29
Aaron Le A Fapa Pawl Ih Pumpeknak
(Pui 8:1-36)
1 “Aaron le a fapa pawl cu ka hrangih puithiam òuan dingih an pum an pek tikah hibangtuk in nan tuah pei. Raitluan cawcang no pakhat le tuucang pahnih nan la pei.
2 Cule thilnu tel lomi sang, thilnu tel lo le sitiih tuahmi sangfun le thilnu tel lo le sitiih tuahmi sangpheng khal nan la pei. Hi sang pawl cu a òha zetmi sangvut in nan tuah pei.
3 Kho sungah nan ret pei ih cawcang le tuucang pahnih nan thah tikah kho sungih sang cu ka hnenah in pek pei.
4 “Keimah ka umnak Puanthlam sangka ah Aaron le a fapa pawl kha rak hruai uhla kholh aw hai seh.
5 Cun sunghruk angki, a tlunih hrukmi angki fualpi, òaangthlaih, òaangben le taikhap pawl kha Aaron hrukter uhla taikhap khal khapter uh.
6 Lupawng khal a lu ah pawngter uhla, cuih parah calben khal ben uh. Calben parah cun “ Bawipa ih hnenah pekmi,” tiah khen uh.
7 Cule hriak la uhla a lu ah nan toih pei ih cuticun hriak nan culh pei.
8 “A fapa pawl rak hruai uhla angki hrukter uh.
9 An tai ah taaiòem òem uhla an lu ah lukhuh khumter uh. Cuti vekin a si Aaron le a fapa pawl puithiam ah nan canter ding daan cu! Amah le a tesinfa pawl in Keimah in rian ringring ding.
10 “Keimah ka umnak Puanthlam hmaiah cawcang kha rak keng uhla Aaron le a fapa pawl in a lu parah an kut an suang pei.
11 Pumkhawmnak Puanthlam ih luhnak sangka, Bawipa ih hmaika ahcun cawcang cu nan that pei.
12 Cawcang ih thisen kha nan mehtok in tok uhla, biakòheng parih thingzum nan bunmi parah nan maan pei. A tanglaimi a thisen cu biakòheng hramah nan bur thluh pei.
13 Cu òheh in a sungril tuamtu a thau le a thin bawr le a kaileng pahnih le a tuamtu a thau pawl cu nan la pei ih biakòheng parah Keimah in biaknak ah nan ur pei.
14 Sikhalsehla a tit, a vun le a sungril hmuahhmuah cu bukthlam lenglamah nan ur òheh pei. Himi cu puithiam pawl an sualthianfai thawinak dingih pekmi a si.
15 “Tuucang pakhat kha la uhla, Aaron le a fapa pawl in a lu parah an kut an suang pei.
16 Nan that pei ih a thisen nan suah pei ih biakòheng ih kimvel ah nan thle pei.
17 Tuucang sa cu nan can òheh pei ih a sungril le a ke pawl nan kholhfai pei. Cu òheh in a lu le a sa dang pawl ih tlunah nan ret pei.
18 Biakòheng parah tuucang sa hmuahhmuah cu Keimah in biaknak ah nan ur pei. Himi cu Bawipa ih hrangah mei-ur thawinak a si;Ref 29:18 Efe 5:2; Fili 4:18; meisa thawn thawinak a si ih Bawipa ih hrangah rimthaw a si.
19 “Cun tuucang dang pakhat kha la uhla, Aaron le a fapa pawl in a lu parah an kut an suang pei.
20 Nan that pei ih a thisen hrekkhat nan la pei ih, Aaron le a fapa pawl ih vorhlam hna rah par le an vorhlam kutzungpi par le an vorhlam kezungpi parah nan maan pei. A tanglaimi thisen cu biakòheng kimvel ah nan bur òheh pei.
21 Biakòheng parih thisen kha nan la pei ih culhmi hriak thawn nan rawi hnuah Aaron le a fapa pawl ih hnipuan parah nan theh pei. Aaron, a fapa pawl le an hnipuan tla cu a thianghlimmi ah an cang ding.
22 “Tuucang ih thau, a meifi thau, a sungril tuamtu thau, a thin bawr, a kaileng pahnih parih thau pawl le a vorhlam cawn nan la pei; (zianghrangah tile hi tuucang cu puithiam an cannak kutsuannak hrangih hmanmi a si.)
23 Bawipa ih hmaika ah retmi sangkho sung ihsin thilnu tel lo sang pakhat, siti thawn tuahmi sangfun pakhat le sangpheng pakhat nan la pei.
24 Hi sang pawl cu Aaron le a fapa pawl ih kut sungah nan ret pei ih thlir tahrat in Bawipa ih hnenah an pek pei.
25 Cu òheh in an kut parih sang pawl cu nan la pei ih biakòheng parih mei-ur thawinak parah nan ret pei ih Bawipa ih hrangih rimthaw si dingin nan ur pei. Himi cu Bawipa ih hnenah meisa thawn biaknak a si.
