32
Sui Caw Lem An Tuah
(Daan 9:6-29)
1 Moses cu tlang parah caan reipi a um ih a rung òum dah lo ti kha Israel mi pawl in an theih tikah Aaron an pan ih a hnenah, “Izipt ram ihsin in hruaisuaktu, hi milaipa Moses cu ziang a cang ti kan thei lo; curuangah in hruaitu dingah khawzing pakhat in tuah sak aw,” tiah an dil.Ref 32:1 Tirh 7:40;
2 Cule Aaron in, “Nan nupi pawl le nan fapa pawl le nan fanu pawl ih khaihmi sui hnakhai pawl cu phoih òheh uhla ka hnenah rak keng uh,” tiah a ti.
3 Curuangah an zate in an sui hnakhai pawl cu an phoih thluh ih Aaron an pek.
4 Aaron in hnakhai pawl cu a lak ih meisa ah a titter ih sui cu a er ih caw faate lem ah a tuah. Cutikah misenpi in, “Maw Israel mi pawl, Izipt ram ihsin a lo suahtu nan khawzing cu himi hi a si,” tiah an ti ciamco.Ref 32:4 Tirh 7:41;
5 Cuti an ti ciamco cu Aaron in a hmuh tikah caw lem ih hmai ahcun biakòheng a don ih, “Thaizing cu Bawipa ih sunloihnak dingah rawl ei puai kan tuah pei,” tiah thu a than.
6 Curuangah Israel mi pawl cun a thaizing zingpit ah mei-ur thawinak hrangah òilva an that ih pawlkom thawinak hrang khalah òilva an rak keng. Cule Israel mi pawl cun an ei an in ih zoh mawilo tiangin an nuam aw ciamco.Ref 32:6 1 Kor 10:7;
7 Cutikah Bawipa in Moses hnenah, “Zamrang in vung òum aw, ziangahtile Izipt ram ihsin na hruaisuakmi na minung pawl in anmah ih mualphonak an tuah zo.
8 An thlun dingih ka pekmi lamzin ihsin zamrang tein an pial zo a si; anmah hrangah sui in caw lem an tuah ih an biak ih a hnenah thawinak an pe rero zo a si. Cule, “Maw Israel, Izipt ram ihsin a lo hruaisuaktu khawzing cu himi hi a si,” tiah an ti ciamco.
9 Hi minung pawl cu ka theihmi an si ih an lung a ruh zet a si.
10 Curuangah a kham i tum aw hlah, ka thin a hengtuk a si hrangah ka siatsuah thluh hai ding. Cun nangmah le na tesinfa pawl cu miphun tumpi ah ka lo tuah ding,” tiah a ti.
11 Sikhalsehla Moses cun Bawipa a Pathian hnenah zangfahnak a dil ih, “Maw Bawipa, cahnak le huham thawn Izipt ram ihsin na luattermi na minung pawl ih parah ziangahso na thin a heng ding?
12 “Israel mi pawl tlang parih thihter duh le siatsuah thluh duh ah an Pathian in Izipt ram ihsin a suakter a si,” tiah Izipt mi pawl in an ti lo ding maw? Na thinhennak cu daiter awla na thin cu òhum hram aw; cubangtuk ih siatsuahnak cu na minung pawl ih parah thlengter hram hlah aw.
13 Na sal pawl Abraham, Isaak le Jakob cu vun mangsal hai awla, ziangtlukin an hnenah na hmin rori in thu na tiam ih, “Van ih a ummi arsi zat in nan tesinfa pawl cu an tam ding. Ka lo kam cia bangtukin hi ram hmuahhmuah cu nan tesinfa pawl hnenah ka pek dingih kumkhua in anmah ih ta a si ding,” na timi kha vun theisal hram aw,” tiah a ti.Ref 32:13 Sem 22:16, 17;
14 Curuangah Bawipa cu a thin a òhumsal ih a sim cia mi siatsuahnak cu a minung pawl parah thlengter lo in a um.Ref 32:11-14 Mipum 14:13-19;
15 Moses cu tlangpar ihsin a vung òum ih a hmai hnih ih nganmi thukham lungpheng pahnih cu a vun keng.
16 Hi lungpheng pawl cu Pathian ih tuahmi an si ih a parih ca nganmi pawl cu Pathian thukham, Pathian amah rori ih khermi an si.
17 Cule misenpi au thawm cu Joshua in a theih tikah, “Kan riahnak hmunah raldonak thawm ka thei,” tiah Moses hnenah a ti.
