6
1 Cutikah Pathian in Moses hnenah, “Atu thok ihsin Faro hnenih ka thil tuah dingmi cu na hmu ding. Israel mi pawl thlah dingah ka kut cak in ka hnek ding. Thungai in tile ka kut cak ih ka hnek hnu ahcun amah hrimhrim in a ramsung ihsin a dawi hai ding a si,” tiah a ti.
Pathian In Moses A Kosal
2 Pathian in Moses hnenah, “Keimah cu Bawipa ka si.
3 Ziangkimtithei Pathianh 6:3 Ziangkimtithei Pathian: timi hi Hebru òong in El Shaddai an timi a si. tiin Abraham, Isaak le Jakob hnenah ka lang. Asinan an hnenah Bawipa timi ka hmin in ka lang awter lo.
4 Cule ramdangmi bangtukih an rak um dahnak Kanaan ram cu ka lo pe ding, tiah anmah thawn thukamnak ka tuah zo.Ref 6:4 Suah 3:13-15;
5 Atu ah Izipt mi pawl in sal ih an kaihmi Israel mi pawl aihramnak cu ka thei ih ka thukam cu ka ciing òha a si.
6 Curuangah nangmah in Israel mi hnenah ka thu cu na sim pei, “Keimah cu Bawipa ka si. Izipt mi pawl in hramhram ih an lo òuantermi hnaòuan khunghar sung ihsin ka lo luatter ding. An sal nan sinak sungin ka lo run ding. Òihnungza hremnak thawn an thu ka òhen dingih ka baan thacak thawn ka lo humhim hai ding.
7 Ka minung ah ka lo tuah dingih Keimah cu nan Pathian ka si ding. Izipt mi pawl in nan parih an suanmi hnaòuan khunghar sung ihsin a lo suahtu Bawipa nan Pathian ka si kha in thei ding a si.
8 Abraham, Isaak le Jakob hnenih ka hmin saal in ka kam cia mi ram ah ka lo thlenpi hai ding. Cuih ram cu nanmah ih ta si dingin ka lo pe ding. Keimah cu Bawipa ka si,” a ti tiah va sim aw,” tiah a ti.
9 Pathian ih a sim bangtukin Moses in Israel mi hnenah a sim. Asinan Moses ih thusimmi cu an ngai lo; ziangahtile an saltuarnak cu a na tuk ih an thin a pit ih an bei a dong òheh ruangah a si.
10 Cutikah Bawipa in Moses hnenah,
11 “Izipt siangpahrang Faro hnenah feh awla, Israel mi pawl cu na ramsung ihsin na suakter hrimhrim pei, tiah va ti aw,” tiah a ti.
12 Asinan Bawipa ih hnenah Moses in, “Israel mi hman in ka thu in ngai lo a si ahcun ziangtinso Faro cun i ngai ding? Òong lam ahcun ka hlawhsam tuk lawmmam a si,” tiah a ti.
13 Cule Bawipa in Moses le Aaron cu Izipt ramsung ihsin Israel mi pawl hruaisuak tengteng dingih a thlahmi an si, ti cu Israel mi pawl le Izipt siangpahrang sim dingin a fial.
Moses Le Aaron Ih Thawhkehnak
14 An sungkhat ih cithlahtu pawl cu hihi an si. Israel ih fatir Reuben ih fapa ah Hanok, Pallu, Hezron, le Karmi an si. Hihi Reuben ih sungkhat tesinfa cithlahtu an si.
15 Simeon ih fapa ah Jemuel, Jamin, Ohad, Jakhin, Zohar le Kanaan nu ih fapa Shaul tla an si. Hihi Simeon ih sungkhat tesinfa cithlahtu an si.
16 Levi ih fapa pawl ih hmin cu, an tefa pawl thawn, Gershon, Kohath le Merari an si. Hihi Levi ih sungkhat cithlahtu an si. Levi cu kum za le sawmthum le kum sarih a nung.
17 Gershon ih fapa pawl cu Libni le Shimei an si ih tefa tampi an nei.
18 Kohath ih fapa pawl cu Amram, Izhar, Hebron le Uzziel an si. Kohath cu kum za le sawmthum le kum thum a nung.
19 Merari ih fapa pawl cu Mahli le Mushi an si. Hi pawl cu Levi ih sungkhat, an tesinfa pawl ih thuanthu thawn an si.Ref 6:19 1 San 6:16-19;
20 Cun Amram in a pa ih farnu Jokhebed a òhit ih Aaron le Moses a hrin. Amram cu kum za le sawmthum le kum sarih a nung.
21 Izhar ih fapa pawl cu Korah, Nefeg, le Zikhri an si.
22 Uzziel ih fapa pawl cu Mishael, Elzafan le Sithri an si.
23 Aaron in Amminadab ih fanu, Nahshon ih farnu Elisheba a òhi ih Nadab, Abihu, Eleazar le Ithamar a hrin.
24 Korah ih fapa pawl cu Assir, Elkanah, le Abiasaf an si. Hihi Korah mi pawl ih sungkhat an si.
25 Aaron ih fapa Eleazar in Putiel ih fanu lakah pakhat a òhit ih Finehas a hrin. Hihi an sungte ciar in Levi miphun ih cithlahtu pawl an si.
26 Hi Aaron le Moses hi Bawipa in, “Izipt ram ihsin Israel mi pawl cu suakter uh,” tiih a fialmi cu an si.
27 Izipt siangpahrang hnenah Israel pawl Izipt ram ihsin thlah dingin a va simtu cu anmah thotho an si.
Moses Le Aaron Hnenah Bawipa Ih Thupekmi
28 Izipt ram ih Moses hnenah Bawipa in thu a sim tikah,
29 “Keimah cu Bawipa ka si. Ka lo simmi hmuahhmuah cu Izipt siangpahrang hnenah va sim aw,” tiah a ti.
30 Asinan Moses in Bawipa ih hnenah, “Òong lam ahcun ka hlawhsam tuk lawmmam. Ziangtinso Izipt siangpahrang in ka thu cu a ngai duh ding?” tiah a ti.