25
Biakinn Hrang Thawhlawm
(Suah 35:4-9)
Bawipa in Moses hnenah, “Ka hrangah thawhlawm an peknak dingah Israel mi pawl sim aw. Ka hrangih pek a duhtu hmuahhmuah hnen ihsin thawhlawm cu na rak sang pei. Na saan dingmi thawhlawm pawl cu sui, ngun, daar, a mepianmi le a sen uai le a senmi tuuhmul puan, puan neem le mehmulih tuahmi hnipuan, a senih buhmi tuucang phaw, saphaw phun òha a neemmi le lawithing; mei-inn hrangah zinan le hnih dingah hriak le a rim hmuimi ur dingah zihmui; puithiam pawl in an òaangthlaih le an òaangben parih an ret dingmi lungvar sen le lungvar dangdang tla an si ding. Israel mi pawl in ka umnak hrangah inn an sak pei ih anmah lakah ka um ding. Ka inn nan sak dingmi cu ka lo hmuh dingmi vekin a innruang le a sungih thilri pawl cu an si pei.
Thukam Retnak Thingkuang
(Suah 37:1-9)
10 “Lawithing in kuang an tuah pei ih dong hnih le hrek a sau pei, dong khat le hrek a kau pei ih dong khat le hrek a sang pei. 11 A sungah siseh, a lengin siseh, sui hlir in nan khuut pei ih a tlang kimvel cu suipheeng in nan vel pei. 12 Sui kual pali nan tuah pei ih khat lamah pahnih veve in a ke pali ah nan bun pei. 13 Lawithing in zawnfung nan tuah pei ih sui in nan khuut pei. 14 A putnak ah zawnfung cu thingkuang ke ih sui kual sungah a kap le a kapah nan hrolh pei. 15 Hi zawnfung pawl cu sui kual sungah taan ding a si ih lak ding a si lo. 16 Cun cuih kuang sungah cun ka lo pe dingmi thukham ngannak lungpheng pahnih cu nan ret pei.
17 “A sin cu sui hlir in nan tuah pei ih dong hnih le hrek sau le dong khat le hrek kau a si pei.Ref 25:17 Rom 3:25; Heb 9:5; 18 A sinih khatlam le khatlam zim veve ah sui ih sermi cherub timi thlanei ramsa lem pahnih nan tuah pei ih, 19 zim khat ah pakhat ciar nan ret pei. A dang tein si lo in a sin thawn an peh aw thluh pei. 20 Cherub pahnih cu a tlunah an thla an pharh pei ih kuangsin cu an thla in an khuh pei. Cherub pahnih cu an hawih aw pei ih kuangsin cu an zoh veve pei. 21 Kuang parah a sin cu nan ret pei ih kuang sungah cun ka lo pe dingmi thukham ngannak lungpheng pahnih nan ret pei. 22 Cutawkah ka lo tong ding a si; kuangsin tlun le kuang parih a ummi cherub pahnih karlak in Israel mi pawl ih hrangah ka thukham hmuahhmuah ka lo pe ding a si.
Pathian Hnenih Pekmi Sang Hrangah Cabuai
(Suah 37:10-16)
23 “Lawithing in cabuai pakhat nan tuah pei ih dong hnih sau, dong khat kau le dong khat le hrek sang a si pei. 24 Cuih cabuai cu sui hlir in nan khuut pei ih a kimvel sui in nan vel pei. 25 A tlangkap cu zungpibok pathum kau in nan tuah pei ih sui thotho in nan khuut pei. 26 Sui kual pali in nan tuah pei ih a ke umnak kil li ah nan bun pei. 27 Cuih sui kual pali cu cabuai putnak zawnfung a kaitu an si pei ih cabuai ih tlangkap ah nan bun pei. 28 Zawnfung pawl cu lawithing in nan tuah pei ih sui in nan khuut pei. 29 Cule inmi thawinak hrangah pakan, hai, khuat le kheng pawl nan tuah pei. Sui hlir in nan tuah pei. 30 Ka hrangih nan hunmi sang thiang cu cabuai parah nan ret ringring pei ih cuih cabuai cu Thukam Kuang hmaiah nan ret pei.Ref 25:30 Pui 24:5-8;
Meivannak Fung
(Suah 37:17-24)
31 “Sui in meivannak fung nan tuah pei. A tawphah le a fung pawl cu sermi sui in nan tuah pei ih a mawitertu pangpar pawl, a mum le a par tla cu a fung thawn an peh aw thluh pei. 32 A fung ihsin òek paruk a kho pei ih kap khat ah òek thum veve an um pei. 33 A òek hmuahhmuah ah kulhòhuang par bangin a mum le a par thawn, a mawitertu pangpar par thum ciar an um pei. 34 A fungah kulhòhuang par bangin a mum le a par thawn, a mawitertu pangpar pali an um pei. 35 A òek khuah thumih hnuai ciar ah pangpar mum pakhat fingfing a um pei. 36 A mum le a òek pawl tla cu a fung thawn an peh aw thluh pei; sermi sui hlir pakhat in tuah òheh a si pei. 37 Cuih meivannak fung pakhat parah mei pasarih nan vang pei ih a hmailam tleu dingin nan vang pei. 38 Caiceh le darkheng pawl khal sui hlir in nan tuah pei. 39 Hi meivannak fung le a thilri hmuahhmuah pawl tuahnak ah sui pawng zakhat nan hmang pei. 40 Tlang parih ka lo hmuhmi innruang vek cekci in fel tein nan tuah pei.Ref 25:40 Tirh 7:44; Heb 8:5;