl ih òilva cu pakhat hman an thi lo ti cu a thei. Sikhalsehla Faro ih thinlung cu a hak thotho ih Israel mi pawl ih feh ding cu a duh hrimhrim lo.
Khuaihli Hma
8 Cuih hnuah Bawipa in Moses le Aaron hnenah, “Tappi ih vutcam òhuam hnihthum in la uhla Faro ih hmaiah a cuih vutcam cu Moses in van ah theh seh.
9 Izipt ramsung hmuahhmuah ah leidip bangtukin a òhen aw thluh dingih khuazakip ah khuaihli hma a suakter dingih minung le ramsa pawl cu an hma hluahhlo ding,” tiah a ti.
10 Cuticun vutcam cu tappi ihsin an la ih Faro ih hmai ahcun an va ding. Moses in vutcam cu van ah a theh ih minung le ramsa parah khuaihli a cang ih an hma hluahhlo.
11 Izipt ram ih dawithiam pawl cu Moses hmaiah an ra suak thei lo; ziangahtile a dang Izipt pawl vek thotho in annih khal khuaihli hma an tuar thluh ve.
12 Asinan Faro ih thinlung cu Bawipa in a hakter thotho. Moses hnenah Bawipa ih a sim cia bangtukin Israel mi pawl cu a fehter duh cuang lo.
Rial
13 Cun Bawipa in Moses hnenah, “Zingthlapit tein feh awla Faro va tong aw. Cule a hnenah, “Hebru mi pawl ih Pathian, Bawipa in na hnenah: Ka minung pawl ih in biak theinak dingah thlah aw.
14 Tuih òum cu nangmah pumpak tlun le na kuthnuai bawi pawl le na milai pawl par hrimhrim ah leilungtlun ah keimah bangtuk zohman an um lo ti nan theihnak dingah nasa zet in ka lo hrem ding.
15 Nangmah le na minung pawl parah ka kut hawi in natnak thlenter ningla nang cu siatsuah thluh relrel na si zo ding.
16 Sikhalsehla leilungtlun hmuahhmuah ah ka hminthannak a zai theinak dingah ka cahnak ka lo hmuh ih na nunnak ka lo zuah hrih a si.
17 Asinan nangmah cu ka minung pawl ih tlunah na puarthau thotho ih na thlah duh hai lo.
18 Ngai hnik, thai sun tuih tikcu ah Izipt ram thuanthu ih a um dah lomi rial napi in ka tlakter ding.
19 Cu a si hrangah, òilva siseh, thildang hmuahhmuah siseh, a lengih a ummi hmuahhmuah khum thluh dingin thu pe aw. A lengih a ummi minung le òilva tlunah rial cu a tla dingih innsung ih khum lomi pohpoh cu an thi òheh ding a si,” tin va sim aw,” tiah a ti.
20 Bawipa ih òongmi cu an theih tikah Faro ih kuthnuai bawi pawl a hrek cu an thin a phang zet ih an sal pawl le an òilva pawl cu inn ah an khum.
21 Asinan a hrekkhat cun Bawipa ih òongmi cu zianghman ah an siar lo ih an sal pawl le an òilva pawl cu innleng ah an taan thluh.
22 Cule Bawipa in Moses hnenah, “Na kut van ah thlir awla Izipt ramsung hmuahhmuah ih minung siseh, òilva siseh, lo sungih rawlkung tlun tiangin rial a tla ding a si,” tiah a ti.
23 Cule Moses cun a kianghrol cu van ah a thlir ih, Bawipa in nimthlakau le khuari le rial thawn leilung cu a burh ciamco. Bawipa in rial cu Izipt ram ah a tlakter a si.
24 A nasa ngaingai mi rial a si ih nimthlakau cu khuazakip ah a hrawh aw zohzo. Izipt ram a thok ihsin cumi cu a roh bikmi thlisia a si.
25 Izipt ramsung khuazakip ah innleng ih a ummi pohpoh, minung siseh, òilva siseh, rial cun a siatsuah thluh. Lo sungih rawlkung hmuahhmuah an tlu thluh ih hramlak ih thingkung hmuahhmuah an kiak òheh.
26 Goshen ram Israel mi ih umnak lawnglawng a him; rial pakhat hman a tla lo.
27 Cutikah Faro in Moses le Aaron cu a ko ih, “Tuih òum cu keimah ka sual ih Bawipa cu a dik a si. Keimah le ka minung pawl kan mawh.
28 Bawipa ih hnenah thlacam hram uh. Hi khuari le rial cu kan khop zo. Nan suak hrimhrim ding, tiah ka lo kam. Rei nan um ding hman a òul nawn lo,” tiah a ti.
29 Moses in Faro hnenah, “Hi khuapi sung ihsin ka suah ve tein Bawipa ih hnenah ka baan ka phar ding. Cutikah khuari a reh pei ih rial khal a tla nawn lo ding. Cuticun leilung hi Bawipa ih ta a si, ti na thei ding.
30 Sikhalsehla nangmah le na kuthnuai bawi pawl in Bawipa Pathian cu nan òih hrih lo ti ka thei a si,” tiah a ti.
31 Rial in khumla kung le barli sangvut pawl cu a deng siat òheh. Ziangahtile khumla cu a cuut laifang a si ih barli sangvut khal a rah laifang a si.
32 Asinan sangvut le fangtlor cu an siat lo. Ziangahtile an cuut a tlai deuh.
33 Moses cu Faro taan in khuapi sung ihsin a suak. Cule Bawipa ih hnenah a baan phar in thla a cam ih cuve tein khuari le rial tla cu an reh ih ruah khal a han.
34 Faro in ruah a han ih rial a tla nawn lo ih khuari khal a reh ti a hmuh tikah a sualsal ih a kuthnuai bawi pawl ih hnenah a òang lala.
35 Moses hnen ihsin Bawipa ih a sim cia vek thotho in Faro ih thinlung cu a ruh sinsin ih Israel mi pawl cu a thlah duh lo.