26
Bawipa Ih Umnak Puanthlam
(Suah 36:8-38)
1 “Ka umnak dingah Puanthlam, coihcinmawi puanòha mankhung, mepian, sendup le a senmi puan zun hra in nan sak pei. Hi puan pawl cu cherub timi thlanei ramsa lem cuangin mawi zet ih òelhmi puan an si pei.
2 Puan pawl cu a saulam kaih hleili le a kauhlam kaih hnih ciar an si pei.
3 Zun nga cu nan pehkhawm pei ih a dang zun nga khal nan pehkhawm thotho pei.
4 Cutiih nan pehkhawmmi puan tlunta bik ih zimah mepian puan in a beu pawl nan tuah pei.
5 Puan pehmi pakhatnak ah beu sawmnga nan tuah pei ih a pahnihnak puan pehmi khalah beu sawmnga in nan tuah pei.
6 Puanthlam cu umnak pakhat ih cang dingin puanawknak kual sawmnga sui in nan tuah pei ih cumi thawn puan thuah hnih cu nan peh pei.
7 “Hi Puanthlam khuhnakah mehmul in puan zun hleikhat nan tah pei.
8 Zun khat cu kaih hleinga a sau pei ih kaih hnih a kau pei ih an zate in an tia aw thluh pei.
9 Zun nga kha zun khat cang dingin nan peh pei ih a dang zun ruk khal zun khat kim ve dingin nan peh pei. A zun ruknak cu Puanthlam ih hmailam ah bil hnih ah nan bil pei.
10 Nan pehmi puan khatlam zimah puan beu sawmnga nan tuah pei ih a dang pehmi puanzim khalah beu sawmnga thotho nan tuah pei.
11 Puan awhnak sawmnga dar in nan tuah pei ih Puanthlam pakhat ih cang dingin nan peh cia mi puan pahnih cu cuih daar cun nan awk pei.
12 Puanthlam parih a thlai aw mi puan a hrek cu Puanthlam ih dunglam ah a thlai aw ding.
13 Puanthlam a sau zawng ih a thlai aw mi puan hleimi kaih hrek veve cu Puanthlam khuhtu ah a sir ah an thlai aw pei.
14 “Puanthlam khuhnak dingah a senih buhmi tuucang phaw le a cuih par a lenglamih khuh dingah saphaw òha nan tuah pei.
15 “Hi puanthlam ih phar cu a tung zawng in nan song pei ih lawithing in nan tuah pei.
16 Phar cu tlepkhat ah dong hra a sau pei ih dong khat le hrek ciar an kau dingih,
17 a pehkomnak ah a kap ciar kha nan khuar pei. Phar a zate in cutiin nan tuah thluh pei.
18 Hi phar pawl nan tuah tikah thlanglam phar hrangah tlep kul nan tuah pei ih,
19 an tawdam cu ngunih tuahmi tawdam sawmli nan ret pei. Nan khuarnak zawn ihsin a hun dotu ah phar pakhat ah ngun tawdam pahnih fingfing nan tuah pei.
20 Saklam phar hrangah tlep kul nan tuah pei ih,
21 phar pakhat hrangah tawdam pahnih ciar in ngun tawdam sawmli nan tuah pei.
22 Nitlaknak lam, Puanthlam dunglam phar hrangah cun phar tlep ruk,
23 Thlam dunglam kil hrangah phar tlep hnih nan tuah pei.
24 Thlamkil pahnih ih phar pahnih cu a tawlam ihsin a luziik tiangin an peh aw thluh pei. Phar kil pahnih ih phar tlep hnih cu a cutiih tuahmi an si thluh pei.
25 Cuhrangah phar tlep riat a um pei ih pakhat hnuai ah ngun tawdam pahnih ciar in ngun tawdam hleiruk an um pei.
26 “Lawithing in phartlang nan tuah pei ih siir khat ah phartlang panga,
27 a dang siir khat ah phartlang panga le dunglam nitlaknak lam sir ah phartlang panga nan tuah pei.
28 Phar laifang zawnih phartlang cu kil khat ihsin kil khat tiang a saumi a si pei.
29 Sui kual pawl nan tuah pei ih phar parah nan bun pei. Phartlang pawl cu a cuih sui kual sungah nan hrolh pei. Phar siseh, phartlang siseh, sui in nan khuut pei.
30 Tlang parih ka lo hmuhmi vekin puanthlam cu nan sak pei.
31 “Coihcinmawi puan mankhung le mepian, a sen le a sendupmi tuuhmul in puanzar pawl cu nan tuah pei. A cuih puanzar pawl cu cherub timi thlanei ramsa lem mawi zet ih òelhmi an si pei.
32 Ngun tawdam pali ihsin a ding ih sui ih khuutmi lawiòhuam pali parah sui kual in puanzar pawl cu nan thlai pei.
33 Puanthlam khuhnak thawn a peh aw mi puan awhnak ihsin puanzar cu nan thlai pei. Cuih puanzar phenah lungpheng pahnih retnak Thukam Kuang cu nan ret pei. Puanzar cu Hmun Thiang le Hmun Thiang Bik dangtu a si ding.Ref 26:33 Heb 6:19; 9:3-5;
34 Hmun Thiang Bik ih a ummi Thukam Kuang cu a sin nan sin pei.
35 Puanzar ih lengah cabuai nan ret pei. Cuih cabuai cu saklam kapah nan ret pei ih meivannak fung cu thlanglam kapah cabuai ralden ah nan ret pei.
36 “Puanthlam ih hmailam khalah puanzar nan tuah pei ih mepian, a sen, le a sendupmi puan, coihcinmawi puan mankhung in nan tuah pei.
37 Cuih puanzar hrangah sui in khuutmi lawiòhuam panga nan tuah pei ih sui ih tuahmi puan awhnak in nan awk pei. Cuih lawiòhuam hrangah daar ih tuahmi tawdam panga nan tuah pei.