24
Thukamnak Cu Hngetter A Si
Bawipa in Moses hnenah, “Tlang parah Aaron, Nadab le Abihu le Israel mi hruaitu sawmsarih thawn ka hnenah ra uhla hla nawn in nan lu kunin in ra bia uh. Moses nangmah lawng ka kiangah na ra pei. Midang pawl cu in ra naih hlah hai seh; misenpi pawl cu tlangpar hmanah an ra kai lo pei,” tiah a ti.
Moses cu misenpi hnenah a feh ih Bawipa ih thupekmi le daan pekmi hmuahhmuah cu an hnenah a sim. Cutikah misenpi in, “ Bawipa ih simmi hmuahhmuah cu kan tuah òheh ding,” tiah hmun khatte ah an ti. Cule Bawipa ih thupekmi pawl Moses in a ngan òheh. A thaizing zingpitte ah a cuih tlang hramah Moses in biakòheng a don ih Israel miphun hleihnih hrangah rolung hleihnih a phun. Cun mei-ur thawinak a pek ih Bawipa ih hnenah thawinak pekmi cawcang pawl a thattu Israel mino pawl cu pawlkom thawinak tuah dingah Moses in a fehter. Moses in caw thisen a hrek cu a lak ih kheng sungah a ret ih a hrek cu biakòheng parah a theh. Cun thukam cazual cu a lak ih zapi theih in misenpi hnenah a siar. Misenpi in, “ Bawipa ih thupekmi hmuahhmuah cu kan tuah òheh dingih a thu kan ngai ding,” tiah an ti.
Cutikah Moses in kheng sungih thisen cu a lak ih misenpi parah a theh ih, “Hi thisen cu Bawipa in nanmah thawn thukamnak a tuah ih a thupekmi hmuahhmuah nemhngetnak thisen a si,” tiah a ti.Ref 24:8 Mat 26:28; Mar 14:24; Luk 22:20; 1 Kor 11:25; Heb 10:29; Heb 9:19, 20;
Cule Moses, Aaron, Nadab, Abihu le Israel mi hruaitu sawm sarih cu tlang parah an feh ih, 10 Israel mi pawl ih Pathian cu an hmu. A ke hnuai ahcun a thian tuk ah van fiim a bang kelkelmi mepian lungvar ih phahmi lungphah bangtuk a um. 11 Israel mi hruaitu pawl in Pathian an hmu nain hlohralnak an tong lo; cutawkah hmunkhat ah an ei an in tlang.
Sinai Tlangah Moses A Kai
12  Bawipa in Moses hnenah, “Tlang parah ka hnenah ra kai awla hitawkih na ra um sungah Israel mi thuzirhnak dingih ka daan pawl cu lungpheng in ka lo pe ding,” tiah a ti. 13 Curuangah Moses le a bawmtu Joshua cu an tim an tuah hnuah Moses cu tlang thianghlim parah cun a hung kai. 14 Cule Moses in, “Kan ra kirsal hlan lo hitawk ihsin in rak hngak uh. Aaron le Hur cu nan hnenah an um ih thupoi a um asile anmah nan rak tong pei,” tiah Israel mi hruaitu pawl hnenah a cahta.
15 Moses cu tlang parah a hung kai ih tlang cu mero in a tuam leihleih òheh. 16  Bawipa ih sunlawinak cu tlang parah a rung thleng ih curuangah mero in tlang cu ni ruk sung a khuh. Ni sarih ni ah Pathian in mero sung ihsin Moses cu a ko. 17 Israel mi pawl hrangah cun Bawipa ih sunlawinak cu tlang parih meisa a kaanghliau reromi a bang. 18 Cuticun Moses cu tlangpar mero sungah ni sawmli le zan sawmli a um.Ref 24:18 Daan 9:9;