5
Faro Hmai Ah Moses Le Aaron
1 Cule Moses le Aaron cu Faro hnenah an feh ih a hnenah, “Israel ih Pathian in, “Ka minung pawl cu nelrawn ramòhing ah an feh ih keimah ih hrangah biaknak puai an tuah theinak dingah Izipt ram in suah hai seh,” a lo ti,” tiah an ti.
2 Cutikah Faro in, “ Bawipa cu zoso a si? Ziangahso Bawipa ih thu cu ka ngai dingih Israel cu ka fehter ding? Bawipa cu kei ih ka theihmi a si lo. Curuangah Israel cu ka suahter lo ding,” tiah a ti.
3 Cule annih in, “Hebru pawl ih Pathian cu kan hnenah a lang a si. Bawipa kan Pathian hnenih thawinak kan va pek theinak dingah nelrawn ramòhing ah ni thum sung va feh dingin in thlah hram aw. Cutiih kan tuah lo asile, doral in maw, natnak in maw, in that ding a si,” tiah an ti.
4 Cutikah Izipt siangpahrang in Moses le Aaron hnenah, “Nan milai pawl hna òha teih òuan thiam lo dingin nan tawlrel cu ziang nan duhnak so a si? Hi sal pawl hi an hnaòuannak ah fehter uh!
5 Nan milai pawl hi kan ramsung minung ngaingai hnakin an tam sawn thlang. Cuih tlunah maw, an hna òuanlonak ding nan tumtah hrih!” tiah a ti.
6 Cuih ni ah Faro in Izipt mi salkhawngtu le Israel mi hnaòuantu pawl hotu hnenah thu a pe ih,
7 “A hlan bangtukin tlakrawh tuahnak ah hramro nan pe nawn lo pei; anmah tein hramro cu hawl hai seh.
8 Asinan tlakrawh cu a hlanih an tuahzat thotho in tuah dingah nan fial pei; òhum hrimhrim hlah uh. An zaangzel ruangah an phunzai ih, “Pathian hnenah thawinak pe dingin kan feh pei,” tiah an tinak hi a si.
9 Tam sinsin le har sinsin in hna nan òuanter pei. Thuphan lawnglawng a òongtu pawl ih thu ngai lo in an hnaòuannak ah taima sawn hai seh,” tiah a ti.
10 Cutikah salkhawngtu le hnaòuan hotu pawl cu an minung pawl hnenah an feh ih, “Faro in, “Hramro ka lo pe nawn lo ding;
11 nan hmuh naknak ah nan hawl pei ih nan la pei; asinain tlakrawh cu nan tuah òheumi zat thotho nan tuah pei,” a ti,” tiah an sim.
12 Curuangah Israel mi pawl cu hramro hawl ah Izipt ram a suk le a so ah an vak.
13 Salkhawngtu pawl cun an nawtzok rero ih, “Hramro pek nan si lai ih ni khatih nan tuah òheu zat thotho nikhat ah nan tuah a òul a si,” an ti.
14 Faro ih minung, salkhawngtu pawl in Israel hnaòuan hotu pawl an hnaòuanmi hmuahhmuah ah òuanvo pekmi pawl cu, “Zianghrangah so a hlanih nikhat sungih nan tuah òheumi tlakrawh cu atu ah nan tuah thei lo?” tiah an kawk ih an vuak ciamco hai.
15 Cutikah Israel mi hnaòuan hotu pawl cu Faro hnenah an feh ih, “Bawipa, zianghrangah so na siahhlawh pawl hitiih in tuah?
16 Atu ah hramro in pe nawn lo; asinain bawipa, “Tlakrawh tuah uh” in ti thotho fawn. Cuih tlunah bawipa, vuak tiangin kan tuar fawn. Na minung pawl ih mawh hrimhrim a si,” tiah an va phunzai.
17 Cutikah Faro in, “Nanmah pawl hi mizee nan si; mi zaangzel phun hrimhrim nan si ruangah, “Kan feh pei ih Bawipa ih hnenah thawinak kan pe ding,” tiah nan ti ciamco.
18 Curuangah atu rori nan hnaòuan thok uh! Hramro malte hman pek nan si lo ding; asinain tlakrawh cu nan tuah dingzat thotho nan tuah hrimhrim pei,” tiah a ti.
19 Israel mi hnaòuan hotu pawl cun, “Nan tuah òheumi zat thotho nitin tein tlakrawh nan tuah pei,” tiah Faro in a ti thu an theih tikah kan harsa riai a si hi, ti an thei.
20 Faro hnen ihsin an suak ih anmah a rak hngaktu Moses le Aaron an ton tikah,
21 an hnenah, “Nan thil tuahmi hi Bawipa in hmu hram sehla, Faro le a kuthnuai bawi pawl ih in huatnak ding nan phiar ruangah Bawipa in lo cawh hram seh. Kanmah pawl thahnak dingah hin an kut sungah namsau nan ret zo a si,” tiah an ti.
Moses Thlacamnak
22 Cule Moses cu Bawipa ih hnenah a fehsal ih, “ Bawipa, ziangahso hi Israel mi pawl parah harsatnak na thlenter? Ziangahso an hnenah keimah hi i thlah?
23 Nangmah ai awh in Faro hnenih ka thlen ve tein na minung pawl hi a tuahsiat ringring zo a si. Nang in le anmah runsuak ding zianghman na tuah fawn lo,” tiah a ti.