31
Puanthlam Ih Hnaòuantu Pawl
(Suah 35:30-36:1)
1 Bawipa in Moses hnenah,
2 “Judah phun sung ihsin Hur ih tupa Bezalel, Uri ih fapa, cu ka hril zo.
3 Amah cu ka thlarauc 31:3 thlarau: timi hi Hebru òong in ruach an ti ih cahnak tikhal a si thei. Thlarau Thianghlim tinak a si lo. in ka khahter zo ih, thiltitheinak, fimthiamnak le kutzung thiamnak a phunphun a nei a si.
4 Innruang pungsan a phunphun suai theinak le a cupawl cu sui, ngun le dar in suai theinak a nei a si.
5 Lungmankhung taat theinak, zanthing in thilri a phunphun tuah theinak le kutzung thiam zet ih thil phundang dang tuahtheinak tla a nei.
6 Amah thawn hnaòuan tlang dingah Dan phun sung ihsin Ahisamak ih fapa Oholiab cu ka hril zo. Tuah dingih ka lo fialmi hmuahhmuah an tuah theinak dingah a dang zungthiam pawl hnen khalah thiltitheinak tam zet ka pe zo.
7 Tuah dingmi pawl cu: Keimah umnak Puanthlam, Thukamnak Kuang le a sin, Puanthlam sungih thilri hmuahhmuah,
8 cabuai le sui ih tuahmi meivannak fung le a thilri, zihmui rimthaw urnak hrangih biakòheng,
9 mei-ur thawinak hrangih biakòheng le a thilri pawl, kut kholhnak kheng le a tawdam,
10 Aaron le a fapa pawl in puithiam hna an òuan ah an hruk dingmi puan mankhung pawl,
11 hriak culhnak dingih hmanmi siti le hmun thianghlim hrangih hman dingmi zihmui rimthaw pawl tla an si. Hi thil pawl an tuah tikah na hnenih thu ka lo pekmi vek cekci in an tuah thluh pei,” tiah a ti.
Colh Ni
12 Bawipa in Moses hnenah,
13 “Israel mi pawl hnenah, “Ka sabbath ni cu nan ul pei, zianghrangah tile cuih ni cu keimah le nanmah le nan tesinfa karlak ah Bawipa keimah in nanmah cu ka minung ngaingai ah ka lo tuah zo a si, ti langternak ih hminsinnak a si.
14 Sabbath ni cu nan ul pei, ziangahtile nan hrangah thiantermi ni a si zo. Zokhal sabbath ni a buartu cu thah a si pei; zokhal sabbath ni ul lo in hna a òuan asile a minung sung ihsin dawihlo a si pei.
15 Niruk sung hna òuannak caan nan nei; sikhalsehla ni sarih ni cu a thianghlimmi sabbath ni a si ih Bawipa ih hrangah ni thianghlim a si. Zokhal cuih ni ah hna a òuantu cu thah tengteng a si pei.Ref 31:15 Suah 20:8-11; 23:12; 34:21; 35:2; Pui 23:3; Daan 5:12-14;
16 Kumkhua daih thukam hminsinnak a si bangtukin Israel mi pawl in sabbath ni cu an ul pei ih an tesinfa san khalah an ul ringring pei.
17 Hi ni cu keimah le Israel mi karlak ih kumkhua hminsinnak a si, ziangahtile Bawipa keimah in van le leilung cu ni ruk sungah ka tuah òheh ih ni sarih ni ah hnaòuan lo in ka colh ruangah a si,” tiin sim aw,” tiah a ti.
18 Sinai Tlang parah Bawipa in Moses hnenih thu a simmi a òheh tikah Pathian amah ih kut rori in thukham a ngannak lungpheng pahnih cu Bawipa in Moses hnenah a pek.