18 Cutikah Moses in, “A cuih thawmvang cu ralneh thangòhatnak hla a si lo; ral an sungih an òah thawm khal a si fawn lo. Kei ka theihmi cu hlasak thawm a si,” tiah a ti.
19 Moses cu an riahnak hmun a hei naih deuh vivo ih cawzuk le misenpi an laam vutvo ciamco kha a hmuh tikah a thin a heng ngaingai. Cutikah a kenmi lungpheng pawl cu a hlon ih tlanghram ah a den kuai thluh.
20 An tuahmi cawzuk cu a lak ih a ur hnuah phut thluh ko in a rial ih a phut cu tidai parah a phulh. Cule a cuih tidai cu Israel mi pawl a inter.
21 Cun Aaron hnenah, “Ziangbangtuk thil na parih an tuah ruangah so hitluk lawmmam ih thilsualral na tuahter hai hi?” tiah Moses in a sut.
22 Cutikah Aaron cun, “Ka bawipa, ka hnenah na thinheng hram hlah aw. Himi pawl cu thilsia tuah dingah ziangtluk tumtahnak so an neih ti cu na thei ko.
23 Ka hnenah an ra ih, “In hruaitu dingah khawzing pakhat in tuah sak aw; ziangahtile Izipt ram ihsin in hruaisuaktu hi milaipa Moses cu ziang a cang zo ti kan thei lo,” tiah in ti.
24 “Zoso sui a nei,” tiih ka suh tikah, sui hlawnthil a neimi hmuahhmuah in an phoih ih in pek. Cuih sui pawl cu meisa sungah ka paih ih hi caw lem hi a ra suak ko,” tiah a ti.
25 Misenpi cu kilkhawi theih ding an si nawn lo, ti kha Moses in a hmu; ziangahtile an kiangkap ah òih dingmi ral tampi um na cingin Israel mi pawl cu Aaron in milem bia dingah a thlahthlam zo hai a si.
26 Curuangah an riahnak ih kotka ah Moses cu a ding ih, “ Bawipa ih hrangah zoso a òang ding? Bawipa ih lamih òan a duhtu hmuahhmuah ka hnenah ra uh,” tiah napi in a au. Cutikah Levi mi pawl cu a hnenah an ra ih Moses in an hnenah,
27 “ Bawipa Israel ih Pathian cun, “Nannih Levi mi pawl, ralnam pakhat ciar nan la pei ih hi lam kap ihsin riahnak khatlam kap tiang nan feh pei; nan unau siseh, nan rualpi le nan innhnen khal siseh, nan that thluh pei,” tiin a ti,” tiah a sim.
28 Cutikah Levi mi pawl cun Moses ih thupekmi vekin an tuah ih a cuih ni lawnglawngah minung thawngthum an that.
29 Cule Moses in Levi mi pawl hnenah, “ Bawipa ih hrangih puithiam hnaòuantu dingah nan fapa pawl siseh, nan unau pawl siseh, nan thahnak ihsin tuih sun ah nan pum nan pe zo. Curuangah Bawipa in tuih sun ah thluasuah a lo pe a si,” tiah a ti.
30 A thaizing ah Israel mi hnenah Moses in, “Sualnak tumpi nan tuah zo. Sikhalsehla Bawipa ih hnenah tlang parah ka hung feh pei ih nan sualnak ngaidam dingah a hnenah ka hung dil hnik pei,” tiah a ti.
31 Cutiin Moses cu Bawipa ih hnenah a feh ih, “Maw Pathian, ziangtluk sualnak tum so himi pawl in an tuah zo ti cu na thei ko. Anmah hrangah sui in khawzing an tuah zo.
32 Sikhalsehla an sualnak cu ngaidam hram aw. Na ngaidam lo ding hnak cun na minung pawl an hmin na khumnak na cabuRef 32:32 Thup 3:5; ihsin ka hmin kha phiat sawn hram aw,” tiah a dil.
33 Cutikah Bawipa in Moses hnenah, “Ka parih a sualtu lawng ka cabu sung ihsin a hmin ka phiat ding.
34 Curuangah atu cu ka lo hmuh dingmi hmunah Israel mi pawl hi fehpi aw. Zoh hnik, ka vancungmi in a lo hruai dingih ni khatkhat a caan a kim tikah an sualnak ruangah cawhkuan ka pe ding a si, ti cu ciing ringring aw,” tiah a ti.
35 Cule Bawipa in Israel mi parah natsia a thlenter, ziangahtile cawzuk tuah dingin Aaron kha an fial ruangah a si.