2
Moses Suahnak
1 Cuih caan ah Levi mi pakhat in a phunpi nunau pakhat a òhi.
2 A nupi cu fa a vun ih fapa a hring. Fapa mawi zet a si tikha a nu in a hmuh tikah thla thum sung a thup.Ref 2:2 Tirh 7:20; Heb 11:23;
3 Asinan a thuh thei nawn lo tikah phaipheng ih tuahmi bawm pakhat a lak ih tidai lut thei lo dingin cingthling le khuaiseng a hnih. A sungah naute cu a hlum ih tivapi kap hrampi sang zetzet lakah a ret.
4 Ziang a cang pei ti theih duh ah a u nu cun hlat nawn in a thlir.
5 Cutikah Faro ih fanu tibual dingah tiva ah a ra ih a zawng-um nunau pawl cu tivakap ahcun lam an leng. Faro ih fanu in hrampi lakih bawm cu a hmuh tikah la dingah a zawng-um nu a fial.
6 Faro ih fanu in bawm cu a on tikah naute cu òap rero ih a um kha a hmu. A zangfah zet ih, “Hebru naute a si hi!” a ti.
7 Cutikah cuih a u nu cun, “Hi naute a lo zohsaktu dingah Hebru nunau pakhat ka va ko pei maw?” tiah a sut.
8 Cule Faro ih fanu in, “Va ko aw,” a ti. A va feh ih amah ih nu rori a va ko.
9 Cutikah Faro ih fanu cun, “Hi naute hi i rak zoh sak awla na zoh man cu ka lo pe ding,” tiah a ti. Curuangah cuih naute cu a nu in a la ih òha tein a zoh.
10 Naute cu a hung upat deuh tikah a nu cun Faro ih fanu hnenah a hei fehpi ih Faro ih fanu cun amah ih fapa ah a tuah.Ref 2:10 Tirh 7:21; “Tidai sungin ka suahmi a si,” a ti ih a hmin ah Mosesa 2:10 Moses: ti cu Hebru òong in Suah ti thawn a aw suah a bang aw; ti sungin suahmi ti ai a si. a sak.
Midian Ram Ah Moses A Tlan
11 Tawkfang a hung rei hnu, Moses a upat deuh tikah a miphun pawl a va leng. Cutiih a va len tikah a miphun pawl cu Izipt mi pawl in hramhram ih hnaòuan khung an òuanter kha a hmu.Ref 2:11 Heb 11:24; Cuih tlunah a phunpi Hebru mi pakhat Izipt mi pa ih a vuak kha a hmu.
12 A kiangkap a zoh ih zohman a hmuh lo tikah Izipt mipa cu a that ih a ruak cu vunnel sungah a thup.
13 A thai sun ah a phunpi pawl hnenih a va fehsal tikah Hebru mi pahnih an sual awk rero kha a hmu. Cutikah a mawh deuhtu pa ih hnenah, “Ziangahso na phunpi cu na thawi?” tiah a ti.
14 Cutikah anih cun, “Zoin so kan tlunih uktu le thuòhentu dingah a lo tuah? Izipt pa na thah vekin a thah i tum maw si?” tiah a ti. Cutikah Moses cu a thin a phang ih, “Ka thil tuahmi hi midang in an thei zo a si hi!”Ref 2:11, 14 Tirh 7:23-28; tiah a ti.
15 Cumi thu cu Faro ih a theih tikah Moses cu thah a tum. Asinan Moses cu a tlan ih Midian ram ih um dingin a feh. Midian ram a thlen tikah tikhur pakhat kiangah a cawl.Ref 2:15 Tirh 7:29; Heb 11:27;
16 Midian ram ih puithiam Jethro b 2:16 Jethro: Jethro hi Moses ih pu a si ih Reuel ti tla in an ko. in fanu pasarih a nei. A fanu pawl cu tikhur ah an ra ih, an pa ih tuu le me hrangah tidai an khai ih an òilva tidai innak kuang sungah an thlet.
17 Culaifang ah tuukhal pawl an ra ih an ra dawi hai. Sikhalsehla Moses in nunau pawl cu a òan ih an òilva cu tidai a pek sak.
18 Cule an pa hnenih an va kir tikah an pa cun, “Ziangtinso tuih sun bul tuan ih nan tlun thei?” tiah a sut.
19 “Izipt pa in tuukhal pawl hnenin in run ruangah a si,” tiah an ti. “Kan hrangah tidai hman in khai sak ih òilva pawl tla a tul a si,” an ti.
20 Cutikah an pa cun, “Khuiahso a um? Ziangahso cupa cu nan tanta? Va ko uhla kan hnenah rawl ra ei seh,” tiah a fanu pawl cu a fial.
21 Cuticun Moses cu Midian ram ahcun a um ih Jethro in a fanu Zipporah cu Moses ih nupi dingah a pek.
22 Zipporah in fapa a nei ih, “Tluang ram ah ramdangmi ka si,” a ti ih a hmin ah Gershomc 2:22 Gershom: ti cu Hebru òong in Ramdangmi ti thawn a aw suah a bang aw. a sak.
23 Kum tampi hnuah Izipt siangpahrang cu a thi. Asinan Israel mi pawl cu sal an tuarnak ruangah an aihram ih an raak an kio lai thotho. Cuti an aihramnak aw cu Pathian hnenah a thleng ih,
24 an raak an kionak aw cu Pathian in a thei. Cun Abraham, Isaak le Jakob hnenih a thukammi khal a ciing.Ref 2:24 Sem 15:13,14;
25 Israel mi pawl an sal tuarnak cu Pathian in a hmu ih an parah seherhnak a nei.