26 “Aaron pumpeknak tuucang ih ir kha nan la pei ih, Bawipa ih hnenah thlir tahrat in biaknak ah nan hmang pei. Himi tuucang sa cu nanmah ih covo a si ding.
27 “Aaron le a fapa pawl pumpeknak ih hmanmi tuucang sa ihsin a ir kha kut in thlir tahrat in biaknak ah nan hmang pei ih a cawn cu puithiam pawl hrangah a si pei.
28 A thleng aw dah lomi ka thu pekmi bangtukin a hi sa pawl cu Aaron le a fapa pawl hrangih Israel mi pawl ih pekmi sa a si ding. Israel mi pawl ih pawlkhawm biaknak sa sung ihsin hi sa, a ir le a cawn pawl cu puithiam pawl hrangih a dangte ih retmi sa a si. Bawipa ih hnenah an laksawng a si.
29 “Aaron ih fapa pawl kha puithiam an si ve theinak dingin Aaron a thih tikah a hnipuan thianghlim pawl cu a fapa pawl hnenah nan pek thluh pei ih kutsuannak an ngah tikah cuih hnipuan ah an hruk ding.
30 Aaron ih puithiam hnaòuan a sawngtu a fapa in hmun thianghlim ih puithiam hnaòuan dingih tonkhawmnak thlam sung a luh tikah a cuih hnipuan cu ni sarih sung a hruk ding.
31 “Pumpeknak hrangih hmanmi tuucang cu nan la pei ih hmun thianghlim ah a sa cu nan suang pei.
32 Keimah umnak Puanthlam luhnak sangka ah Aaron le a fapa pawl in tuucang ih sa le kho sungih sang pawl cu an ei pei.
33 Anmah pumpeknak le hriakculh caan ah an hnenih ngaidamnak a thlentertu cu anmah in an ei pei. Hi rawl cu a thiangmi a si hrangah puithiam pawl lawngin an ei pei.
34 Sa siseh, sang siseh, zinglam tiang a tangmi a um a si ahcun ur-kang thluh ding an si. Eisal ding a si nawn lo; ziangahtile a thiangmi an si.
35 “Aaron le a fapa pawl hrangah ka thupekmi vek cekci in nan tuah pei. An pumpeknak cu ni sarih sung nan tuah pei.
36 Nitin tein sualthianfai thawinak ah cawcang nan that pei ih sual ngaidamnak a um ding. Sual ngaidamnak hrangih cawcang nan thah ruangah biakòheng ihsin sualnak cu a hlo ding a si. Cun biakòheng cu sahriak nan culh pei ih Pathian hnenah nan pek pei.
37 Ni sarih sung biakòheng hrangah sualthianfai thawinak nan tuah pei ih Pathian hnenah nan pek pei. Cuticun biakòheng cu a thianghlim zet dingih thil zarh ah a cang ding; curuangah biakòheng a daitu hmuahhmuah in a zarhmi ahb 29:37 a zarhmi ah: timi hi, a thianghlimmi nan tham ahcun siatsuahnak a um thei, tiah an rak zum. an cang ve ding a si.
Nitin Thawinak
(Mipum 28:1-8)
38 “Biakòheng parih thawinak nan pek dingmi cu hihi a si ding: Nitin tein cat lo in kum khat a timi tuu note pahnih nan that ringring pei.
39 Zinglam ah tuu note pakhat nan that pei ih zanlam ah a dang tuu note pakhat nan that pei.
40 Siti òha zet khuat thum rawimi sangvut òha zet cuai li thawn a hmaisa ih tuu note nan thahmi cu thawinak ah nan pek pei. Cule inmi thawinak hrangah sabitti khuat thum khal nan toih pei.
41 Tuu note pahnihnak cu zanlam ah, zinglam ih nan tuah vek thotho in, eimi thawinak le inmi thawinak thawn nan pek cih pei. Cuticun Bawipa ih hrangih meisa thawn ur-in thawinak rimthaw a si pei.
42 A hi mei-ur thawinak cu Bawipa keimah ih hmaiah Keimah umnak Puanthlam sung luhnak sangka ah sankhat hnu sankhat cat lo in nan tuah ringring pei. Cutawkah cun ka minung pawl ka lo tong dingih nan hnenah thu ka sim ding.
43 Cutawkah Israel mi pawl cu ka tong pei ih keimah ih sunlawinak tleu in a cuih hmun cu hmun thianghlim ah a cangter ding.
44 Puanthlam le biakòheng cu ka thianghlimter ding; Aaron le a fapa pawl tla cu keimah ih puithiam hna an òuannak dingah a hrante in ka ret dingih ka thianghlimter hai ding a si.
45 Israel mi lakah ka um pei ih an Pathian ka si ding.
46 Keimah cu anmah lakih ka um theinak dingah Izipt ram ihsin a suaktertu an Bawipa Pathian ka si kha in thei ding. Keimah cu Bawipa an Pathian ka si.